1 Juan 5:11 - Dios Iwene

^11-12 Ja̧danö chö̧ja̧wo̧dö, Dios ökwödönö yöawinama baikwö laebobe: Ötjö chitji̧nö ösödadöma, Diosma Itji̧nö weinobe jojodö tjö̧jibinö pjaatobö, jö̧ba̧lö, tjo̧'wo̧ luwo̧nö ba̧kwȩlö̧jatebö tjuju̧kwakwedö. Jo̧kwaijayonö Chitji̧nö öpöjödadöma ba̧kwȩlö̧jatebö tjuju̧kwökakwedö. Chö̧ja̧wo̧dö, Diosma jweinöda yöbawo̧obetjö̧ jo̧ba yöawina, iteda Itji̧nö yöawinama dösödaduwo, Jweinö yöawinobe, jö̧ba̧lö.

1 Juan 5:11 Referans Kwoze

Romanos 6:23

Jau chömöledö, sulabenö ja̧di̧ mikwawi̧ma wobaleda. Jo̧kwaijayonö, Dios mikwa jwiinö otiwa jawa iyi̧ mikwawi̧ma ja̧kwawa jawada chömöledö. Dios mikwa jwiinö otiwa jawa iyi̧ mikwawi̧ma, ba̧kwȩlö̧jatebö ja̧kwawa Duluwo̧ Cristo Jesúskwö chömöledö.

1 Juan 2:25

Ja̧danö jejenö, böjȩnö ja̧nö Dioskwö dötewinö di̧'yi̧ma di̧sekwobe, Dioskwö ba̧kwȩlö̧jatebö ja̧dösa, jö̧ba̧lö. Chö̧ja̧wo̧dö, jejenö Diosma ökwödönö yöbawö ujuninobe, Ötjökwö ba̧kwȩlö̧jatebö kwö̧jaduwakobe, jö̧ba̧lö. Ja̧danö böjȩnö ja̧nö, Dioskwö dötewinö di̧'yi̧ma ja̧ Dios yöbawö ujunina i̧sekwö dö̧jobe, Ökwödöma isabenö Dioskwö ba̧kwȩlö̧jatebö ja̧dösa, jö̧ba̧lö.

Juan 3:36

Bakwo̧, Dios Itji̧nö ösödo̧ma ba̧kwȩlö̧jatebö ja̧kwawa juna̧lo̧. Ja̧danö, Dios Itji̧nö öpöjödö, jo̧ba wei̧ a̧ja̧kwö̧kö̧ma jwibo̧, ba̧kwȩlö̧jatebö ja̧kwawama. Jo̧bama Dios lȩebakwo̧— jejenö yöawinobe Juan Ojwenö Bu̧dato̧ma ömöayedönö.

1 Juan 5:20

Ja̧danö chö̧ja̧wo̧dö, ju'wi jawabi döwaisa, biya̧: Dios Itji̧ Jesucristoma böjȩnö ichinobe Isabenö Jo̧ Diosnö döwaisachibanö yöbawö. Ja̧danö, babema Dioskwöbi Itji̧ Jesucristokwöbi bakobe dötewinö 'ya̧dösa. Chö̧ja̧wo̧dö, Jesucristoma isabenö jo̧ Diosda. Ja̧danö, jo̧ba Jesucristoma ökwödönö pjaatinobe, do̧'wo̧ luwo̧nö ba̧kwȩlö̧jatebö dö̧jobö.

1 Juan 4:9

Ja̧danö chö̧ja̧wo̧dö, Diosma ¿dakwö i̧sebinada jojodönö jwiinö ile niebi̧ma? Bejenö i̧sebinobe: Iteda itji̧nö, iteakwo̧nöda weinobe böjȩkwö ichö ö'wö baibobö. Ja̧danö, Dios Itji̧ma ökwödö dusula dumusidi̧ midawö ö'wö baibinobe ökwödö do̧'wo̧ luwo̧ okwa ö'wö babiböködö, ba̧kwȩlö̧jatebö ja̧dö badibobö.

