1 Pedro 3:4 - Dios Iwene

⁴ Ju'wida chömöledö ya̧dö inesö kwotikwaduwi̧ma, kwo̧'wo̧ luwo̧duwi jawada, dösölö̧jinö ja̧danö jwöjwöakwawa jwiinö ja̧kwawada. Jejenö tjotikwi̧ma, damö jawa jwöachökö ji̧ chömöledö, ja̧danö Dios edemi, inesö mikwawi̧ chömöledö.

1 Pedro 3:4 Referans Kwoze

Colosenses 3:12

Ökwödöma Dios ömöledöbedöja chömöledö, jo̧bama ökwödönö ösödö omudawö ujuninobe, iteda ömöledö bakibaduwanö. Jo̧kwajabetjö̧ wanedö yötawa: Lȩlö̧jinö edawabi, otiwanö pjabatö ja̧awabi, ju'wedönötjö o̧penönö jö̧kö̧sa jö̧ba̧lö omukwatakwawabi, dösölö̧jinö ja̧awabi, tjo̧'wo̧ 'dibachibö me'dawachibökönö ja̧awabi kamijido̧ 'dutjawi̧danö 'dukawaduwo chömöledö.

1 Samuel 16:7

Jo̧kwaijayonö, jejenö omukwatiökwe, Isabenö Jo̧ma Samuelnö yöa̧linobe, —Jo̧banö edö wame jawa omukwatökönui, Aaa, bitema otiwo̧, otiwanö möbo̧ jö̧ba̧lö. Ötjöma jo̧banö omudawö junö̧kö̧sa. Ötjö Isabenö Jo̧ma jojodö wamenö tjedi̧danöma edö̧kö̧sa, ötjöma jojodö tjomajadenö tjomukwati̧ edo̧sa, —jö̧ba̧lö yöa̧linobe Diosma Samuelnö, bitemaökö jö̧ba̧lö.

Romanos 2:29

Isabenö judíoso̧ ö̧ji̧ Dios ömöledöso̧ ö̧ji̧ma, okwa jawada chömöledö, tji̧sȩdo̧ jawamaökö. Ja̧danö, isabenö Dios weinadanö 'wiekwama, tjomajade balewachinö ja̧awada, tji̧sȩdo̧ jawamaökö. Jau chömöledö, ja̧ tjomajade balewachinö ja̧awama, Dios O̧'wo̧ Luwo̧ ja̧i̧da, jojodö tji̧sȩdo̧ 'wiekwamaökö. Ja̧danö, isabenö judíoso̧ jo̧nöma, Diosda, Bitema otiwanö jo̧, jö̧ba̧lö yöawakwo̧. Jojodö yötjawökakobe chömöledö, Diosda yöawakwo̧.

Mateo 11:29

Jau chömöledö, ötjö weti̧ ja̧badö bakibaduwo, ja̧danö ötjö chöba̧ja̧di̧ kwöwaisachaduwo chömöledö, ötjöma isabenö dösölö̧jinö ja̧bo̧chobetjö̧. Jau chömöledö, isabenö ökwödönö pjatatocha. Wanedö yötawa: Kwo̧'wo̧ luwo̧duwitjö kwö̧'wachaduwobö pjatatocha,

Tito 3:2

ja̧danö, ju'wedönö sulabenö yöba̧lökönö tjö̧jobö, ja̧danö jwöjwöbökönö tjö̧jobö, ja̧danö, dösölö̧jinö yöba̧lö tjö̧jobö, ja̧danö okobe deinö ju'wedönö otiwanö dösölö̧jinö ja̧bö tjö̧jobö yökawodönö.

Mateo 23:26

Ökwödö kwöbajaleduwi tjewawadö fariseo jojodönö baikwö wanedö yötawa: Dȩja̧'do̧ma abönö okwa kwidichaduwo, ja̧danö jemi ikenama wamenöbi yȩi̧ jwiinö baibakobetjö̧.

Romanos 7:22

Isabenö chösödobe Dios weinama, Biya̧da ja̧bö chö̧jo, jö̧ba̧lö.

