1 Reyes 1:10 - Dios Iwene

¹⁰ jo̧kwaijayonö Dios yöawi̧ yöbawo̧ Natannöbi, Benaiasnöbi, ju'wedö David ömöayedötjö inesö juluwadönöbi, öjawo̧ Salomonnöbi a̧debinokobe Adoniasma.

1 Reyes 1:10 Referans Kwoze

2 Samuel 12:24

Jemi ikenama, Davidma ilekwo Betsabe jitji̧nö jo̧'wo tjo̧achajatjö söawobö pjaatinobe, ja̧danö jobujukwö ö̧jinobe, metu'wo bajibanö. Ja̧danö, jitji̧nö jeminobe, ja̧danö Davidma itji̧nö imidinobe, Salomon jö̧ba̧lö. Ja̧danö, Isabenö Jo̧ma nöinö ösödinobe Salomonnö,

1 Reyes 1:19

Jau, ba̧jȩkwadö pakayadönöbi, obejadönöbi, ju'wedö o̧tewadönöbi kwabö juwö iyajabe, ja̧danö okobe deinö ju'wedö ökwö inesö la'aka luwo̧ kwitji̧munö ba'ali tjujunobö a̧debajabe, ja̧danö ö'weje pjabato̧ Abiatarnöbi, ölakwabikwawa jojodö la'aka tjuluwo̧ Joabnöbi a̧debajabe, ichö tjukwobö. Jo̧kwaijayonö, ju'wedönö a̧debijayonö kwömöayo̧ kwitji̧ Salomonnö a̧debökötö, ichö jobadökwö ba'ali ujunoböma.

1 Reyes 1:8

Jo̧kwaijayonö, Abiatarbi, Joabbi Adoniasnö pjatjatinajayonö, Diostjö jojodötjö ö'weje pjabato̧ Sadocbi, Davidnö tjöbeba̧ladö la'aka tjuluwo Benaiasbi, Dios yöawi̧ yöbawo̧ Natanbi, Simibi, Reguibi, ju'wedö David ömöayedötjö inesö juluwadö ölakwabikwawadöbi, Adoniasnö pjatjatinokobe.

1 Reyes 1:26

Jo̧kwaijayonö ju'wedönö a̧debajayonö, ötjö kwömöayo̧nöbi, ö'weje pjabato̧ Sadocnöbi, ökwönö tjöbeba̧lö teada̧ladötjö la'aka tjuluwo̧ Benaiasnöbi, kwitji̧ kwömöayo̧ Salomonnöbi a̧debökötö.

1 Reyes 1:11

Jejenö baledobetjö̧, Dios yöawi̧ yöbawo̧ Natanma Salomon ojo'do Betsabenö yöalinobe: —La'aka duluwo̧ David wajwionö, itji̧ Adoniasma inesö la'aka luwo̧ baibajabe, ja̧ baledaja̧ wene kwa̧ja̧kwajökiji̧?

1 Reyes 2:13

Jemi ikenama, baikwö baledinobe: Adoniasma Solomon ojo'do Betsabenö yöa̧lobö ichinobe. Ichibioko, abebö ja̧ja̧kwinobe, —Kwichaja̧ma, wene jwöbebökönö kwichaji̧? —jö̧ba̧lö abebö ja̧ja̧kwökwe, —Jau, wene jwia, —jö̧a̧linobe.

1 Reyes 4:5

Natan itji̧ Azarias mikwo̧ma, gobernadorbedötjö la'aka luwo̧ ö̧jinobe. Natan itji Zabud mikwo̧ma, Diostjö jojodötjö ö'weje pjabato̧ ö̧jinobe, jadanö ju'wibi la'aka luwo̧ waisanö omukwatobö pjabato̧ ö̧jinobe.