1 Reyes 10:10 - Dios Iwene

¹⁰ Ja̧danö, jejenö yöba̧laju, jichejebina jawatjö jiyinobe Salomonnö. Orotjö, cuatro mil kilo jenanö jiyinobe, ja̧danö nöinö mikwawi̧ inawiyabi jiyinobe, ja̧danö jwiinö nöinö mikwawi̧ omewi̧ jawabi jiyinobe. Isabenö nöinö omewi̧ jawa Salomonnö jiyinobe ja̧ mölema, ja̧ möletjö baikwö bajalenö, la'akatjöda nöinö omewi̧ jawa jichejebinajaye ichejeböködö jojodöma, isabenö yelösöda nöinö jichejebinobetjö̧.

1 Reyes 10:10 Referans Kwoze

1 Reyes 10:2

Jelobetjö ichaju, ba̧jȩkwadö jömöayedökwö jichibinobe Jerusalenbe, ja̧danö ju'wibi ja̧jwi̧mu kamellodö tjoma'anö nöinö orobi, omewi̧ jawabi, nöinö mikwawi̧ inawiyabi ichejebö jichibinobe. Ichibaju, Salomon öba a'o ji̧'yinobe Saba la'aka luwujuma, ja̧danö ichibaju, okobe jwiinö abebö ja̧ja̧kwobö jö̧ja̧li̧ jawa jo̧banö abebö ja̧ja̧kwinobe.

Mateo 2:11

ja̧danö o̧do okwa tebachö, tjemunöbi, ojo'do Maríanöbi tjedinobe. Jejenö tjemunö edö, bȩbachibö tjösödinobe tjemunö, ja̧danö tjiyobö tjichejebaja̧ nöinö mikwawi̧ jawa jo̧banö tjiyinobe, orobi, omewi̧ jawa incienso ötjabi̧ jawabi, ju'wi omewi̧ jawa mirra ötjabi̧ jawabi.

1 Reyes 9:14

Hiram Salomonnö iyina oroma, isabenö nöinö oro iyinobe, cuatro mil kilo jenanö iyinobe.

Éxodo 30:34

Isabenö Jo̧ma ina webijetö Moisésnö: —Moisés, weköbo jojodönö towitjö isa'be tjemo, estacte mikwawa'be, ja̧danö, ámber mikwawa'be, ja̧danö gálbano mikwawa'be, ja̧danö incienso puro mikwawa'be. Bakwa'bekwena bakwainö tjemo.

Génesis 43:11

Ikenama tjabe'doma jö̧ba̧lijetö i̧tji̧munö: —Jau kwatjö̧ma, chitji̧nö kwe'ewaduwitjö̧ma kwe'ewaduwo. Jo̧kwaijayonö, kwiyaduwakwa̧ e'ewö kwi̧'yaduwo. Tu̧da'wiju okwa anibö ditebotjö otiwa jawa e'ewaduwi, la'aka luwo̧nö kwiyaduwakwa̧. Ja'yubeda wa̧yobi, ja'yubeda söinö o̧mȩwi̧bi, masibi e'ewö kwi̧'yaduwo.

Apocalipsis 21:11

Yelösöda, 'yayi̧ Jerusalénma jwiinö dewinö dejatobe, Dios, iteda jwiinö dewinö idejati̧ma jobe salöobetjö̧. Salöanö dejatobe chedijatö, inawa otiwawa jape mikwawa salöi̧danö. Yelösöda, isa̧yu̧ salöi̧danö dejatemi .

Proverbios 20:15

Ja̧danö, ju'wibi yötawa: Isabenö mikwawobe waisadö yötja̧wi̧ma. Oro mikwawi̧tjö, ja̧danö ju'wi nöinö mikwawi̧ inawiya mikwawi̧tjö ba̧ja̧lekwönönö mikwawobe waisadö yötjawi̧ma.