Juan 1:4

Jo̧bada, Dios Iwene Jo̧, jö̧ba̧lö, ötjabökweda ökwödönö ba̧kwȩlö̧jatebö ja̧kwawa dujuna̧linö iyo̧. Ja̧danö, jo̧ba, ba̧kwȩlö̧jatebö ja̧kwawa dujuna̧linö iyo̧ma, dewinö jo̧. Jo̧ba dewinö jo̧ma, do̧'wo̧ luwo̧nö isabenö ji̧ jawa, do̧'wo̧ luwo̧ jawa dewinö dejatö döwaisachibanö öbibo̧.

1 Juan 5:10

Ja̧danö chö̧ja̧wo̧dö, Jesúsnö ösödo̧, Jesúsma Dios Itji̧, jojodö tjö̧jibinö pjaatobö weinökwe, jö̧ba̧lo̧ma öwaisobe o̧'wo̧ luwo̧nö, Diosma jweinö yöawinobe Itji̧nöma, jö̧ba̧lö. Jo̧kwaijayonö Dios yöawi̧ öpöjödo̧ma, Diosma omöna yöbawo̧, jö̧ba̧lö, yöa̧lobe, Dios iteda Itji̧nö yöawina öpöjödobetjö̧.

Juan 19:35

Isabenö, ötjö, Juanma, ja̧ baledi̧ edinasa. Chedinobetjö̧ jweinö yötawaduwakwö, kwomukwataduwobö, Juanma jweinö yöbawö iwȩyudinobe, jö̧ba̧lö.

Juan 10:28

Jobadönö ba̧kwȩlö̧jatebö ja̧kwawa chiyawö̧. Ja̧danö, tjö'wöchökakwedö, ötjö ba̧kwȩlö̧jatebö ja̧kwawa chiyawö̧ma. Ja̧danö, otiwanö chite'ada̧lobetjö̧ bakwo̧bi deobe jobadönö ötjötjö 'döbebö emibo̧ma.

Juan 6:68

—Chuluwo̧ kadatibokobe. ¿Ti yöawi̧ da̧ja̧kwobö di̧'yobö? Ökwöda ba̧kwȩlö̧jatebö ja̧kwawa wene yöbawo̧ma.

Juan 5:26

Ina yöawinobe: —Ötjö Chabe'doma jojodönö ba̧kwȩlö̧jatebö ja̧kwawa iyo̧. Jo̧bama la'akatjöda ji̧naobetjö̧, jo̧batjöda laebinobe ja̧kwawama. Ja̧danö, jo̧bama weinobetjö̧, ötjö, iteda Itji̧bi, bakwainö itedadanö, ba̧kwȩlö̧jatebö ja̧kwawa iyo̧sa.

Judas 1:21

Dabe'do Diosma isabenö otiwanö ile niebobe ökwödönö chömöledö, ¿jö̧tö? Ba̧kwȩlö̧jatebö ja̧ Dios ökwödönö ile niebi̧ wene omukwatö kwö̧jaduwo. Ja̧danö, ju'wibi te'ada̧lö kwö̧jaduwo, Duluwo̧ Jesucristoma isabenö lȩlö̧jinö edö ba̧kwȩlö̧jatebö ja̧kwawa iyakwo̧ jö̧ba̧lö.

1 Juan 5:7

Jo̧kwaobetjö̧ chö̧ja̧wo̧dö, Jesúsnö baledina, wa̧pötakwa jawa baledinama ökwödönö i̧sebobe, Jesúsma Dios Itji̧, ja̧danö Dios weinökwe, dö̧jibinö pjaatobö, jö̧ba̧lö. Ja̧ wa̧pötakwa jawa baledinama biya̧:

Tito 1:2

Ja̧danö, Dios omudawö ujuninawö̧nö chöba̧ja̧dobe, Diosnö tjo̧'wo̧ wana̧lö tjomukwatobö, Aaa, isabenö ökwödöma ba̧kwȩlö̧jatebö ja̧kwawa dujuna̧lakwedösa, Dios jö̧a̧li̧danö, jö̧ba̧lö tjomukwatobö. Ja̧ ba̧kwȩlö̧jatebö ja̧kwawa dujuna̧lakwa̧ wenema omöna yöba̧lö̧kö̧ Diosma yöbawö ujuninobe, ina böjȩ otidakwa̧ abönö.

