Biblia Todo Logo
Bib sou entènèt

- Piblisite -




1 Reyes 1:25 - Dios Iwene

25 Jobekwö yöka̧lajobedanö, kwitji̧ Adoniasma Enroguelbe i̧'yajabe, ja̧danö jobetjö ba̧jȩkwadö pakayadönöbi, obejadönöbi, ju'wedö o̧tewadönöbi kwabö juwö iyajabe, ja̧danö okobe deinö ökwö duluwo̧ itji̧munöbi, ölakwabikwawadö tjuluwedönöbi, ö'weje pjabato̧ Abiatarnöbi a̧debajabe. Ja̧danö jejenö a̧dabajawö̧, jo̧ba öba a'o kwanöbi, owöbi ba'ali tjujunobe, ja̧danö jo̧banö yötja̧lobe, –Lekwe möle Adonias duluwo̧ ö̧jobö dösöda, –jö̧ba̧lö.

Gade chapit la Kopi




1 Reyes 1:25
19 Referans Kwoze  

Ja̧danö Samuelma jojodönö yöawinobe, —Isabenö biteda Dios omudawö ujunajökwema, okobe deinö israel jojodötjö bakwo̧bi bitedanö jo̧ma deobe, —jö̧ba̧lö Samuel yöawawö̧, okobe deinö jojodöma Saulnö ösödö jwötjeba̧linobe, —Lekwe bite la'aka duluwo̧ ö̧jobö dösöda, —jö̧ba̧lö.


Jau, ba̧jȩkwadö pakayadönöbi, obejadönöbi, ju'wedö o̧tewadönöbi kwabö juwö iyajabe, ja̧danö okobe deinö ju'wedö ökwö inesö la'aka luwo̧ kwitji̧munö ba'ali tjujunobö a̧debajabe, ja̧danö ö'weje pjabato̧ Abiatarnöbi, ölakwabikwawa jojodö la'aka tjuluwo̧ Joabnöbi a̧debajabe, ichö tjukwobö. Jo̧kwaijayonö, ju'wedönö a̧debijayonö kwömöayo̧ kwitji̧ Salomonnö a̧debökötö, ichö jobadökwö ba'ali ujunoböma.


Jemi ikenama, Enroguel comunidad yöneawinö ji̧nawa Zojelet ötjabawa inawatjö, Adoniasma pakayadönöbi, obejadönöbi ju'wedö o̧tewadönöbi kwabö juwö Diosnö iyinobe, otiwanö inesö la'aka luwo̧ babibo̧sa, jö̧ba̧lö. Jadanö, öja̧wo̧dö ju'wedö David itji̧munöbi, David ömöayedö Judasaso jojodötjö la'aka luwedönöbi a̧debinobe, la'aka luwo̧ baibi̧ jawa ba'ali jo̧bakwö tjukwobö,


—Isabenö o̧'wo̧ ösöwanö jo̧ bite La'aka Luwo̧, Duluwo̧ weökwe icho̧ma. Bite ichobetjö̧ mölejȩbetjö wene jwiobe, jo̧kwajabetjö̧ mölejȩbe jo̧ Diosnö dösödaduwo— jö̧ba̧lö jwötjeba̧linobe.


Ja̧danö Jesús abönö 'ya̧döbi, ökömanö ichadöbi jwötjeba̧linobe: —Bite David itji̧ tupadanö jojonö dösödaduwo. Isabenö o̧'wo̧ ösöwanö jo̧, Duluwo̧ weökwe icho̧ma. Mölejȩbe jo̧ Diosnö dösödaduwo— jö̧ba̧lö jwötjeba̧linobe.


Jemi ikena möle, kwabö juwö tjiyinobe Isabenö Jo̧nö, ba̧jȩkwadö ajikwawedönö. Pakayadö ömadönö, milbedönöbi, ju'wedö o̧tewadö milbedönöbi, obejadö milbedönöbi ichejebö kwabö juwö, jwiinö ubinö iyawa baibanö tjiyinobe. Ja̧danö ju'wibi, nöinö owawa iyawabi, Dioskwö ösökwö ja̧kwawa iyawabi ichejebö tjiyinobe, ja̧tjö okobe deinö jobe ko̧ko̧kwadö israel jojodöma otiwanö Dios öba a'otjö ba'ali tjukwobö ba̧jȩkwachinö.


—Jobekwö isabenö jo̧ja chuluwo̧, jo̧kwajabetjö̧ ökwönö ösödö yöba̧ladösa, –Otiwanö pjabato̧ja, ökwö Isabenö Jo̧ma inesö dejatinö juluwo̧ja, –jö̧ba̧lö.


