1 Reyes 11:19 - Dios Iwene

¹⁹ La'aka luwo̧ Faraonma nöinö ösödinobe Hadadnö, ja̧danö jo̧banö ösödobetjö̧, Faraon ilekwo Tapenes mikwuju jöjawujunö weinobe, Hadad ilekwo bajibanö.

1 Reyes 11:19 Referans Kwoze

Hechos 7:10

José usula emawijayonö usula emawi̧tjö ö̧jibinö pjabatijetö Diosma. Ja̧danö, Egipto la'aka luwo̧ faraón, Josénö otiwanö edobö, Bitema waiso̧, jö̧ba̧lö, pjabatijetö Diosma. Ja̧danö, faraónma junijetö Josénöma iteda eju otikwa weawa jojo baibanö. Egiptonö ju̧kwadö tjuluwo̧ baibanöbi junijetö faraónma Josénöma—yöbawijetö Estebanma.

Génesis 41:45

Ikenama faraónma balekwa imi iyö midijetö Josénö, Zafnat-panea, jö̧ba̧lö. Ikenama webijetö bakwujunö, Asenat mikwujunö José ilekwo baibanö. Jobujuma Potifar itjiju. Potifarma On comunidadnö ju̧kwadötjö idöda tjo̧'wo̧ tjöwa̧na̧lökwetjö ö'wejenö pjabato̧.

Génesis 39:21

Jejunö ö̧jijayonö Isabenö Jo̧ Diosma Josénö pjabatö, lȩlö̧jinö edijetö. Ja̧danö, jeju okwa ba̧jadönö te'ada̧lo̧ma Josenö otiwanö edobö pjabatijetö Isabenö Jo̧ Diosma.

Génesis 39:4

Jejenöobetjö̧ uluwo̧ Potifarma jwiinö ösödijetö Josénöma, iteda inesö ömöayo̧ baibanö junö. Ju'wedö ömöayedö tjuluwo̧ baibanö junijetö Potifarma Josénöma. Ja̧danö, iteda iteabi, la'aka te'ada̧lakwawa jojo baibanö junijetö Josénöma.

Hechos 7:21

Ikenama, ja̧wo̧dö wa̧medukwa tupakwöma ojo'doma jejutjö labebö, jitji̧nö e'ewaja̧ju ödö nönibö ȩwa̧jijotö. Ikenama nönibö jȩwa̧jökwenöma faraón itjijuma emijotö. Jemi ikenama jobujuma jitji̧danö bötjatijotö Moisésnöma.

1 Reyes 11:18

Dötjibajenama, Madian nijitjö latjebinobe, Paran nijibe, ja̧danö jobe ju'wedö jobe ju̧kwadökwö batjibinobe. Ikenama, bakobe jobadö Paran jojodökwö Egipto nijibe tji'yinobe, ja̧danö la'aka luwo̧ Faraon öba a'o tjichibinobe. Jejenö ichibiökwe, Faraonma Hadadnö pjaatinobe, ejubi jo̧banö iyinobe, ja̧danö kwakwawabi iyinobe, ja̧danö nijibi jo̧banö iyinobe.

1 Reyes 11:20

Ja̧danö, Tapenes jöjawujuma, Hadad itji̧nö jeminobe, Guenubat mikwo̧nö. Ja̧danö Faraon ilekwo Tapenesma jöjawuju jitji̧nö wejinobe, Faraon ejunö ja̧nö, Faraon a̧dekwanö itji̧mukwö waisachö ö̧dapeachobö. Jo̧kwajabetjö̧, Faraon a̧dekwanö itji̧mudanö, Hadad itji̧ Guenubatbi Faraon ejunö ö̧da̧peachinobe.