1 Timoteo 1:16

Jo̧kwaijayonö Diosma lȩlö̧jinö edinobe ötjönöma. Jau, Cristo Jesús kabatökönö o̧'wo̧ 'dibachibö lȩlö̧jinö edi̧ma öwaetjöda öwawo jö̧ba̧lö, Diosma ötjönö, sulabedötjö o̧penönö sulabenö ja̧binanö lȩlö̧jinö edinobe. Ja̧danö, o̧'wo̧ 'dibachibö lȩlö̧jinö edinobe ötjönöma, ju'wedöma edö tjöwaisachibobö, Aaa, Cristo Jesúsma isabenö kabatökönö o̧'wo̧ 'dibachibö sulabenö ja̧badönö lȩlö̧jinö edo̧, jö̧ba̧lö. Ja̧danö jobadöbi ösödö ba̧kwȩlö̧jatebö ja̧kwawa juna̧ladö batjibakobetjö̧, ötjönö lȩlö̧jinö edinobe Duluwo̧ma.

Juan 14:6

—Ötjödasa Dios ö̧jobekwö 'ya̧kwawa manama— yöawinobe Jesúsma—. Ja̧danö, ötjödasa jweinö yöbawo̧ma jweinö jo̧chobetjö̧. Ja̧danö, ötjödasa ba̧kwȩlö̧jatebö ja̧kwawa iyo̧ma. Ja̧danö, ötjöma Dios ö̧jobekwö 'ya̧kwawa manachobetjö̧, ötjönöda 'yo̧ma Dabe'do Dios ö̧jobekwö ichibakwo̧.

3 Juan 1:12

Ja̧danö, jelo̧ dömöledöso̧ Demetrionö yötawa. Jojodöma ba̧jekwadö jo̧banö otiwanö yötja̧lobe, Demetrioma otiwi̧ jawa ja̧bö jo̧, Dios isabenö ji̧ yöawi̧ a̧ja̧kwo̧, jö̧ba̧lö. Ötjöbi jejenö yöta̧la jo̧banöma, Otiwi̧ jawa ja̧bö jo̧ Demetrioma, jö̧ba̧lö. Ja̧danö, kwöwaisa ötjö yöta̧li̧ma jweinöda yöta̧lobe.

Juan 12:50

Ja̧danö, jo̧ba yötawobö wei̧ma jojodönö ba̧kwȩlö̧jatebö ja̧kwawa tjujuna̧li̧ wene. Jo̧kwaobetjö̧ yötawaduwakwö. Ötjöma Dabe'do Dios wei̧da yöbawo̧sa, jojodönö ba̧kwȩlö̧jatebö ja̧kwawa tjujuna̧li̧ wenema— yöawinobe Jesúsma jojodönö.

Juan 6:40

Ja̧danö ötjö, Dios Itji̧nö tjöwaisachibanö ösödadöma ba̧kwȩlö̧jatebö tjuju̧kwobö ösödobe Chabe'doma. Ja̧danö, 'dö̧ibaji̧ möle badekwachena yemidanö tjetjachajinö chotidobö ösödobe ötjönö webo̧, Chabe'doma—Jesús yöawinobe.

Apocalipsis 22:1

Ikenama ángelma ötjönö ojwe i̧sebijatö. Jödötjö ojwiyoma, ba̧kwȩlö̧jatebö ja̧kwawa ojwiyo. Chedemi jödöma Dios ö̧belö, Obeja Itji̧danö Jo̧ ö̧belö labebö isuwödö. Yelösöda salödö, isa̧yu̧ jwiinö salöayu̧danö.

Apocalipsis 1:2

Ja̧danö, ötjöma biya̧, Dios iwene, Jesucristo i̧sebi̧ jawa wenema wȩyudö wetaduwakwö okobe jwiinö i̧sebi̧ chedi̧ma.

Juan 6:47

Isabenö yötawa. Ötjönö ösödadö, Bitema Dios weinökwe, jö̧ba̧lö, ösödadöma ba̧kwȩlö̧jatebö ja̧kwawa tjujuna̧lakwedö.

