1 Reyes 14:16 - Dios Iwene

¹⁶ Jau jojosuju, kwilekwe Jeroboan sulabenö ja̧iökwe, jobekwö lȩebakobe Diosma israel jojodönö, kwilekwe isabenö jwiinö sulabenö ja̧inobetjö̧. Kwilekwe Jeroboanma Dios weökö jawa sulabenö ja̧inobe, ja̧danö ju'wibi iteda sulabenö ja̧aja̧danö ju'wedö israel jojodönöbi sulabenö Dios weökö jawa sulabenö ja̧tjobö weinobe, ja̧danö jejenö sulabenö ja̧tjiökwe, israel jojodönö le'dedö loakobe Isabenö Jo̧ma, —jö̧ba̧lö yöawinobe Ahiasma, Jeroboan ilekwonöma.

1 Reyes 14:16 Referans Kwoze

1 Reyes 16:2

Baikwö laebobe Isabenö Jo̧ Basanö yöa̧li̧ma: —Basa, ökwöma mikwawö̧kö̧ nijiso̧pja bo̧ kwö̧jinajayonö, ötjö Isabenö Jo̧ma ökwönö kabebö chujunijatö, chömöledö israel jojodötjö inesö la'aka luwo̧ bakibanö, jö̧tö? Jejenö kabebö chujuniökwe, ötjönö ösödö, ötiwanö israel jojodönö jwekebobö jö̧ka̧linobe Basa, jo̧kwaijayonö sulabenö Jeroboan ja̧inadanö ja̧köbajabe, ja̧danö jo̧ba ja̧inadanö chömöledö israel jojodö sulabenö ja̧tjobö weköbajabe. Jejenö chömöledö sulabenö ja̧tjobö weköbi̧ma, jwiinö chödameakwinö ja̧köbajabe Basa,

1 Reyes 15:34

Ja̧danö, Isabenö Jo̧ öba a'otjö sulabenö ja̧bö ö̧jinobe Basama, Jeroboan ja̧bö ö̧jinadanö sulabenö ja̧inobe, ja̧danö ju'wibi Jeroboan ja̧inadanö, Basabi israel jojodö sulabenö ja̧tjobö weinobe.

1 Reyes 13:34

Ja̧danö, jejenö sulabenö ja̧iökwe, Diosma jo̧banö lȩebinobe. Jeroboan itji̧mu tupadanö jojodö israel luwedö tjö̧jo jö̧tja̧lijayonö, luwedö tjö̧joböma weinokobe Diosma, jwiinö okobe deinö Jeroboan itji̧mu tupadanö jojodönö söbebö loinobe Diosma, ji̧bo̧ bakwo̧bi deinö.

1 Reyes 12:30

Jobekwö israel jojodö sulabenö ja̧tjobö weinobe Jeroboanma, ja̧danö weawö̧, sulabenö ja̧tjinobe israel jojodöma, Betelbebi, Danbebi tji̧'yinobe, otidinawö̧ pakaya itji̧mu tjo̧'wo jawanö tjösödobö.

Romanos 14:13

Jo̧kwajabetjö̧, jelo̧nö yödawoböma jwia, Bitema sulabo̧, jö̧ba̧lö, Diosda yöawakwo̧obetjö̧. Ju'wida domukwatobö jo̧be chömöledö. Baikwö wanedö yötawa: Bakwo̧nökwena domukwatobö jo̧be, Ju'wi jaye yelösöda ja̧tökena, chöjawo̧ töbö meakwemi baibanöma, jö̧ba̧lö.

Mateo 18:7

Jau chömöledö, böjȩ jojodöma isabenö Dios lȩebakwa̧ tjemakwedö, jojodö sulabenö ja̧tjobö wetjobetjö̧. Isabenö yötawaduwakwö chömöledö, jojodö sulabenö ja̧tjobö wetji̧ma isabenö baledakobe, jo̧kwaijayonö ju'wedö sulabenö ja̧tjobö webo̧ma, isabenö nöinö usula emawakwo̧— jö̧ba̧lö.