2 Corintios 4:16

Babe wene döbaledi̧ma baikwö yötawa chömöledö: Nöinö usula demawijayonö, tupakwö dö̧jakwa̧ omukwatö ja'yubeda usula demawobe ichejekwa chömöledö, ja̧danö tupakwö ba̧kwȩlö̧jatebö otiwanö dö̧jakwa̧ma omukwatö, babe usula demawi̧ma lekwokobe ichejekwa. Ja̧danö chömöledö, usula demawi̧tjö Diosma inesö nöinö ba̧kwȩlö̧jatebö ji̧ salöinö ujulu iyakobe ökwödönö. Jau chömöledö, babe usula demawi̧tjö yelösöda bajalekwönönö, ja̧ salöinö ujulu dujuna̧lakwedösa, ja̧danö jejenöobetjö̧, do̧'wo̧ tjo̧bekwöma kadatibokobe. Jau chömöledö, diteba'o wamesa'o woijayonö, okwa luwo̧ do̧'wo̧ luwo̧ma la'akatjöda wobö̧kö̧, mölekwena kabatökönö tupakwö ujuluwachibanö jo̧ okwa luwo̧ do̧'wo̧ luwo̧ma.

1 Tesalonicenses 4:11

Ja̧danö, wene jwiinö kwö̧jaduwobö kwisakwaduwo chömöledö, ja̧danö kwomukwataduwo jö̧ka̧laduwi̧da omukwatö kwö̧jaduwo, ja̧danö kwakwawa jawa kwo̧'wo̧li̧ jawa otidö kwö̧jaduwo, belö ökwödönö wedinadanö.

Efesios 4:2

Ja̧danö, chömöledö, baikwö ja̧bö ju̧kwaduwi: Ökwödödadama kwomukwataduwa, Aaa, ötjöma ju'wedötjö o̧penönö jo̧sa, jö̧ba̧löma. Chömöledö, otiwanö omukwatö, jojodökwö ösödabikwawö ju̧kwaduwi. Ju'wibi yötawa. Kwösödaduwökö jawa baledenama kwo̧'wo̧ luwo̧duwinö tjöbeba̧lakwawö kwuju̧kwaduwo chömöledö, kwo̧'wo̧ luwo̧duwinö suli̧ teachibökönö. Ju'wedö ökwödö kwöpöjödaduwi̧ jawa ja̧tjenabi, jobadönö kwösödaduwo, kwo̧'wo̧ luwo̧duwinö sulabenö omukwatökönö.

1 Timoteo 2:2

Ja̧danö, la'aka luwedönöbi, ju'wedö luwedönöbi Jesúsnö ösödadö atjebobö jo̧be Diosnöma, jobadö luwedökwö ölakwabikwawa jwiinö, wene jwiinö Diosnö ösödö dö̧jobö, ja̧danö Dios ösödi̧danö ja̧bö dö̧jobö, ökwödö Jesúsnö ösödadöma.

Lucas 11:40

Jejenö omukwatö kwö̧jaduwi̧ma ¡isabenö wajwibö omukwatadöja! ¿Kwomukwataduwökiji̧, ökwödönö wamenö otidina Diosma okwanöbi otidinökiji̧? Okwanöbi kwidichawaduwobö ¿jwienaji̧? Jwiokobe. ¡Isabenö okwanö kwidichawaduwoböbi jo̧be!

Isaías 61:1

Isabenö Jo̧ O̧'wo̧ Luwo̧ma ötjökwö jo̧, Isabenö Jo̧ Diosda ötjönö omudawö ujuninobetjö̧, otiwa jawa wene usula jojodönö yötawobö. Ötjönö weinobe, tjo̧'wo tjo̧bekwö ju̧kwadönö tjo̧'wo ösöwachibanö pjatatobö, ja̧danö ölakwabikwawö juluwajö do̧tja̧tajawönö tjetjatakwa̧ yötawobö, ja̧danö ka̧lena ba̧jadönö ka̧lenatjö tjö̧jibakwa̧ wene yötawobö.

Isaías 57:15

Jau, baikwö yöa̧lobe inesö mööjȩ mölejȩnö jo̧, ba̧kwelöjatebö jo̧, Suli̧tjö Ödö Jo̧ jö̧ba̧lö mikwo̧ Diosma: Ötjöma inesö möemi, suli̧tjö ödö jȩmi jo̧sa. Jo̧kwaijayonö ju'wibi, bakwo̧ sulabenö ja̧bina, o̧'wo tjo̧bekwö, —Sulabo̧ mikwawö̧kö̧sa, —jö̧ba̧lo̧kwöbi jo̧sa. Jo̧bajayo̧kwö jo̧sa, o̧'wo ujuluwachibanö pjatatakobetjö̧, sulabenö omukwataja̧ kabatibö balewachajo̧nö omajade ujuluwachibanö pjatatakobetjö.