Juan 5:21

Ina yöawinobe: —Chabe'do Diosma iteda ösödi̧danö wobajadönö ja̧kwawa iyö, tjetjachajinö otido̧. Ja̧danö, ötjöma Chabe'do Dios otidi̧danö bakwainö otido̧sa. Ja̧danö, ötjöma Chabe'do jojodönö yemidanö tjetjachajinö otidi̧danö otido̧sa, jojodö jejenö tjetjachajobö, ösödö chomukwatawö̧nöma.

Juan 4:36

Ina yöawinobe: —Ja̧danö, bakwo̧, jojodönö Dioskwö tjichibobö öbibo̧ma, batjo junawa 'döbö emo̧danö jo̧, ida̧ökö yȩi̧ wa̧ji̧ 'döbö emo̧danö. Ja̧danö, jo̧ba batjo junawa emo̧ma, emaja̧ iyawö̧ma tjimidobe ¿jö̧tö? Ja̧ tjimidi̧danö, Diosma iteda otiwi̧ jawa iyakobe jojodönö öbibo̧nö, jo̧bakwö tjichibobö öbibo̧nöma. Jobadö öibawö̧ma, ba̧kwȩlö̧jatebö ja̧kwawa tjemakwedö, Dioskwö ichibö. Ja̧danö, ba̧kwȩlö̧jatebö ja̧kwawa tjemiökwe, jobadönö öbibo̧ma o̧'wo̧ ösöwanö ö̧jakwo̧. Ja̧danö, ajayinö Dios iwene yöbawinabi o̧'wo̧ ösöwanö ö̧jakwo̧. Jo̧bama ajayinö önebiya ujuninadanö ajayinö yöawinobe— jejenö yöawinobe—.

Mateo 25:46

Ikenama, jobadö sulabedöma ökwöla nöolabe tji̧'yakwedö, jobetjö Dios lȩebi̧tjö ba̧kwȩlö̧jatebö usula tjemawobö, jo̧kwaijayonö otiwadöma ba̧kwȩlö̧jatebö ja̧kwawobe ja̧nö tji̧'yakwedö— jö̧ba̧lö yöawinobe Jesúsma.

Romanos 5:21

Jau chömöledö, jojodö sulabenö ja̧tji̧ma isabenö juluwinobe, jojodö wotjawinö ja̧bö. Ja̧danö Dios mikwa jwiinö otiwa jawa iyi̧bi juluwi̧, jojodö ba̧kwȩlö̧jatebö tjö̧jakwedö batjibanö ja̧bö. Jau chömöledö, Duluwo̧ Jesucristoda midawö woinobetjö̧, Diosma, ökwödönö mikwa jwiinö otiwa jawa iyö, Chedemi bidöma suli̧ jwibadö, jö̧ba̧lö, ba̧kwȩlö̧jatebö ja̧kwawa iyobe ökwödönöma.

Juan 1:19

Ja̧danö, Judío jojodöma wetjinobe Diostjö jojodötjö ö'weje pjabatadönöbi, jobadö ömöayedö, Levítjö tupadanö jojodönöbi Jerusaléntjö labebö Juan ö̧jobekwö tji̧'yobö, Juan Ojwenö Bu̧dato̧nö abeba̧lö. Wetjinawö̧ 'ya̧jadöma ichibö Juannö abebö tja̧ja̧kwinobe: —Ökwöma ¿tida?

Juan 4:4

'Ya̧jadö Samaria nijinö tjöbaledinobe, Galileabe tjichibobö.

1 Juan 4:10

Chö̧ja̧wo̧dö, Diosma ökwödönö jwiinö ile niebobetjö̧ iteda itji̧nö weinobe ökwödönö dusula dumusidi̧ imidawobö. Jau chö̧ja̧wo̧dö, jejenö Diosma i̧sebinobe inesö ile niekwama. Jejenö Diosma jojodö ile nitjebi̧tjö o̧penönö ile niebi̧ i̧sebinobe. Jau chö̧ja̧wo̧dö, Diosda inesö ile niebi̧ i̧sebo̧ma.