Isaías 40:24

Dios öba a'otjö, pokwi̧ juluwökö ji̧danö juluwöködö. Wanedö yötawa, batjo ödebiya tjödaja̧ ikena, niji ina 'diinö do̧alokonö, i̧ya̧nö pokwö laebenama, ja'yubebi juluwökö'ye, jö̧tö? Ja̧ isa'yedanö Dios öba a'otjö juluwöködö bö̧je jojodöma, ja̧danö wanedö yöta̧la, jobadönö pjuitjö̧ma, juluwanö kököbachibö suli̧ waekwadö, ja̧danö sula'wo tjö̧ji̧danö, jwa̧lȩ'epjo juluwanö jelobekwö e'ewawö̧.

Éxodo 32:35

Jemi ikenama Isabenö Jo̧ma labinö tjö'wöchi̧ jawa webijetö Israel jojodönö, pakaya itji̧danö ichejekwo̧ o̧'wo jawa otidobö wetjinobetjö̧ Aarónnöma, ja̧ o̧wo jawa tjösödobö.

Éxodo 32:21

Ikenama Moisés abebijetö Aarónnö: —Chöpöe, ¿tajawedö yökawinököda jojodönöma, sulabenö ja̧köbaduwoko, jö̧ba̧lö? ¿Taji ja̧tjaja̧da ökwönöma ja̧ jwiinö suli̧ jawa ja̧tjobö weköbobö? —abebö a̧ja̧kwökwe:

Éxodo 32:25

Ja̧danö, Moisésma Israel jojodönö edö ¡ayö! Aarónma jobadönö jweinöma öibinokobe, obadöda batjibanö. Ja̧danö, döpöjojodö bidönö edö, omukwatöködödanö ichejekwadö, jö̧ba̧lö, tjomukwatena.

1 Reyes 15:26

Jo̧ba Nadabma sulabenö ja̧bö ö̧jinobe, Isabenö Jo̧ öba a'otjöma, iteda abe'do sulabenö ja̧bö ö̧jinadanö, jobabi sulabenö ja̧inobe, ja̧danö ju'wibi abe'do sulabenö jainadanö, ömöayedö israel jojodönö sulabenö ja̧tjobö weinobe.

1 Reyes 16:19

Jobekwö Zimrinö baledobö weinobe Isabenö Jo̧ma, Zimri Isabenö Jo̧ öba a'otjö sulabenö jai̧nobetjö̧. Jau, Jeroboan sulabenö jainadanö baikwainö sulabenö jainobe Zimrima, ja̧danö jo̧babi Israel jojodönö weinobe, sulabenö ja̧bö tjö̧jobö.

1 Reyes 21:22

Jau Acab, chödameakwinö jaköbajabe, jadanö israel jojodö sulabenö ja̧tjobö weköbajabe, jo̧kwajabetjö ökwönö lȩbebö söbebö lotocha, baikwö yötawa: Ökwötjö ajayinö ji̧nadö la'aka luwedö Jereboanbi, Basabi tjömöledö deinö batjibanö lȩtebinadanö, ökwötjö tupadanö jojodönöbi söbebö lotocha, ji̧bo̧ bakwo̧bi deinö, —jö̧ba̧lö Dios yöawi̧ yöawinobe Eliasma.

2 Reyes 3:3

Jo̧kwaijayonö, Baalnö ösödakwawa kaatibinajayonö, ajayinö ji̧na Israel la'aka luwo̧ Jeroboan mikwo̧ sulabenö ja̧bö ö̧jinadanö ja̧bö ö̧jinobe. Jeroboanma pakayadö o̧'wo jawa otidajo̧, israel jojodönö sulabenö weinobe, —Bidöma dösödawö̧ diosbedö, —jö̧ba̧lö jobadönö tjösödobö, ja̧danö ja̧ ösödakwawa kabatibökönö, Jorambi jwaikwöda Jeroboan sulabenö ja̧bö ö̧jinadanö ja̧bö ö̧jinobe.

