1 Pedro 2:9 - Dios Iwene

⁹ Jo̧kwaijayonö jobadö Jesúsnö öpöjödö töbö metjijayonö, töböma meböködöja chömöledö, Dios omudawö ujuninawö̧ja, ja̧danö La'aka Duluwo̧ wei̧ otidadöja, ja̧danö mölejȩ jojodöja, ja̧danö Diosda ömöledöja chömöledö. Jau chömöledö, isabenö Dios wei̧ otidadö kwö̧jaduwobe. Diosma ökwödönöda 'da̧batö ujuninobe, jo̧ba inesö otiwanö pjaati̧ wene jojodönö yökawaduwobö. Jau chömöledö, Diosma isabenö otiwanö ökwödönö pjaatinobe, ökwödönö yȩa'wo okwatjö labeibö, iteda inesö idejatobekwö tekachaduwobö jwöinobe Diosma, ja̧danö jo̧ba inesö otiwanö pjaati̧ wene yökawaduwo jö̧ba̧lö, ökwödönö omudawö ujuninobe.

1 Pedro 2:9 Referans Kwoze

Deuteronomio 7:6

Ja̧ tjösödi̧ jawa söbebö lobö, wainö kwö̧jaduwobö jo̧be chömöledö, ökwödöma kwuluwo̧duwi Isabenö Jo̧ Dios ömöledököbaduwobetjö̧. Jau chömöledö, okobe deinö bö̧jȩ ba̧kwemeachibanö ju̧kwadötjö, kwuluwo̧duwi Isabenö Jo̧ Diosma ökwödö israel jojodönöda 'da̧batö ujuninobe, iteda ömöledö, ile niebawö̧ ömöledö bakibaduwobö, jo̧kwajabetjö̧ ju'wedö sulabenö tjösödi̧tjö wainö 'da̧bachibö kwö̧jaduwobö jo̧be.

Apocalipsis 1:6

Jesucristoma ökwödönö 'da̧batö ujuninobe iteda ömöayedö badibanö, itenöda, Duluwo̧, jö̧ba̧lö, öbabidö badibanö. Damötjö, la'aka luwedö, Diostjö jojodötjö ö'weje pjabatadö pjatjatinadanö Jesucristoma 'da̧batö ujuninobe ökwödönöma, jojodönö pjadatobö. Ja̧danö, ökwödöma Diosnö abebadösa, Jesucristo abe'donöma, jojodönö pjaatobö. Chömöledö, Jesucristo otiwanö pjaatinobe ökwödönöma. Otiwanö pjaatinobetjö̧ jo̧banö dösödaduwo, Jwiinö juluwo̧, jö̧ba̧lö, Ba̧kwȩlö̧jatebö webö ö̧jobö jo̧be, jö̧ba̧lö. Chömöledö yötawi̧ma isabenö yötawa.

Apocalipsis 5:10

Dios ömöledö babibinadönöma bakwaso batjibanö ja̧binaja, bakwainö Dioskwö ja̧nö, iteda wei̧ ja̧badö batjibanö. Jobadönöma Diostjö jojodötjö ö'weje pjabatadödanö batjibanö ja̧binaja, bakwainö Dioskwö, iteda wei̧ ja̧badö batjibanö. Ju'winö böjȩnö ja̧nö, jojodö tjuluwedö batjibanö ja̧köbakwo̧ja, jö̧ba̧lö lo̧tjijatö tjöbajalebiya a̧tja̧bayedöda ju̧kwawö̧ma, damö la'aka luwedökwö Obeja Itji̧danö Jo̧nö ösödö.

Isaías 61:6

Ja̧danö ökwödö israel jojodönö, Isabenö Jo̧ Diostjö jojodötjö ö'weje pjabatadö ötjabikwawö̧ja. Ökwödö kwotidaduwakwa̧ma, dösödökwe Dios wei̧ otidadö kwö̧jaduwakwedöja. Tjitebotenia jojodö tjitea nöinö mikwawi̧ma, ökwödöda kwemaduwakwedöja. Jobadö ajayinö, —Otiwanö juna̧ladösa, —jö̧ba̧lö ösödö yötja̧lina jawama, ökwödöda kwo̧'woduwi ösöwanö kwujuna̧laduwakwedöja.

