1 Reyes 14:7 - Dios Iwene

⁷ Jau jojosuju, kwilekwe Jeroboan ö̧jobekwö da̧ji̧, ja̧danö jo̧banö baikwö yöbawaji: –Baikwö yöawobe israel jojodö tjösödökwe Isabenö Jo̧ Diosma, -Jojodö tjö̧'dadetjö ökwönö kabebö chujunijatö, ötjö chömöledö israel jojodötjö la'aka luwo̧ bakibanö.

1 Reyes 14:7 Referans Kwoze

1 Reyes 16:2

Baikwö laebobe Isabenö Jo̧ Basanö yöa̧li̧ma: —Basa, ökwöma mikwawö̧kö̧ nijiso̧pja bo̧ kwö̧jinajayonö, ötjö Isabenö Jo̧ma ökwönö kabebö chujunijatö, chömöledö israel jojodötjö inesö la'aka luwo̧ bakibanö, jö̧tö? Jejenö kabebö chujuniökwe, ötjönö ösödö, ötiwanö israel jojodönö jwekebobö jö̧ka̧linobe Basa, jo̧kwaijayonö sulabenö Jeroboan ja̧inadanö ja̧köbajabe, ja̧danö jo̧ba ja̧inadanö chömöledö israel jojodö sulabenö ja̧tjobö weköbajabe. Jejenö chömöledö sulabenö ja̧tjobö weköbi̧ma, jwiinö chödameakwinö ja̧köbajabe Basa,

1 Reyes 12:24

–Isabenö Jo̧ Diosma baikwö weobe ökwödönö: -Kwömöledö israel jojodönö mebibö kwölakwabikwawaduwoko chömöledö. Okobe deinö bakwo̧nökwena kwejuduwibe kwȩwa̧jaduwo chömöledö, ötjö Isabenö Jo̧ Diosda katjatibakwa̧ wetinobetjö̧, —jö̧ba̧lö Semaias yöawobö weinobe Isabenö Jo̧ma. Ja̧danö, Isabenö Jo̧ yöawi̧ Semaias yöawiawö̧, otiwanö tja̧ja̧kwinobe, ja̧danö ölakwabikwawökönö, okobe deinö Isabenö Jo̧ tjȩwa̧jobö weinadanö, tjejukwena tjȩwa̧jinobe.

1 Samuel 15:16

Atadökwe, —Yöba̧lökönui, jo̧da yöte Isabenö Jo̧ ötjönö yöawaja̧ yötawakwö, —jö̧ba̧lö yöa̧linobe Samuelma. Yöa̧lökwe, —Jau, yöbawitjö, —jö̧ba̧lö atadinobe Saulma.

1 Reyes 14:6

Jemi ikenama, Ahias ejube ichibö tejachenama, kwejachi̧ ökwöi̧ a̧ja̧kwinobe Ahiasma, ja̧danö jobujunö yöa̧linobe: —Tebachi Jeroboan ilekwo. Tajawedö jelujusa i̧sȩkwö kwichaja̧da? Baikwö yötawakwö, 'dii̧ jawa wene ökwönö yötawobö Dios weökwesa.

1 Reyes 11:35

Jo̧kwaijayonö Salomon itji̧ la'aka luwo̧ baibenama, jo̧batjö domulataja jawasaso 'dötebakwo̧sa, ja̧danö 'döbebajo̧, ökwönö chiyakwo̧sa, domulataja jawasaso jojodötjö inesö la'aka luwo̧ kwö̧jobö̧.

1 Reyes 11:37

— –Jau Jeroboan, Ökwönö 'da̧batö chujunocha, ju'wedö israel jojodötjö la'aka tjuluwo bakibanö, ökwö webö kwö̧jobö kwösödi̧danö, okobe jwiinö ja̧ niji webö kwö̧jakwo̧ja.

1 Reyes 13:34

Ja̧danö, jejenö sulabenö ja̧iökwe, Diosma jo̧banö lȩebinobe. Jeroboan itji̧mu tupadanö jojodö israel luwedö tjö̧jo jö̧tja̧lijayonö, luwedö tjö̧joböma weinokobe Diosma, jwiinö okobe deinö Jeroboan itji̧mu tupadanö jojodönö söbebö loinobe Diosma, ji̧bo̧ bakwo̧bi deinö.