Deuteronomio 32:30

Jau, öwaetjöda öwawobe, Isabenö Jo̧ israel jojodönö pjabatökönö ö̧ji̧ma, baikwö yötawa: Inesö tjöeba̧lawa inawadanöbo̧ Diosma ina israel jojodönö pjabatö ö̧jitjö̧ma, döpöjojodöma la'akatjöda ökwödönö tjujuluwoko jö̧tja̧lena. Jo̧kwaijayonö, israel jojodönö pjaatokobetjö̧, tjöpöjojodötjö bakwo̧da milbedö israel jojodönö a'dewö loobe. Ja̧danö tjöpöjojodötjö du̧ju̧tajada inesö ba̧jȩkwadö israel jojodö dötjibajenanö tjujuluwobe. Isabenö yötawaduwakwö chömöledö, Isabenö Jo̧ ökwödönö pjaatitjö̧ma, la'akatjöda baledoko jö̧a̧lena jejenöma.

1 Reyes 16:27

Jobekwö ja'yubenö laebobe Omri webö ö̧jina wenema. Ju'wibi nöinö ja̧bö ö̧jinobe Omrima, jadanö ja̧ otidina wenebi, ujulu i̧sȩbina wenebi, Israel jojodö la'aka tjuluwedö tjö̧jina wȩyukwa'ye mikwa'yenö laebobe.

1 Reyes 22:53

Baal wei̧ a̧ja̧kwö, Baal ötjabökwe o̧'wo jawanö ösödö ö̧jinobe Ocoziasma. Abe'do Acab israel jojodö tjösödökwe Isabenö Jo̧ Dios ödameakwobö sulabenö jainadanö, Ocoziasbi Isabenö Jo̧ jo̧banö ödameakwobö sulabenö ja̧bö ö̧jinobe.

2 Reyes 10:31

Ja̧danö, teada̧lönö ö̧jo jö̧a̧linobe Jehuma, okobe jwiinö ju'wi Dios wei̧bi a̧ja̧kwö ö̧joböma. Jo̧kwaijayonö ju'wi Dios weinama, otiwanö a̧ja̧kwinokobe. Okobe jwiinö omajadenö, Israel jojodö tjösödökwe Isabenö Jo̧ Dios wei̧ a̧ja̧kwö ö̧jo jö̧a̧lijayonö, otiwanö a̧ja̧kwökönö, Jeroboan sulabenö ja̧ina, israel jojodö sulabenö ja̧tjobö weina jawama kaatibinokobe Jehuma.

2 Reyes 13:2

Joacazma Isabenö Jo̧ öba a'otjö sulabenö ja̧bö ö̧jinobe, ja̧danö Jeroboan sulabenö ja̧bö ö̧jinadanö, Joacazbi sulabenö ja̧inobe. Jeroboanma sulabenö o̧'wo jawa otidajo̧, israel jojodö otidajawö̧nö tjösödobö weinobe, ja̧danö Joacazbi Jeroboan otidinawö̧nö kabatibökönö, bakwainö israel jojodö sulabenö ja̧tjobö weinobe.

2 Reyes 13:6

Jo̧kwaijayonö, jobekwö otiwanö israel jojodönö pjaatinajayonö, Jeroboan sulabenö otidinawö o̧'wo jawa katjatibinokobe. Ajayinö, Jeroboanma israel jojodönö sulabenö weinobe, otidinawö̧ o̧'wo jawa tjösödobö, ja̧danö jwaikwöda jobadönö ösödö tjö̧jinobe israel jojodöma. Ja̧danö, ju'wibi Asera ötjaboko jo̧'wo jawa Samarianö ju̧junö söbebö lotjinokobe, ja̧danö jemi tupakwö Asera jo̧'wo jawama ina Samaria comunidadnö jö̧jobö sulabenö wetjinobe.

