1 Reyes 12:7 - Dios Iwene

⁷ Abebö a̧ja̧kwawö̧, —Dedemi yötja̧laja̧ kwa̧ja̧kwobö otiwena, duluwo̧. Jau Roboan, dedemi babe möle, jobadö tjömöayo̧danö ja̧nö, jobadönö pjabatö dösölö̧jinö kwataditjö̧ma, isabenö tjösödakwo̧ja, ja̧danö jemi tupakwö ba̧kwȩlöjatebö ökwöda kwömöayedö tjo̧'wo ösöwanö tjö̧jakwedö, —jö̧ba̧lö tjatadinobe damöma.

1 Reyes 12:7 Referans Kwoze

Proverbios 15:1

Salomón ju'wi jwebebö yöawakwawa jawanö wanekwachi̧ jawama baikwö laebobe: Wanedö yötawa: Bakwo̧ma sulabenö jwöeba̧lobe jelo̧nö. Ja̧danö, jwöeba̧lajökwema ¿di̧yatjö̧ atadakwawojobö jo̧beda, ¿labinö atadobökö̧, tjo̧'omanö ösödö atadobökö̧? Isabenö yötawa: Labo̧nö tjo̧'o̧manö ösödö ataditjö̧ma ölabiatjöma tjo̧'o̧manö söawena. Jobekwö baledökena labinö ataditjö̧ma. Jwöeba̧lökwema labinö ataditjö̧ma labo̧ma ölabikobe, ajayinö ölabiatjö̧ bajalekwönönö. Isabenö, labinö jwöbeba̧lo̧nö tjo̧'o̧manö ösödö tjatadobö jo̧be.

1 Reyes 12:13

Tjichibiökwe, labinö sulabenö atadinobe Roboanma. Damö waisanö, —Dösölö̧jinö kwatadodönö, —jö̧ba̧lö yötjalina öpöjödibö,

1 Reyes 12:8

Jejenö tjatadiökwe, waisanö yötja̧li̧ a̧jakwobö öpöjödinobe Roboanma. Yötja̧li̧ öpöjödö, ju'wedö iteda ömöayedö, jo̧bakwö da̧peachinadö waisanö omukwatobö pjabatadönö abebö a̧ja̧kwinobe,