1 Reyes 1:35 - Dios Iwene

³⁵ Ikenama, tjebachajö jo̧bakwö kwichaduwo baikwö, chiteaka la'aka luwo̧ ö̧binakanö öbamatakobetjö̧. Jau, jo̧bada chö̧binemi balekwo̧ baibanö, inesö la'aka luwo̧ baibanö öbamatakwo̧ma, –Salomonda israel niji jojodöbi, juda niji jojodöbi inesö la'aka tjuluwo̧ baibanö ö̧bakwo̧, –jö̧ba̧lö webö yötawinobetjö̧, —jö̧ba̧lö weinobe Davidma.

1 Reyes 1:35 Referans Kwoze

1 Crónicas 23:1

La'aka luwo̧ David ida̧ökö jwiinö pöe baibenama, iteda itji̧ Salomonnö ujuninobe, israel jojodötjö inesö la'aka luwo̧ baibanö.

1 Reyes 2:15

Wejökwe, —Kwöwaisa Betsabe, abönö pöe chö̧jobetjö̧, ötjöda la'aka luwo̧ batibobö ji̧nobe, ja̧danö okobe deinö israel jojodöma ötjönö tjomukwatinobe, –Adoniasda inesö la'aka luwo̧ baibakwo, –jö̧ba̧lö. Jo̧kwaijayonö, la'aka luwo̧ chö̧jo̧ jö̧ta̧lemima, chöjawo̧nöda baledajabe, Isabenö Jo̧ Dios jo̧banöda la'aka luwo̧ baibobö weinobetjö̧.

1 Reyes 2:12

Ja̧danö, David webö ö̧jinemi, itji̧ Salomonda webö ö̧jinobe, isabenö okobe jwiinö abe'do David webö ö̧jinemi 'dii̧nö janö webö ö̧jinobe Salomonma.

1 Reyes 1:17

Abebö a̧ja̧kwioko, —Chuluwo̧, damötjö ötjö kwömöayujunö yöbawö kwujunijatö, –Ö'wö batibenama, la'aka luwo̧ chö̧jemi isabenö kwitji̧ Salomonda la'aka luwo̧ baibanö ö̧jakwo̧, jo̧bada chiteaka inesö la'aka luwo̧ ö̧bakanö öbamatakwo̧, –jö̧ba̧lö yöbawö kwujunijatö.

1 Reyes 1:13

Babeda juluwanö kwilekwe La'aka Luwo David ö̧jobekwö kwi̧'yo, jadanö jo̧banö yöka̧lo baikwö: –Chuluwo chilekwe David, damötjö̧ ötjö kwömöayujunö yöbawö kwujuninobe, -Ö'wö batibaja̧ ikenama, kwitji̧ Salomonda chö̧jinemi inesö la'aka luwo̧ baibakwo̧, jo̧bada inesö la'aka luwo̧ iteakanö öbakwo̧, -jö̧ba̧lö yöbawö kwujunijatö, jö̧tö? Jo̧kwaijayonö jelo̧ Adoniasda inesö la'aka luwo̧ baibajabe, tajawedö jejenö baledobö weköbaja̧da? –jö̧ba̧lö yöka̧lo.

1 Reyes 1:34

Jobe Guijon ojwese'dotjö, ö'weje pjabato̧ Sadocbi, Dios yöawi̧ yöbawo̧ Natanbi Salomon uunö o̧te totjebakobe, –Isabenö bite Salomonda israel jojodö la'aka tjuluwo̧ baibajabe, –jö̧ba̧lö. Ja̧danö trompeta, pjuköbaduwobö jakobe, –Lekwe möle Salomon la'aka duluwo̧ ö̧jobö dösöda, –jö̧ba̧lö.

1 Reyes 1:36

Jejenö weiökwe, Benaiasma atadinobe, —Otiwa, ja̧danö ökwö la'aka chuluwo̧ kwösödökwe, duluwo̧ Isabenö Jo̧ Diosbi, yöka̧lala̧danö weobö chösöda.

1 Crónicas 29:23

Ja̧danö, inesö la'aka luwo̧ baibanö 'da̧batö tjujuniökwe, abe'do David ö̧binemi öbamatinobe Salomonma, Isabenö Jo̧ ömöledö israel jojodötjö inesö la'aka luwo̧ ö̧bakanö. Ja̧danö, la'aka luwo̧ babibajo̧, okobe jwiinö webö ö̧ji̧ otiwanö laebi̧nö ö̧jinobe, ja̧danö okobe deinö israel jojodöma otiwanö Salomon wei̧ a̧ja̧kwö tjö̧jinobe.