Santiago 1:21

Jo̧kwaobetjö̧ chö̧ja̧wo̧dö, okobe jwiinö suli̧ ja̧köbaduwi̧ma kakatibaduwo. Yelösöda kwomajadeduwinö suli̧ma su̧'bȩinö jo̧be. Ja̧danö, su̧'bȩinö jo̧betjö̧ suli̧ma kwomajadeduwitjö doibobe, ojwiyo doibi̧danö. Chö̧ja̧wo̧dö, ja̧ suli̧ma kabatibö, Suli̧ wei̧ cha̧ja̧kwökö, jö̧ba̧lö, kwöbalewachaduwo, Dios iwene ösödö, Jwiinö otiwa, jö̧ba̧lö. Wanedö yötawaduwakwö chö̧ja̧wo̧dö: Diosma iteda iwene önebia tjujuni̧danö kwo̧'wo̧ luwo̧duwinö ujuninobe. Ja̧ iwenema pjaati̧ wene, böjȩnö kwö̧jaduwena suli̧tjö kwö̧jibaduwinö pjaati̧ wenema. Ja̧danö chö̧ja̧wo̧dö, suli̧ wei̧ öpöjödö ökwödönöda omukwatökönuwi, Luwedösa, jö̧ba̧lö. Dios iweneda ösödö kwö̧jaduwo, jo̧ba yöawi̧ a̧ja̧kwö.

2 Timoteo 2:25

Ja̧danö, Dios jawa öpöjödadö jobadönö öpöjödakwawö tjö̧jena, jobadökwö jwöjwöbakwawökönö dösölö̧jinö jwetjebobö jo̧be, Dios pjaatitjö̧ma bidöma sulabenö tjomukwati̧ kabatibö tjöbalewachena, ja̧danö isabenö wene tjösödena jö̧ba̧lö.

2 Tesalonicenses 3:12

Jejenö ja̧bö ju̧kwadönö Duluwo̧ Jesucristo iminö baikwö ba̧ja̧dö wedobe ökwödönö chömöledö: 'Wi̧inö ja̧nö, idöda tjotidawa otidö tjö̧jo jö̧ba̧lö, böjȩnö ja̧nö tjukwakwa̧ kwakwawama idöda otidö tjemobö.

Mateo 5:5

Aaa, otiwöködösa jö̧ba̧lö omukwatadöma, isabenö tjo̧'wo̧ ösöwanö tjö̧jakwedö, Diosma jobadönö böjȩ iyakobetjö̧.

Isaías 29:19

Ja̧danö Isabenö Jo̧ pjaatiawö̧, usula emawinadöma tjo'wo ösöwachibanö tjö̧jakwedö, jadanö bö̧jȩ jojodötjö̧ usula jojodöma, tjo̧'wo ösöwachibanö yötja̧lakwedö, —Ökwödö israel jojodö dösödökwe Okobe Jwiinö Juluwo̧ Diosma, isabenö otiwo̧, —jö̧ba̧lö.

Romanos 6:6

Tupakwö yötawaduwakwö chömöledö: Ökwödö do̧'wo̧ luwo̧ ajayi luwo̧ma woinobe, bakobe Cristokwö towisa'onö ja̧nö. Ja̧danö, ajayi luwo̧ do̧'wo̧ luwo̧ma woinobe, jemi tupakwö sulabe dujuna̧li̧ ökwödönö juluwökönö.

Lucas 16:15

Jejenö otjiökwe, Jesúsma jobadönö yöa̧linobe: —Ökwödöma jojodö tjöba a'otjö otiwadödanö kwichejekwaduwobö ja̧bö ju̧kwadöja, jo̧kwaijayonö Diosma wamenö otiwadödanö kwichejekwaduwi̧ma omukwatö̧kö̧, Diosma kwomajadeduwinö sulabenö kwomukwataduwi̧ waiso̧. Jau, jojodö tjedemi biya̧ma nöinö mikwawi̧ jö̧ba̧lö tjösödi̧ jawama, Dios edemi mikwawökö ji̧, iteda öpöjödi̧ jawaobe. Ja̧danö, jojodö wamenö ökwödönö edö bidöma otiwadö jö̧ba̧lö tjomukwatijayonö, Diosma kwomajadeduwinö edö öpöjödobe, Bidöma sulabedö jö̧ba̧lö. —

1 Pedro 1:23

bakwo̧da i̧tji̧muköbaduwobetjö̧. Jau chömöledö, Dios iwenema yaba̧lö ji̧, ja̧danö 'dö̧ibajökö ji̧, ja̧danö ja̧ wene ösödö, 'yayinö kwöbötjachinaduwobe chömöledö. Ja̧danö chömöledö, 'yayinö kwöbötjachinaduwenama, woba jojodö tji̧tji̧mu baibanöma kwöbötjachinaduwokobe, wobö̧kö̧ jo̧ Dios i̧tji̧muda bötjachinadöja.

