1 Reyes 10:3 - Dios Iwene

³ Abebö ja̧ja̧kwökwe, waekwökönö waisanö atadinobe Salomonma, jwiinö waiyi̧ jawabi abebö ja̧ja̧kwinajayonö, yayonö bakwöta jawabi wajwiinokobe Salomonma, okobe jwiinö otiwanö labebö lobö atadinobe.

1 Reyes 10:3 Referans Kwoze

Colosenses 2:3

Jo̧ba Cristoda okobe jwiinö jojodö ajayinö wajwitjina jawa waiso̧ma, jo̧batjö waisanö omukwatakwawabi, ja̧danö waisakwawabi döwaisachibo jö̧ba̧lö.

1 Corintios 1:30

Ja̧danö, Diosma ökwödönö Cristo Jesúskwö bakobe bakibaduwanö ja̧inobe. Ja̧danö Diosma Cristonötjö iteda öwaisi̧ waisakwawa ji̧ma ökwödönö iyobe. Jau chömöledö, Cristoda sulabe jwibadö badibanö ja̧binama, ja̧danö Cristoda Dios ömöledö badibanö ja̧binama, ja̧danö Cristoda dö̧jibobö midawö wobinama.

Juan 7:17

Ja̧danö, Dios ösödi̧ ösödadöma, ötjö yötawi̧ a̧ja̧kwö, ötjö chomukwati̧ yötawojobö, Dios omukwati̧da yötawojobö, tjöwaisachibakobe.

Mateo 13:11

Jejenö atjebökwe, Jesúsma atadinobe: —Diosma ökwödö chöba̧ja̧di̧ waisachadönö iyinobe, jojodö wajwitji̧ jawa, mölejȩbe jo̧ Dios la'aka luwo̧ ö̧jakwa̧ jawa kwöwaisaduwobö, jo̧kwaijayonö ju'wedö jojodönö jejenö iyinokobetjö̧, wanedö yöbawöda yötawobe jobadönö.

Isaías 42:16

Ja̧danö, chömöledö tjöbajale tjewawadödanöbedönö pjatatocha. Jobadönö ötibakwo̧sa, mana edajitjökö mananö kwetjachobö. Ötjöda jobadönö jwetebakwo̧sa, ja̧danö tjöba a'otjö yȩa'woma, dewi̧ baibanö balewö lotakwo̧sa, otiwanö tjedakobetjö̧. Ja̧danö niji ya̧likwaobe inakoobema, ba̧ba̧ladö chotidocha, ba̧ba̧lawamanö otiwanö kwetjachakobetjö̧. Jobekwö isabenö chömöledönö pjatatakwo̧sa, ja̧danö jobadönö le'dedö lotökakwo̧sa.

Proverbios 13:20

Ju'wibi yötawa: Bakwo̧ ba̧kwȩlö̧jatebö jweinö omukwatadökwö ko̧ko̧kwö ö̧jitjö̧ma jo̧babi jweinö omukwato̧ ö̧jakwo̧. Jobekwö ö̧jokobe omukwatöködökwö ko̧ko̧kwö jo̧ma. Omukwatöködö ba̧kwȩlö̧jatebö ko̧ko̧kwö jo̧ma usula emawö ö̧jakwo̧.

1 Reyes 10:1

Ja̧danö, Saba niji inesö la'aka luwujuma Salomonnö ja̧ja̧kwinobe, —Isabenö Jo̧ pjaatökwe, jwiinö waisanö omukwato̧ Salomonma, —jö̧ba̧lö. Jejenö a̧ja̧kwaju, Salomon ö̧jobekwö israel nijibe jichinobe, waiyi̧ aekwa jo̧banö abebö ja̧ja̧kwobö, Salomon isabenö waisanö atadakwojobö jö̧balö.

1 Reyes 3:12

akebaja̧danö chiyakwö. Jau Salomon, kwomajadenö okwa jawa jweinö waisanö kwomukwatobö chiyajabe. Isabenö waisanö kwomukwatobö chiyajobetjö̧, okobe deinö ökwötjö ajayinö ji̧nadötjö bajalekwönönö waisanö omukwato̧ kwö̧jakwo̧ja, ja̧danö debö kwi̧'yaja̧ okobe, bakwo̧bi ökwö waisanö kwomukwati̧danö omukwato̧ma deakobe.

2 Samuel 14:20

Jau chuluwo̧, kwitji̧ jawa ajayinö kwomukwatina balewö lobö wainö kwomukwatotö jö̧ba̧lö, ökwönö yöta̧lobö weatö Joabma. Ja̧danö jo̧ba weaja̧ tojata̧lö ja̧ jawa yöta̧lobö domukwatijayonö, isabenö waiso̧ja chuluwo̧, ja̧danö dotojoböma jwiatö. Jau chuluwo̧, Dios weökwe angel öwaisi̧danö okobe jwiinö ditebo jawa waiso̧ja, ja̧danö dotojo jö̧da̧laja̧ma, kwöwaisachibajabe, —jö̧ba̧lö jatadinobe.

2 Samuel 14:17

ja̧danö omukwataju, tupakwö chomukwatijatö, –Chuluwo̧ la'aka luwo̧ ötjönö pjaatitjö̧ma ötjöbi chi̧tji̧bi otiwanö wene jwiinö dö̧jena, –jö̧ba̧lö chomukwatijatö. Jau la'aka chuluwo̧, ökwöma Dios weökwe angeldanö ichejekwo̧ja, wene dujuna̧li̧ a̧ja̧kwö, otiwi̧bi suli̧bi böjö jweinö yökawobö waiso̧köbobetjö̧. Kwuluwo̧ Isabenö Jo̧ Diosnö ateba, ökwökwö ja̧nö pjaatobö, —jö̧ba̧lö yöja̧linobe Tecoa jojosujuma.

1 Reyes 10:2

Jelobetjö ichaju, ba̧jȩkwadö jömöayedökwö jichibinobe Jerusalenbe, ja̧danö ju'wibi ja̧jwi̧mu kamellodö tjoma'anö nöinö orobi, omewi̧ jawabi, nöinö mikwawi̧ inawiyabi ichejebö jichibinobe. Ichibaju, Salomon öba a'o ji̧'yinobe Saba la'aka luwujuma, ja̧danö ichibaju, okobe jwiinö abebö ja̧ja̧kwobö jö̧ja̧li̧ jawa jo̧banö abebö ja̧ja̧kwinobe.

1 Reyes 10:4

Jejenö atadioko, Salomonö jöwaisachibinobe, —Isabenö jwiinö waisanö omukwato̧ bite Salomonma, —jö̧ba̧lö. Ju'wibi iteda eju comunidad baibanö otidinabi jedinobe,