2 Timoteo 1:9

Jau Timoteo, Diosda ökwödönö dö̧jibinö pjabatinama, jo̧bada iteda ömöledö badibobö jwöbinama, jo̧kwajabetjö̧ usula emawö jwaikwöda otiwa jawa wene yöbawö kwö̧jo iteda ujulunö. Ja̧ Dios ökwödönö pjaatinama, otiwanö ja̧bö dö̧jiökwema pjaatinokobe, itedada la'akatjöda jejenö omukwatö ujuninobetjö̧ jejenö pjaatinobe. La'akatjöda Diosma omukwatö ujuninobe, Cristo Jesúsnötjö otiwa jawa mikwa jwiinö ökwödönö iyobö.

Deuteronomio 14:2

Jau chömöledö, ökwödö israel jojodöma ju'wedö bö̧jȩ jojodötjö kwuluwo̧duwi Isabenö Jo̧ Dios wainö 'da̧batö ujuninawö̧ja, iteda ömöledö bakibaduwobö. Okobe deinö bö̧jȩnö ju̧kwadötjö ökwödö israel jojodönöda omudawö ujuninobe Diosma, iteda ömöledö, iteda ile niebawö̧ ömöledö kwö̧jaduwobö, jo̧kwajabetjö̧ ju'wedö bö̧jȩ jojodö ja̧bö tjö̧ji̧danöma kwö̧jaduwoko chömöledö, —jö̧balö yöawinobe Moisesma.

Tito 2:14

Jo̧ba Jesucristoma midawö woinobe, okobe jwiinö sulabetjö dö̧jibinö pjaatobö, ja̧danö ökwödö do̧'wo̧ luwo̧nö sulabe dujuna̧li̧ dichö loobö, sulabe jwibadö iteda ömöledö badibanö dö̧jobö, ja̧danö otiwanö ja̧bö dö̧jo jö̧ba̧ladö badibanö dö̧jobö.

Deuteronomio 10:15

Jo̧kwaijayonö, okobe deinö inesö la'aka tjuluwo̧ ö̧jijayonö, Isabenö Jo̧ma ökwödö israel jojodö da'dödönöda ile nibebö omudawö ujuninobe, ja̧danö ökwödö jobadö tji̧tji̧mu tupadanö jojodönöda omudawö ujuninobe, iteda ömöledö kwö̧jaduwobö. Jau chömöledö, okobe deinö bö̧jȩnö ju̧kwadötjö ökwödö israel jojodönöda omudawö ujuninobe, iteda ömöledö kwö̧jaduwobö, ja̧danö ina babe mölebi, iteda ömöledöbedöja.

Isaías 26:2

Comunidad apjude po̧kebaduwo, Dios wei̧ a̧ja̧kwö ju̧kwadö tetjachobö, Dios wei̧ jwaikwöda a̧ja̧kwadö tetjachakobetjö̧.

Hechos 26:18

Jobadöma tjöbajale tjewawadödanö tjuju̧kwobe, tjo̧'wo̧ luwo̧ jawama. Jobadönö, yȩa'wo okwa ju̧kwadönö yökawobö wetokwöcha, jobadöma yȩa'wo okwatjö labebö dewinö ju̧kwadö batjibobö. Jobadöma, Awetja ösödi̧ ja̧bö tjuju̧kwi̧tjö kabatibö Dios ösödi̧da ja̧bö tjuju̧kwobö wetokwöcha. Ja̧danö ötjönö tjösöditjö̧ma tjusuli̧ söbebö loakobe Diosma. Ja̧danö jobadöma suli̧ jwibadö batjibinö Dios ja̧inawö̧danö jobadöbi batjibakobe, suli̧ jwibadö batjibakwedöma. Jejenö jö̧ba̧lö iwene jwöi̧ma cha̧ja̧kwijatö, chuluwo̧—jö̧ba̧lijetö Pabloma la'aka luwo̧ Agripanöma.

