1 Reyes 13:8 - Dios Iwene

⁸ Jo̧kwaijayonö yöa̧liökwe, öpöjödinobe Dios yöawi̧ yöbawo̧ma, jadanö la'aka luwo̧ Jeroboannö atadö yöa̧linobe, —Ökwökwö chi̧'yoböma jwiobe, okobe jwiinö kwiteatjö ja'ö kwiyobö kwomukwatitjö̧bi, ökwökwö chi̧'yobö jwiena. Jau Jeroboan, la'akatjöda ökwökwö kwanöbi, owöbi chi̧'yoböma jwiobe, isabenö bemi nijinö chö̧jiboböma jwiobe, baikwö yötawa:

1 Reyes 13:8 Referans Kwoze

Marcos 6:23

Isabenö ja̧takwa̧ wene junö yötawa ökwönöma, omönamaökö. Okobe jwiinö omukwatö kwösidi̧ma chiyokwö, ötjö chitebotjöbi 'da̧batöma– jö̧ba̧lijetö Herodesma.

Marcos 6:11

Jo̧kwaijayonö comunidadbe kwichibaduwena jobe ju̧kwadöma ökwödönö teatakwawabi a̧ja̧kwakwawabi tjöpöjöditjö̧ma, kwömasapaduwitjö kwupjusawaduwo, letiya. Ja̧ kwupjusawaduwi̧ma jobadönö i̧sebakobe, Ökwödöma Dios iwene kwa̧ja̧kwaduwobö kwöpöjödaduwitjö̧ma tjo̧wi̧ta, ökwödönöma kadatiba, jö̧ba̧lö— webijetö Jesúsma iteda öba̧ja̧di̧ waisachadönö jelobe tji̧'yakwa̧ abönö.

2 Reyes 5:16

Yöa̧lökwe, —Iyawa chemökö Naaman, ötjöma Isabenö Jo̧ ömöayo̧sa, ja̧danö chuluwo̧ öba a'o ja̧nö, isabenö yöbawö chujunakwö, iyawa chemökakwo̧sa, —jö̧ba̧lö. Yöa̧liökwe, —Kwemobö jo̧be, —jö̧ba̧lö yöa̧lijayonö, öpöjödinobe Eliseoma, —Chemökö, —jö̧ba̧lö.

Éxodo 7:2

Okobe jwiinö ökwönö yötawi̧ma Aarónnö yökawo. Ja̧danö, jo̧banö yökawi̧ma faraónnö yöa̧lakobe, Israel jojodönö kakatakwawo kwitebotjö latjebobö, jö̧ba̧lö.

Éxodo 5:6

Ja̧ möleda faraónma Israel jojodönö tjotidobö webadönö, iteda ömöayedönöbi, ja̧danö, Israel jojodö tjuluwedönöbi webijetö:

Éxodo 5:3

Jejenö yöa̧lawö̧: —Ökwödö Hebreo jojodö dösödökwe Diosma ökwödönö öwawachö yöawijatö ökwönö yödawakwa̧. Jo̧kwaobetjö̧ adebakwö: Jojodö deobekwö di̧'yobö weköbo wa̧pötakwa möle kwebachö Isabenö Jo̧nö juwö diyobö, dösödökwe Diosnöma. Ökwödönö di̧'yobö weköbo Diosma dö'wöchi̧ jawatjöbi, ja̧danö, döpöjojodö ökwödönö tibatö lotjitjö̧bi weapji jö̧ba̧lö— yöba̧lijadötö.

1 Reyes 13:9

Isabenö Jo̧ma jweinö weinobe ötjönö, –Jobe ja̧ nijinö ja̧nö, kwanöbi kwukwoko, ja̧danö owöbi kwowoko, ja̧danö kwichinamanöbi kwȩwa̧joko, jelemanöda kwȩwa̧jo, –jö̧ba̧lö weinobe Isabenö Jo̧ma, jo̧kwajabetjö̧ chi̧'yökö ökwökwö, —jö̧ba̧lö atadinobe.