1 Reyes 18:2 - Dios Iwene

² Weökwe, Acab öba a'o öwawachobö i̧'yinobe Eliasma. Ja̧ möle baledi̧ baikwö laebobe. Lekwe ojwiyo o̧bokobetjö, nöinö a̧wi̧chi̧ lö̧jinobe Samaria comunidadtjö.

1 Reyes 18:2 Referans Kwoze

Isaías 51:12

Adebökwe, baikwö atadö yöba̧lo̧ Isabenö Jo̧ma: Chömöledö, kwo̧'wo tjo̧bekwö kwö̧jaduwelö, ötjödasa kwo̧'woduwi ösöwachibanö pjabato̧ma. Ja̧danö ötjöda ökwödönö pjatatobetjö̧, tajawedö bö̧jȩ jojodönö yekabiduwobö? Jobadöma meje'ye, juluwanö kököbachibö, debi baiba'yedanö ichejekwadö, juluwanö debö 'ya̧dö bö̧jȩ jojodöma, tajawedö jobadönö yekabiduwobeda?

Proverbios 28:1

Bemi tupakwö laebakwa̧ma inesö la'aka luwo̧ Ezequías ömöayedöma ju'wi Salomón iwȩyudina eda̧lö tjiwȩyudina, Salomón woinobe okobe lekwinemi. Ja̧ tjiwȩyudinama baikwö laebobe, Salomón yöawina: Isabenö yötawa: Sulabenö ja̧bö ju̧kwadöma yebabinö döbibajadö, ökwödönö do̧batö tjicha, jö̧ba̧lö. Jobadönö do̧tjatobö ichadö deijayonö, tjicha döbibajo, jö̧ba̧lö yebabinö döbibajadö. Jobekwö yetjabokobe Dios wei̧ a̧ja̧kwadöma. Yebaböködö. Didiba möayo̧ juluwo̧ didibadanö yebaböködö.

2 Reyes 6:25

Ja̧danö, jobekwö tjötjösawiawö̧, jwiinö a̧wi̧chi̧ lö̧jinobe Samaria jojodönö, kwakwawa tjichejebobö jwiinobetjö̧. Lekwe tjötjösawiawö̧, mikwawökö ji̧ bulu uuma, mikwawachibinobe plata ö̧pi̧biya ochenta ö̧pibiya mikwawenanö baibanö, ja̧danö deja'do̧ bakwa'do̧ yunuku̧dö tjide'oma, bakwamu jawa plata ö̧pibiya mikwawenanö baibanö, jwiinö a̧wi̧chi̧ lö̧jawö̧, ja̧bi tjukwobö tjisakwobetjö̧.

1 Reyes 18:1

Lekwe möle, döbalataja o̧biya baledibanö ojwiyo o̧binokobe Israel nijitjö. Jemi ikenama, wapöbakwa o̧ba ja'ö, Isabenö Jo̧ma iteda yöawi̧ yöawinobe Eliasnö, —Tjowita Elias, babe Acab ö̧jobekwö kwi̧'yo, ja̧danö Acab öba a'o kwöwawacho, ja̧danö jemi ikenama ojwiyo yemidanö o̧bobö wetocha, —jö̧ba̧lö.

1 Reyes 18:3

Ja̧danö, kököachibiökwe, Acabma iteda ömöayo̧ Abdias mikwo̧nö jwöinobe, meje'ye jȩmi isakwakobetjö̧. Jo̧ba Abdiasma, Acab eju teada̧lakwawa luwo̧ ö̧jinobe, jo̧kwaijayonö Acab yö̧ne ömöayo̧so̧ ö̧jinayonö, otiwanö yebabinö Isabenö Jo̧nö ösödö ö̧jinobe Abdiasma. Baikwö laebobe Abdias Diosnö ösödi̧ i̧sȩbina wenema:

2 Reyes 1:4

Jobekwö sulabenö abebö kwi̧'yaduwiökwe, baikwö yöawobe Isabenö Jo̧ma, kwuluwo̧duwi Ocoziasnö: -Ökwöma kwö̧bapjo camapjotjö kwa̧la̧ibökakwo̧ja, isabenö a̧la̧ibökönö, ö'wö bakibakwo̧ja, –jö̧ba̧lö yökawo Ocozias ömöayedönö, —jö̧ba̧lö weinobe angelma. Ja̧danö weökwe, a̧la̧ibö i̧'yinobe Eliasma, ja̧danö weaja̧danö yöawinobe Ocozias ömöayedönö.