Apocalipsis 20:6

Yelösöda, wobinadötjö ajayinö tjebachajinadöma, tjo̧'wo̧ ösöwanö ja̧dö, Dios wei̧ a̧ja̧kwö, Cristokwö. Jobadöma nöola ubolanö okwa loawatjö ji̧badö. Ja̧danö, Dioskwö Cristokwö lekwe, mil imiamebiya jenanö, Diostjö jojodötjö ö'weje pjabatadödanö tjotidakwedö. Dioskwö, Cristokwö mil imiamebiya jenanö tjotidakwedö.

Mateo 5:16

Ökwödöbi ja̧danö chömöledö. Ökwödö böjȩ jojodö tjö'da̧de ja̧nö, otiwanö ja̧bö ja̧nö kwidejataduwo, okobe deinö otiwanö ja̧bö kwö̧jaduwi̧ tjedakobetjö̧, ja̧danö jejenö edö, okobe deinö mölejȩbe jo̧ kwabe'doduwinö tjösödakobetjö̧— jö̧ba̧lö yöawinobe Jesúsma.

Deuteronomio 4:20

Jau chömöledö, damötjö̧ ökwödö israel jojodöma Egipto nijinö ja̧nö usula emawö kwotidinaduwobe, 'dii jawa otikweju otidadö tubinö usula emawö otidö tjö̧ji̧danö, jö̧tö? Jo̧kwaijayonö jejenö usula emawö kwö̧jinaduwelö lakebaduwinö ichejebinobe Isabenö Jo̧ma, ökwödö israel jojodöma iteda ömöledö bakibaduwakobetjö̧, ja̧danö babe möle ökwödöma jo̧ba Isabenö Jo̧ Diosda ömöledöja, —jö̧ba̧lö yöawinobe Moisesma, israel jojodönö.

Colosenses 1:13

Jo̧ba Diosma yȩa'wotjö, Awetja ujulutjö dö̧jibanö ja̧inobe, ja̧danö iteda ösödökwe Itji̧ la'aka luwo̧ ö̧jobe dichibanö ja̧inobe.

1 Corintios 3:17

Chömöledö, ökwödöma Dios eju, Dios 'da̧batö ujuninejubedöja. Ja̧danö, ökwödönö suli̧ waedadönö söbebö loakwo̧ Diosma, jo̧ba ejubedönö suli̧ tjöwaedobetjö̧.

Hechos 20:28

Ina yöbawijetö: —Ju'wi jawabi yötawa ökwödönö, te'ada̧lakwawa jojodönö. Kwö̧jaduwobema otiwanö kwite'ada̧laduwo, kwo̧'wo̧ luwo̧duwi juluwachibanö tupakwö kwi̧'yaduwobö Dioskwö. Ju'wibi yötawa. Ju'wedönöbi kwite'ada̧laduwo Diosnö ösödadönöma. Dios O̧'wo̧ Luwo̧ma ökwödönö 'da̧batö junijetö jobadönö kwite'ada̧laduwobö. Wanedö yötawa: O̧bȩja̧dönö te'ada̧lakwawa jojo a̧jwi̧mu tjöekwanö ite'ada̧li̧danö ökwödöma Jesúsnö ösödadönö kwite'ada̧laduwo. Kwite'ada̧laduwawö̧nöma ida̧ökö Dios ja̧inobe iteda i̧tji̧mu batjibinö. Diosma iteda itji̧ ökwösobu ebawö ö'wöchö imidawinobetjö̧, ida̧ökö Dios ja̧inobe jobadönöma iteda i̧tji̧mu batjibinö, iteda itji̧nö ösödadöma. Jobadönöma kwite'ada̧laduwo— yöbawijetö Pabloma.

Isaías 42:16

Ja̧danö, chömöledö tjöbajale tjewawadödanöbedönö pjatatocha. Jobadönö ötibakwo̧sa, mana edajitjökö mananö kwetjachobö. Ötjöda jobadönö jwetebakwo̧sa, ja̧danö tjöba a'otjö yȩa'woma, dewi̧ baibanö balewö lotakwo̧sa, otiwanö tjedakobetjö̧. Ja̧danö niji ya̧likwaobe inakoobema, ba̧ba̧ladö chotidocha, ba̧ba̧lawamanö otiwanö kwetjachakobetjö̧. Jobekwö isabenö chömöledönö pjatatakwo̧sa, ja̧danö jobadönö le'dedö lotökakwo̧sa.

