1 Reyes 11:25 - Dios Iwene

²⁵ Ja̧danö, Siria niji la'aka luwo̧ ja̧nö, Salomon la'aka luwo̧ ö̧jena baledibanö, jwiinö israel jojodönö öpöjödö, Salomon öpöjojo ö̧jinobe, ja̧danö Edom niji luwo̧ Hadad sulabenö ja̧bö ö̧ji̧danö, jobabi jwiinö sulabenö jabö ö̧jinobe.

1 Reyes 11:25 Referans Kwoze

1 Reyes 5:4

Jo̧kwaijayonö, chabe'do ina 'yaa̧layi otidobö jwiinajayonö, chuluwo̧ Isabenö Jo̧ Dios otiwanö pjaatobetjö̧, babe isabenö chitebo ö'öbötenia wene jwibö, ölakwabikwawökönö chö̧jobe. Jau, Dios pjaatobetjö̧, chöpöjojodö deinö, wene jwiinö jo̧sa.

2 Samuel 16:21

Abebö a̧ja̧kwökwe, Ajitofelma Absalonnö atadinobe: —Kwabe'doma ilekwamutjö ju'wedönö ujunibinobe, eju tjiteada̧lobö, ¿jö̧tö? Jobadö kwabe'do ilekwamunö 'da̧bö ja̧köbo, isabenö kwabe'do öpöjojo kwö̧ji̧ öwawakobetjö̧. Jejenö ja̧köbiawö̧, okobe deinö israel jojodöma a̧ja̧kwö tjöwaisakobe, jwaikwöda kwabe'dö öpöjojo kwö̧ji̧ma, ja̧danö ajayitjö bajalekwönönö ökwöbi, kwömöayedöbi kwujuluwachibaduwakwedöja, —jö̧ba̧lö atadinobe.

Deuteronomio 23:7

—Jo̧kwaijayonö, jobadönö kwöpöjödaduwi̧danö kwöpöjödaduwoko Edomitas jojodönö, jobadöma yöne kwömöledötjobetjö̧. Ja̧danö ju'wibi Egipto jojodönö kwöpöjödaduwobö jwiakobe chömöledö, jobadö tjitebonö lekwe möle kwö̧jinaduwobetjö̧.

Génesis 34:30

Ja̧danö, Jacobma i̧tji̧mu balekwa mikwa ja̧tja̧ja yötjawi̧ a̧ja̧kwö labijetö. Itji̧mu̧nö jö̧ba̧lijetö Simeonnö, Levinö : —Sulabenö ja̧köbaduwajabe. Babema jelobe jukwadöma , Canaánitasbi, Perrizitasbi biya̧ baledi̧ tja̧ja̧kwena ökwödönö jwi̧inö tjo̧'wo̧ sulinö tjedakobe. Ökwödönö tjo̧'wo̧ sulinö edö, sulabedö, jö̧ba̧lö, yötja̧lakobe ökwödönöma. Ja̧danö ¿dakwö ja̧dakwa̧da ökwödönö ölakwabikwawö tjichitjöma? Jobadöma bajȩkwadö. Ökwödötjö kwakwaakwawa jojodö waisadöma ba̧jekwöködösa. Biya̧ baledaja̧ a̧ja̧kwö bakobe ko̧ko̧kwachibö kwakwabakwawö tjichakobe ökwödönö söbebö lotjobö,—jö̧ba̧lijetö Jacobma i̧tji̧munö.

1 Reyes 11:24

Hadad Ezer ö̧jelö döbibajo̧, ju'wedö la'aka luwo̧nö öpöjödadönö o̧ko̧kodinobe, iteda ömöayedö batjibanö, ja̧danö jobadökwö jelobekwena naukwabinö tjölakwabikwawinobe. Jemi ikenama, Davidma Soba la'aka luwonö Hadad Ezernö ujuluwinobe, jadanö juluwajo̧ ölakwabikwawa jojodönö kwabawö loinobe. Jejenö balediökwe, Rezonma Damasco comunidadbe i̧'yinobe, ja̧danö ichibiawö̧, jobe ju̧kwadöma Rezonnö tjujuninobe, siria niji la'aka luwo̧ baibanö.

1 Reyes 11:26

Ja̧danö Salomon öpöjojodötjö jelo̧ma Jeroboan mikwo̧. Jo̧ba Jeroboanma, Nebat itji̧, ja̧danö Efrainsaso comunidad Sereda jojo. Jeroboan ojo'doma, Zerua mikwuju, jilekwenö wobekwinujuma. Ajayinö Salomon ömöayo̧ ö̧jinajayonö, jo̧ba Jeroboanbi Salomon öpöjojo baibinobe.