1 Reyes 16:3 - Dios Iwene

³ jadanö jejenö chödameakwobetjö̧, ökwöla jwiinö ubö loi̧danö, jwiinö ökwö Basanö söbebö lotakwo̧sa ökwönöbi, kwömöledönöbi. Jau Basa, Jeroboan ömöledönö baledinadanö, ökwö kwömöledönöbi baledobö wetakwo̧sa, baikwö yöta̧la:

1 Reyes 16:3 Referans Kwoze

1 Reyes 14:10

Jo̧kwajabetjö̧, jejenö sulabenö jaköbitjö̧, jwiinö lȩtebakwawö̧ja, ökwönöbi, kwitji̧mu tupadanö jojodönöbi. Jau Jeroboan, kwitji̧mu tupadanö jojodö deinö söbebö lotakwawö̧ja, okobe deinö kwitji̧mu tupadanö jojodötjö ömadönö söbebö lotakwo̧sa, tjömöayedötjöbi, tjömöayedöböködötjöbi kwitji̧ tupadanö jojo bakwo̧bi ö̧jibökenanö baibanö. Jau Jeroboan, tjide'o jojodö jwodatö lotji̧danö, okobe deinö kwi̧tji̧mu tupadanö jojodönö jwodatö lotakwo̧sa, kwitji̧mu tupadanö jojodötjö ji̧bo̧ deinö.

2 Reyes 9:9

Ja̧danö, Acab ömöledönö baledobö ja̧takwo̧sa, ajayi la'aka luwo̧bina Jeroboan ömöledönö baledinadanö, ja̧danö la'aka luwo̧ Basa ömöledönö baledinadanö, israel nijitjö itji̧mu tupadanö jojo bakwo̧bi deakobetjö̧.

1 Reyes 14:11

Jwiinö ökwödönö lȩtebobetjö̧, o̧tjöbi tjo̧tjökakwedö kwitji̧munö, baikwö yötawa: Kwömöledötjö comunidadnö janö ö'wö babibadö tjiteba'ijuma, a̧wi̧lidö tjukwakwawö̧, ja̧danö mejetjö ö'wö babibadö tjiteba'ijuma, bo̧lö̧ tjukwakwawö̧, –jö̧ba̧lö Isabenö Jo̧ yöawi̧ yökawo kwilekwe Jeroboannö. Jau jojosuju, Isabenö Jo̧ma ja̧ baledakwa̧ yöawajabe, jo̧kwajabetjö̧, isabenö jobekwö baledakobe.