Isaías 41:8

Tupakwö laebobe Dios yöa̧li̧: Ökwödö Israel jojodöma, isabenö ötjöda chömöayedöja. Ökwödöma omudawö chujuninökwe Jacob itji̧mu tupadanö jojodöja, ja̧danö chömöledöso̧ Abraham itji̧mu tupadanö jojodöja.

Isaías 9:2

Jobadö yȩa'wo okwa kwebachinadöma inesö dewi̧ tjedajabe, ja̧danö Diosnö tjöpöjödinobetjö̧ jobe bakwaida yȩa'woda ji̧najayonö, jobadönö dewinö idejatajabe.

Filipenses 3:14

Wanedö yötawa: Jweinö ö'öchakwawobedanö ichejekwa, ajayinö ichibo̧ jawa chemo jö̧ba̧lö, ja̧danö ja̧ chemobö jö̧ta̧li̧ma, Cristo Jesúsnö chöwaisobö chömöledö. Jau chömöledö, Cristo Jesúsnö chöwaiso jö̧ba̧lö, Diosma ötjönö jwöinobe, ja̧danö jejenö jo̧banö chöwaiso jö̧ba̧lö, isakwö chö̧jobe.

Isaías 44:1

Tupakwö laebobe Dios israel jojodönö yöa̧li̧ma, baikwö: Chömöayedö Jacob itji̧mu tupadanö jojodö, omudawö chujuninawö̧ Israel jojodö, ökwödönö yöta̧li̧ kwa̧ja̧kwaduwo.

Mateo 4:16

Jobadö yȩa'wo okwa ju̧kwinadöma inesö dewi̧ tjedajabe, ja̧danö Diosnö tjöpöjödinobetjö̧ jobe bakwaida yȩa'woda ji̧najayonö, dewinö dejatajabe, jö̧ba̧lö wanedö iwȩyudinobe Isaíasma.

1 Pedro 1:2

Jau chömöledö, Dabe'do Dios ajayitjöda ökwödönö öwaisinadanö, Dios O̧'wo̧ Luwo̧da ökwödönö 'da̧batö ujuninobe, Jesucristo wei̧ ja̧bö kwö̧jaduwakobetjö̧, ja̧danö Jesucristo ökwösobunö ökwödönö dichö loobö. Ökwödö Dios öwaisawö̧nö böja kwialusöja chiwȩyudobe ötjö Pedroma chömöledö. Böja wȩyudö jamatö, yötawaduwakwö chömöledö: Dios ajayitjö bajalekwönönö ökwödönö lȩlö̧jinö iyobö chösöda. Ja̧danö ajayitjö bajalekwönönö ökwödönö pjaatobö chösöda, kwo̧'wo̧ luwo̧ ösöwachibanö kwö̧jaduwobö.

Lucas 1:79

yȩa'wo okwa ju̧kwadö woawa juluwawö̧nöma dewinö idejatobö, ja̧danö wene jwiama mana i̧sebobö, wene jwibö ja̧ mananöda otiwanö kwedachakobetjö̧, jö̧ba̧lö yöawinobe Zacaríasma itji̧ Juannö, tupakwö baledakwa̧ yöbawö.

Romanos 9:24

Jau chömöledö, iteda ujulu i̧sebobö jö̧a̧linobe ökwödönöma, iteda ömöledö badibobö jwöinawö̧nöma. Ja̧danö, sule judío jojodönödama jwöinokobe chömöledö, judío jojodönöbi, judío jojodöböködönöbi jwöinobe.

Hechos 26:28

Jejenö jö̧a̧liökwe Agripa jö̧ba̧lijetö: —Pablo, ökwöma juluwanö Dios Itji̧ batibobö jö̧ka̧lijayonö lekwema yökawökötö. ¿Kwomukwatiji̧ lekwökö Jesúsnö yöka̧lemi ötjöma juluwanö yöta̧la, Jau Jesúsnö chösöda, jö̧ba̧lö? ¿Jejenö kwomukwatiji̧?— jö̧a̧linobe Agripama.