Jemi ikenama, Joasnö laebinobe Joyadama, ja̧danö uunö ubutjatinobe inesö la'aka luwo̧ ubutjawakama, ja̧danö Dios wei̧ wȩyukwa'ye jo̧banö iyinobe. Jemi ikenama Joas uunö o̧te toebinobe, ja̧danö jo̧banö yötjawinobe, —Isabenö bite Joasda inesö la'aka duluwo̧ baibajabe, —jö̧ba̧lö. Ja̧danö, 'bȩbö ösödö, labinö jwötjeba̧linobe, —Inesö la'aka duluwo̧ Joas lekwe webö ö̧jobö dösöda, —jö̧ba̧lö.


Jobe Guijon ojwese'dotjö, ö'weje pjabato̧ Sadocbi, Dios yöawi̧ yöbawo̧ Natanbi Salomon uunö o̧te totjebakobe, –Isabenö bite Salomonda israel jojodö la'aka tjuluwo̧ baibajabe, –jö̧ba̧lö. Ja̧danö trompeta, pjuköbaduwobö jakobe, –Lekwe möle Salomon la'aka duluwo̧ ö̧jobö dösöda, –jö̧ba̧lö.


Ja̧danö, David ömöledöso̧ arquita jojo Husayma Absalon öba a'o ichibinobe, ja̧danö ichibö, —Chuluwo̧, lekwe möle duluwo̧ kwö̧jobö chösöda, —jö̧ba̧lö dötölatajanö yöa̧linobe Husayma.


Tjichiökökwe, yemidanö ju'wedö iteda ömöayedönö weinobe yötjawobö, Pjiestama tjo̧wi̧ dukwobö jo̧be, pa̧ka̧yö̧ ömadönö, ja̧danö pa̧ka̧yö̧ tji̧tji̧mu o̧tewadönö ida̧ökö kwatajabe dukwobö, okobe jwiinö ida̧ökö jo̧be dukwobö, ichaduwi, jö̧ba̧lö.


Ikenama, Natanma abebö a̧ja̧kwinobe Davidnö: —Chuluwo̧ inesö la'aka luwo̧, ökwöma yökawaji̧, –Chö̧baja̧ ikenama, chitji̧ Adoniasma inesö la'aka luwo̧ baibakwo̧, jo̧bada chiteaka inesö la'aka luwo̧ ö̧bakanö öbamatakwo̧, –jö̧ba̧lö yöka̧laji̧?


Jobe ichibajadö, ö'weje pjabato̧ Sadocma, Dios ejutjö ichejebaja̧ o̧tȩsa̧yunö, Salomon uunö o̧te toebinobe, jadanö trompeta pjutjinobe, jadanö okobe deinö jobe ju̧kwadö jojodöma jwötjeba̧linobe, —Inesö la'aka duluwo̧ Salomon, lekwe möle duluwo̧ ö̧jobö dösöda, —jö̧ba̧lö.


Wejökwe, —Kwöwaisa Betsabe, abönö pöe chö̧jobetjö̧, ötjöda la'aka luwo̧ batibobö ji̧nobe, ja̧danö okobe deinö israel jojodöma ötjönö tjomukwatinobe, –Adoniasda inesö la'aka luwo̧ baibakwo, –jö̧ba̧lö. Jo̧kwaijayonö, la'aka luwo̧ chö̧jo̧ jö̧ta̧lemima, chöjawo̧nöda baledajabe, Isabenö Jo̧ Dios jo̧banöda la'aka luwo̧ baibobö weinobetjö̧.


Yöa̧liawö̧, okobe deinö juluwanö tja̧la̧ibinobe, ja̧danö okobe deinö jobadöma tjökamisi wamesa̧do̧ 'yobekwö, o̧do tebachö nöchawemi wame sedatö pjatjinobe, jobe Jehu kweachobö, ja̧danö trompeta pjubö yötja̧linobe, —Jehuma la'aka luwo̧ baibajabe, —jö̧ba̧lö.


Ja̧danö, ichibö jedenama, la'aka luwo̧ Dios eju okwi'o ö'öbö ö̧jobekwö jedinobe, Juda nijitjö inesö la'aka luwedö batjibena jamatajitjadanö, ja̧danö teada̧lakwawa luwedöbi, trompeta pjubadöbi la'aka luwo̧ ö'öbö tjö̧jobe jedinobe, ja̧danö okobe deinö jobe ju̧kwadö Juda jojodö tjo̧'wo ösöwachibanö tjösödobebi, trompeta pjutobebi ja̧ja̧kwinobe. Jobekwö edaju, —Ötjönö kabatibö iyö lobadötö, —jö̧ba̧lö jwöbeba̧lö, jö̧ka̧miji̧do̧ kȩ'ekwö lojinobe Ataliama.


Swiv nou:

Piblisite


Piblisite