Colosenses 3:3

böjȩtjö ida̧ökö woköbinaduwobetjö̧. Jau chömöledö, isabenö ja̧kwawa kwujuna̧laduwi̧ma, mölejȩ jawa ja̧kwawada, ja̧danö ja̧ ja̧kwawa kwujuna̧laduwi̧ma ina öwawokobe chömöledö. Wanedö yötawa: Ja̧ ja̧kwawa kwujuna̧laduwi̧ma, Cristoma Dioskwö ja̧nö tojö ujunobedanö ichejekwa, mölejȩbe kwichibaduwenanö kabatö.

Gálatas 5:23

jojodönö labinöma webökönö ja̧awabi, tjösödi̧da ja̧bökönö biya̧ma otiwanö ja̧awa jö̧ba̧lö tjöwaisi̧danö ja̧awabi. Ja̧ jawa i̧sekwö dö̧jo jö̧ba̧lo̧ do̧'wo̧ luwo̧nö otidobe Dios O̧'wo̧ Luwo̧ma. Jau chömöledö, jejenö ja̧bö ja̧kwawama otiwa, ja̧danö jojodönö weawama jwia jejenö ja̧köbaduwa jö̧ba̧löma chömöledö.

2 Corintios 10:1

Chömöledö, Cristoma lȩlö̧jinö ja̧danö dösölö̧jinö ja̧bö jo̧, ¿jö̧tö? Ja̧danö, ötjö Pabloma jo̧ba Cristo iminö dösölö̧jinö abebö wetaduwakwö, ökwödönö wȩyudö yötawi̧ kwa̧ja̧kwaduwobö, kwiteboduwibe chichibena ökwödönö lȩtebapji jö̧ba̧lö. Jau chömöledö, ju'wedö ötjönö yötja̧lena, Aaa, Pablo ökwödökwö ö̧jenama, labinöma yöba̧lö̧kö̧, sule jelobetjö iwȩyudenada labinö yöbawö wȩyudo̧ Pabloma, jo̧kwajabetjö̧ ichakwa̧ yedabökö jö̧ba̧lö yötja̧lena.

Mateo 21:5

Jerusalénnö ju̧kwadönö yöbawaji: Edaduwi. Kwuluwo̧duwima kwö̧jaduwobekwö ichobe. Jo̧bama luwo̧sa jö̧ba̧lö omukwatökönö, bulunö wanö, bulu itji̧nö wanö ichobe, jö̧ba̧lö yöawinobe.

Isaías 11:4

Jo̧ba lȩebakwa̧ma, jojodönö wainökwena edöma lȩebökakwo̧, jweinö Dios wei̧danö lȩebakwo̧. Jweinö bakweminö lȩekwa yöawakwo̧, jwibadöbi, ju'wedö sulabenö ja̧tja̧jawö̧bi öba a'o tjichibenama, mikwawöködö jö̧ba̧löma öpöjödökakwo̧, jojodönö bakweminö edö, isabenö lȩekwa yöawo jö̧a̧li̧danö lȩebakwo̧. Isabenö otiwanö lȩebakwo sulabedönöma, jweinö lȩekwa yöbawö, sulabenö ja̧badönö kwabö lotjobö weakwo̧, debö tji̧'yakobetjö̧.

Romanos 1:23

Ja̧danö, ba̧kwȩlö̧jatebö jo̧ Diosnö tjo̧'wo̧ wana̧lökönö, tjotidajawö̧nöda tjo̧'wo̧ wana̧ladö. Woba jojo o̧'wo̧ jawabi, tebo luwa o̧'wo̧ jawabi, pjiyuwa o̧'wo̧ jawabi, nijinö töbawo̧ o̧'wo̧ jawabi, jobadö tjo̧'wo̧ jawa tjotidajawö̧nöda tjo̧'wo̧ wana̧ladö.