1 Pedro 4:11

Baikwö yötawa: Yöbawadöma, Dios yöawi̧ yötjawobö jo̧be, ja̧danö pjabatadöma, Dios ujulunö pjabatö tjö̧jobö jo̧be. Jejenö Dios iyinadanö ja̧bö kwö̧jaduwenama, Diosda ökwödönötjö pjaatobe jojodönö chömöledö. Ja̧danö Dios pjaati̧ edö okobe deinö Diosnö tjösödakobe, Jesucristo midawö woinobetjö̧ otiwanö pjabato̧ja jö̧ba̧lö. Jau chömöledö, Dabe'do Diosda ba̧kwȩlö̧jatebö dejatinö juluwo̧ma ja̧danö jo̧bada inesö la'aka luwo̧ma, babebi ba̧kwȩlö̧jateböbi, jejenö otiwa.

Efesios 1:6

Jo̧kwaobetjö̧ iteda i̧tji̧mu badibinobetjö̧ dösödonö, Lȩlö̧jino edo̧, jwiinö otiwo̧, jö̧ba̧lö. Chömöledö ökwödöma Jesúskwö, Dios Itji̧ ile niebökwekwö, dötewinö badibinobetjö̧ Diosma ökwödönö jwiinö lȩlö̧jino edobe.

Efesios 1:14

Ja̧danö chömöledö, ajayinö Diosma ökwödönöma, Otiwa jawa chiyocha, jö̧ba̧lö, yöbawö junijetö. Ja̧ otiwa jawa iyakwa̧tjö ida̧ökö ja'yubeda iyinobe, iteda O̧'wo̧ Luwo̧nöma. Ja̧ ja'yubeda iyinama i̧sebobe, Diosma isabenö iteda ajayinö yöbawö ujunina ja̧bo̧, jö̧ba̧lö. Ju'winö okobe jwiinö iyakwo̧, jö̧ba̧lö, i̧sebobe. Ja̧danö, ökwödöma te'ada̧löda dö̧jobe, Isabenö ju'winö okobe jwiinö iyakwo̧, jö̧ba̧lö. Chömöledö, Diosma jejenö otiwanö ja̧inobetjö̧ jo̧banö dösödaduwo, Jwiinö otiwo̧, jö̧ba̧lö.

Juan 17:19

Chabe'do, ötjöma ökwö weköbi̧da a̧ja̧kwö iyawo̧sa, bidö chöba̧ja̧di̧ waisachadöbi isabenö, ökwö weköbi̧ a̧ja̧kwö iyawedö batjibanö tjuju̧kwakobetjö̧— aebinobe Jesúsma Abe'donöma.

Efesios 3:21

Jo̧banö ba̧kwȩlö̧jatebö dösödaduwo, Diosma jwiinö otiwo̧, jö̧ba̧lö. Ökwödö Jesúsnö ösödadö, Jesúskwö bakobe dötewadöma Diosnö dösödaduwo ba̧kwȩlö̧jatebö.

1 Samuel 12:22

Isabenö Jo̧nö kakatibaduwoko chömöledö, jo̧bama isabenö ökwödönö kabatibö̧kö̧. Jau chömöledö, kwuluwo̧duwi imima Isabenö Jo̧ jö̧ba̧lö mikwo̧, jo̧bada Inesö Isabenö Jo̧obetjö̧. Ja̧danö, iteda ösödi̧danö, ökwödö israel jojodönö omudawö ujuninobe, Isabenö Jo̧ ömöledö bakibaduwanö. Jo̧kwajabetjö̧, ja̧ wene omukwatö, ökwödönö kabatibö̧kö̧ Isabenö Jo̧ma chömöledö, —jö̧ba̧lö yöawinobe Samuelma.

Isaías 62:12

Ja̧danö, jobadö tjö̧jibinö pjaatajawö̧ma, —Isabenö Jo̧ Ömöledö Suli̧ Jwibadö, tjö̧jibinö pjaatinawö̧—jö̧ba̧lö ötjabikwawö̧. Ja̧danö ja̧ möle Jerusalen comunidad ötjabikobe, —Dios ösödemi, kaatibökemi comunidad, —jö̧ba̧lö.