1 Reyes 14:2 - Dios Iwene

² Jejenö 'dö̧achiökwe, iteda ilekwonö weinobe Jeroboanma, —Jelujudanö jöbabiyawinö otikwi, ötjö Jeroboan chilekwo kwö̧ji̧ öwawökakobetjö̧. Ikenama, Silo comunidadbe kwi̧'yo, Dios yöawi̧ yöbawo̧ Ahiasnö abebö kwa̧ja̧kwobö. Jau chilekwo, damötjö̧ Dios yöawi̧ yöbawo̧ Ahiasda bemi niji la'aka luwo̧ batibakwa̧ yöbawinama, ja̧danö jo̧bama Silo comunidadnö ö̧jobe, jokwajabetjö̧ jobe abebö kwi̧'yo.

1 Reyes 14:2 Referans Kwoze

2 Samuel 14:2

Jo̧kwajabetjö̧ weinobe, Tecoa comunidadtjö bajwuju waisuju jichobö. Ja̧danö, ichibajunö weinobe, —Tjö̧möledö wotjiawö̧ budekwadödanö kwichejekwinö ja̧bi, budekwadö 'dutjawa̧do̧ 'dubawö. Ja̧danö, budekwuju, jömöledö debö tji̧'yioko lekwe möle budekwuju kwichejekwi̧nö, omewasobu dubawökönö ja̧nö,

1 Samuel 28:8

Yötjawökwe, Saulma jeledo̧ 'duawinobe, jo̧banö tjöwaisapji jö̧ba̧lö, ja̧danö 'dubawajo̧, jo̧babi, ömöayedö du̧ju̧tajabi yö̧te jobuju jejube tji̧'yinobe. Ichibajadö, Saul yöa̧linobe, —Atebakwö, bakwo̧ wobina o̧'wo luwo̧nö jwököbobö, jwököbakwo̧ imi yötawocha, jwököbobö, —jö̧ba̧lö.

Lucas 12:2

Jobadö tjomukwati̧danöma kwomukwataduwa chömöledö. Isabenö yötawaduwakwö: Okobe jwiinö babe öwawökö ji̧ jawama, tupakwö öwawakobe, ja̧danö okobe jwiinö babe jojodö tjöwaisapji jö̧ba̧lö tojö tjujuni̧ jawama, okobe deinö tupakwö tjöwaisakobe.

1 Reyes 22:30

Ja̧danö, israel la'aka luwo̧ Acabma Josafatnö yöa̧linobe, —Dölakwabikwawenama, ötjöma jelo̧ la'aka luwo̧bö̧kö̧danö 'dubawö ölakwabikwawö chö̧jakwo̧sa, ja̧danö ökwöda inesö la'aka luwo̧ 'duawaji̧ado̧ 'dubawö kwö̧jakwo̧ja, –jö̧ba̧lö. Ja̧danö yöba̧lajo̧, tjölakwabikwawenama, jelo̧danö ichejekwö ölakwabikwawö ö̧jinobe israel la'aka luwo̧ Acabma.

Josué 18:1

Jemi ikenama, Canaan niji juluwajadö, okobe deinö israel jojodöma Silo comunidadtjö tjo̧ko̧ko̧kwinobe, ja̧danö jobetjö Dios eju tjujuninobe.

1 Reyes 14:1

Ja̧danö, ja möle jenanö, Jeroboan itji̧ Abias mikwo̧ma nöinö 'dö̧a̧chinobe.

1 Reyes 14:4

Weoko, jilekwe weaja̧danö ja̧jinobe Jeroboan ilekwoma, ja̧danö Silo comunidadbe ji̧'yinobe, Ahias ejube. Ja̧ möle Ahiasma jwiinö pöe ö̧jinobe, jadanö jwiinö pöe ö̧jobetjö̧, ida̧ökö öbajale tjewawo̧ ö̧jinobe.

1 Reyes 20:38

Jemi ikenama Dios yöawi yöbawo̧ iniya tjöbo̧ma öba möchekwa̧do̧ 'duawinobe, jo̧banö tjöwaisapji jö̧ba̧lö, ja̧danö 'dubawajo̧, la'aka luwo̧ Acab öbaledakwa̧ mana ö'öböbe i̧'yinobe, la'aka luwo̧ öbaledakwa̧ itea'da̧lobö.