2 Reyes 14:24

Isabenö Jo̧ öba a'otjö sulabenö ja̧bö ö̧jinobe Jeroboanma, ajayinö ji̧na Jeroboan o̧'wo jawa otidinawö̧nö kabatibökönö. Ajayinö ji̧na Jeroboanma sulabenö o̧'wo jawa otidajo̧, israel jojodö otidajawö̧nö tjösödobö weinobe, ja̧danö Yoas itji̧ Jeroboanma, jwaikwöda ajayinö ji̧na Jeroboan otidinawö̧nö sulabenö ösödö ö̧jinobe.

2 Reyes 15:9

Ja̧danö, a'dödö sulabenö Isabenö Jo̧ öpöjödi̧ jawa sulabenö ja̧bö tjö̧jinadanö, Zacariasbi sulabenö Isabenö Jo̧ öpöjödi̧ jawa ja̧bö ö̧jinobe, ajayinö ji̧na Jeroboan o̧'wo jawa otidinawö̧nö kabatibökönö. Jeroboanma sulabenö o̧'wo jawa otidajo̧, israel jojodö otidajawö̧nö tjösödobö weinobe, ja̧danö Zacariasma jwaikwöda Jeroboan otidinawö̧nö sulabenö ösödö ö̧jinobe.

2 Reyes 15:18

Mahanemma Isabenö Jo̧ öba a'otjö sulabenö ja̧bö ö̧jinobe, ja̧danö Jeroboan sulabenö ja̧bö ö̧jinadanö, Mahanembi sulabenö ja̧inobe. Jeroboanma sulabenö o̧'wo jawa otidajo̧, israel jojodö otidajawö̧nö tjösödobö weinobe, ja̧danö ö̧jemi baledibanö, Mahanembi Jeroboan otidinawö̧nö kabatibökönö, bakwainö israel jojodö sulabenö ja̧tjobö weinobe.

2 Reyes 17:21

Ajayinö israel sasoteniatjö domulataja jawa oso David ömöledö tjujulutjö Dios 'yebö loenama, jobadö domulataja jawa oso jojodöma Nebat itji̧ Jeroboannö tjujuninobe, idöda tjuluwo̧ inesö la'aka luwo̧ baibanö. Ja̧danö Israel la'aka luwo̧ babibajo̧, ömöayedö israel jojodönö Isabenö Jo̧ ö̧jelö 'da̧bachibö tji̧'yobö weinobe, ja̧danö inesö sulabenö ja̧awa ja̧tjobö weinobe.

2 Reyes 17:23

bajaliyanö Isabenö Jo̧ma iteda ö̧jelö israel jojodönö a'dewö loenanö baibanö. Ja̧ a'dewö loinama, ajayinö Isabenö Jo̧ yöawinadanö badekwachinobe. Isabenö Jo̧ yöawi̧ yöbawadöma yötjawinobe, a̧jakwökönö tjö̧jitjö̧ma Dios a'dewö loakwa̧ wenema, ja̧danö yöawinadanö Israel jojodönö idöda tjitebotjö a'dewö loinobe, ja̧danö babe mölebi baibanö, ina Asiria nijinö tju̧ju̧kwobe.

2 Reyes 21:16

Isabenö jwiinö sulabenö ja̧bö ö̧jinobe Manasesma. Manasesma sulabenö webö öibinobe Juda jojodönö, tjösödo jö̧tja̧lökwe Isabenö Jo̧ öba a'o sulabenö ja̧tjobö, jo̧kwaijayonö ja̧damaökö. Ju'wi sulabenö ja̧aja̧tjö bajalekwönönö, ju'wibi ba̧jȩkwadö wene jwibadönö kwabawö loinobe, Jerusalen comunidad ba̧kwemeachibanö tjökwösobu ku̧kwö isuwenanö baibanö.

2 Reyes 23:15

Ju'wibi ajayinö ji̧na, Israel la'aka luwo̧ Jeroboan, ömöayedö israel jojodö sulabenö ja̧tjobö öbibina Betel comunidadtjö otidina iyawemi söbebö loinobe Josiasma. Ja̧ inawatjö otikwemi iyawemi pjolö loinobe, ja̧danö inawiya 'dobö, i̧so̧pja baibanö 'dobö loinobe, ja̧danö Asera jo̧'wo jawa juwö loinobe.