1 Reyes 11:34 - Dios Iwene

³⁴ — –Jo̧kwaijayonö, la'aka luwo̧ ö̧ji̧ Salomontjö 'dötebijayonö, ina 'ya̧alayima 'dötebökakwo̧sa. Israel jojodö la'aka tjuluwo baibanö omudawö chujuninökwe, Salomon abe'do Davidma otiwanö weti̧ a̧ja̧kwö ji̧na, jadanö ja̧ weti̧ a̧ja̧kwö ö̧jina omukwatö, ina Salomon 'ya̧alayima la'aka luwo̧ ö̧jobö wetakwo̧sa.

1 Reyes 11:34 Referans Kwoze

Isaías 55:3

Teada̧lönö a̧ja̧kwalö, chöjobekwö kwichaduwo chömöledö. Otiwanö kwa̧ja̧kwaduwo, tupakwö 'yaka̧laduwakobetjö̧. Jau, ötjönö kwa̧ja̧kwaduwitjö̧ma, ökwödökwö bakobe dösölö̧jinö dö̧jakwa̧ jawa yöbawö chujunocha, 'dö̧ibajökö ji̧ yöbawö junawama. Jau, damötjö Davidnö yöbawö chujunijatö, jwaikwöda 'dö̧bibajökönö jo̧banö ösödö chö̧jakwa̧ma, ja̧danö ökwödönöbi Davidnö yöbawö chujuninadanö yöbawö chujunena.

Diosnö ösödo̧ Job mikwo̧ usula emawina jawa 11:6

Okobe jwiinö waisanö omukwato̧ Diosma Job, jo̧kwajabetjö̧ jo̧bada ökwönö ataditjö̧ma, waisanö omukwatakwawa okwa jawa labebö lobö yöawena. Ja̧danö, baikwö yötawakwö Job, –Wene jwibo̧sa —jö̧ba̧lö yöka̧lajayonö, isabenö wene juna̧lo̧ja, ja̧danö, –Nöinö lȩebökwesa, –jö̧ba̧lö budekwö yöka̧lijayonö, ja'yubeda Dios lȩebökweja. Sulabenö ja̧köbiökwe, isabenö babe lȩebi̧tjö̧ bajalekwönönö labinö ökwönö lȩebobö jo̧be.

1 Reyes 11:31

Ikenama kȩ'ebö lobajo̧, kȩ'ebö loaja̧ jawatjö domulataja jawa Jeroboannö iyö yöawinobe: —Kwitea baibanö bi̧do̧ kwemo, israel jojodö tjuluwo̧ Isabenö Jo̧ Diosma baikwö yöawobetjö̧: –Jeroboan, juluwanö Salomontjö 'dötebocha, okobe deinö israel jojodötjö inesö la'aka luwo̧ ö̧ji̧ma, ja̧danö 'döbebajo̧, ökwö Jeroboannö chiyakwo̧sa, israel jojodö ali̧nösamutjö dosolataja jojodötjö, domulataja jawasaso la'aka luwo̧ bakibanö.

2 Samuel 7:14

Jo̧ba kwitji̧ma, ötjö chitji̧ ö̧jakobe, ja̧danö jo̧ba abe'do chö̧jakwo̧sa. Ja̧danö, abe'do ja̧nö, sulabenö ja̧enama, bö̧je tjabe'dodö jwebebö kwatji̧danö, jo̧banö jwebebö kwatocha.

1 Reyes 11:33

Ja̧ Salomontjö 'dötebakwama, baikwö labebö lobö yötawakwö Jeroboan, Salomonbi, ömöledöbi ötjönö kabatibö, sidonio jojodö tjösödoko Astartenö bȩbachibö tjösödajabe, ja̧danö moabita jojodö tjösödökwe Quemosnö bȩbachibö tjösödajabe, jadanö amonitas jojodö tjösödökwe Molocnö bȩbachibö tjösödajabe, sulabenö. Jau Jeroboan, abe'do Davidma jwaikwöda ötjö chösödi̧danö ja̧nö, ja̧bö ö̧jobö weti̧bi, ju'wi weti̧bi otiwanö a̧ja̧kwö ö̧jinobe, ja̧danö Salomonbi a̧ja̧kwo jö̧a̧linobe, jokwaijayonö a̧ja̧kwö̧kö̧. Jo̧kwajabetjö̧, a̧jakwökönö sulabenö ja̧obetjö̧, la'aka luwo̧ ö̧ji̧ 'dötebocha.

1 Reyes 11:35

Jo̧kwaijayonö Salomon itji̧ la'aka luwo̧ baibenama, jo̧batjö domulataja jawasaso 'dötebakwo̧sa, ja̧danö 'döbebajo̧, ökwönö chiyakwo̧sa, domulataja jawasaso jojodötjö inesö la'aka luwo̧ kwö̧jobö̧.

1 Reyes 3:14

Ja̧danö ju'wibi yötawakwö Salomon: Ja̧bö kwö̧jaduwobö weti̧bi, ju'wi weti̧bi kwabe'do David a̧ja̧kwö ö̧jinadanö, ökwöbi otiwanö a̧ja̧kwö kwö̧jitjö̧ma, lekwe möle kwö̧jobö chiyakwo̧sa, —jö̧ba̧lö yöawinobe Diosma, i̧'wi̧dinö.