1 Juan 4:21 - Dios Iwene

²¹ Chö̧ja̧wo̧dö, Dios wei̧ma biya̧: Ötjönö ösödö ju̧kwadöma tjö̧ja̧wo̧dökwö ösödabikwawö tjö̧jobö jo̧be. Jo̧kwaobetjö̧ chömöledö, ökwödöma dö̧ja̧wo̧dökwö ösödabikwawö dö̧jaduwo.

1 Juan 4:21 Referans Kwoze

1 Juan 3:11

Ja̧danö chö̧ja̧wo̧dö, ida̧ökö kwa̧ja̧kwinaduwobe, Ökwödö Jesúsnö ösödadöma kwö̧ja̧wo̧dökwö ösödabikwawö kwö̧jaduwo, jö̧ba̧lö. Cristonö ajayinö do̧batö kweminaduwemitjö baikwö ja̧ wei̧ma kwa̧ja̧kwinaduwobe. Chömöledö, ja̧ wei̧ a̧ja̧kwö dö̧jaduwo, dö̧ja̧wo̧dökwö ösödabikwawö.

1 Tesalonicenses 4:9

Chömöledö, Diosma ida̧ökö ökwödönö öba̧ja̧dobe, kwömöledöduwi Jesúsnö ösödadönö ösödabikwawö kwö̧jaduwobö. Ja̧danö, jo̧ba öba̧ja̧di̧danö isabenö okobe deinö kwömöledöduwi kwiteboduwi Macedonia nijinö ju̧kwadönö ösödadöja. Jo̧kwajabetjö̧, Aaa, ja̧ jawa ba̧ja̧dö chiwȩyudo jö̧ba̧löma chomukwatökö chömöledö, ida̧ökö jejenö ja̧bö kwö̧jaduwobetjö̧. Jo̧kwaijayonö, yayonö ökwödönö budekwödanö wedobe chömöledö, jemi tupakwönönö ösödabikwawö kwö̧jaduwo jö̧ba̧lö.

1 Pedro 3:8

Ja̧danö, bajaleapo okobe deinö ökwödönö baikwö yötawa chömöledö: Bakwainö omukwatö, lȩlö̧jinö kwomukwatakwawaduwo. Jau chömöledö, kwömöledöduwinö ösödabikwawö kwö̧jaduwo, ja̧danö, Aaa, otiwo̧sa, jö̧ba̧lö omukwatökönö, dösölö̧jinö ja̧bö kwö̧jaduwo kwömöledöduwinö.

Gálatas 5:14

Jau chömöledö, okobe jwiinö Moisés iwȩyudina jawatjö la'aka baibanö Dios weinama baikwö laebobe: Ökwödada kwösödakwawi̧danö kwömöledönö kwösödo, jö̧ba̧lö laebobe.

Juan 15:12

Ja̧danö, ökwödönö wetaduwakwö. Ötjö ökwödönö ile nitebi̧danö kwömöledöduwinö ile nibekwö kwö̧jaduwo.

1 Juan 3:23

Ja̧danö, Dios wei̧ma dötölataja jawa. Abönö jawa biya̧: Jesucristonö dösödobö weobe, Jesucristoma Dios Itji̧, jwiinö inesö jo̧, jö̧ba̧lö. Ikenama jawa, Dios wei̧ma biya̧: Ökwödöda ösödabikwawö dö̧jobö weobe.

1 Juan 3:14

Ja̧danö chömöledö, Cristotjö dö̧ja̧wo̧dökwö ösödabikwawö dö̧jenama di̧sekwobe, Do̧'wo̧ luwo̧nö balekwedö, 'yabayedöda dö̧jobe, jö̧ba̧lö. Jo̧kwaijayonö Cristotjö ö̧ja̧wo̧dönö ösödökönö, o̧'wo̧ sulinö edo̧ma ina o̧'wo̧ luwo̧nö wobinadanö ö̧jobe.

1 Pedro 4:8

Ja̧danö inesö mikwawi̧ ja̧bö kwö̧jaduwobö yötawaduwakwö chömöledö, jwaikwöda kwömöledö Jesúsnö ösödadönö ösödabikwawö kwö̧jaduwo jö̧ba̧lö. Ja̧ma, ju'wi jayetjö bajalekwönönö inesö mikwawi̧ chömöledö, jejenö ösödabikwawö kwö̧jaduwitjö̧ma, kwömöledö sulabenö ja̧tjaja̧ omukwatökönö jobadönö ösödö kwö̧jaduwakobetjö̧.

Lucas 10:37

Abebö a̧ja̧kwökwe Moisés iwȩyudina ba̧ja̧do̧ma atadinobe: —Chedemi jo̧banö lȩlö̧jinö edinada isabenö ömöledöso̧inobe— jö̧ba̧lö. Yöa̧lökwe, Jesúsma atadinobe: —Jau. Ja̧danö, diteda chömöledöso̧ma, jö̧ba̧lö abebö kwa̧ja̧kwaja̧ atadö, yötawakwö: Jelo̧nö pjakatobö ji̧tjö̧ma, samaritano jojo omukwatinadanö omukwatö pjakatonö, Isabenö bitebi chömöledöso̧, jö̧ba̧lö— atadinobe Jesúsma.

1 Juan 4:11

Ja̧danö, Diosma jejenö ökwödönö jwiinö ile niebinobetjö̧ ökwödöbi dö̧ja̧wo̧dönö ile nibebö dö̧jobö jo̧be.

Gálatas 5:6

Jau chömöledö, Cristo Jesúskwö dötewadö ja̧nö, Dios edemi dötade bajalesado̧ 'wibekwadö dö̧ji̧bi, 'wibekwöködö dö̧ji̧bi mikwawokobe chömöledö, ju'wida mikwawi̧ma. Jau chömöledö, Dios edemi jo̧ba yöawi̧ dösödi̧da mikwawi̧ma, ja̧danö dömöledö Jesúsnö ösödadönö ösödabikwawö ja̧nö di̧sebobe Dios yöawi̧ dösödi̧ma.

1 Juan 3:18

Chö̧ja̧wo̧dö chösödawö̧, sule yöba̧lödama yöda̧laduwoko, Dios ile niebi̧danö dö̧ja̧wo̧dönö ile nibebö dö̧jaduwo, jö̧ba̧löma. Yöba̧lödama yöda̧laduwoko, i̧seböbi di̧sebaduwo, dö̧ja̧wo̧dönö pjabatö do̧'wo̧ luwo̧nö isabenö lȩlö̧jino edö.

Mateo 5:43

Tupakwö yöawinobe Jesúsma: —Yötjawi̧ kwa̧ja̧kwinaduwobe chömöledö, kwömöledö kwipjeanö ju̧kwadönö kwösödo, jo̧kwaijayonö kwöpöjojodönö kwöpöjödo, jö̧ba̧lö yötjawi̧ kwa̧ja̧kwinaduwobe, ¿jö̧tö?

1 Juan 2:7

Chö̧ja̧wo̧dö chösödawö̧, tupakwö yötawobö jö̧ta̧la ökwödöda ösödabikwawö dö̧ji̧ma. Diosma weobe jejenö dö̧ja̧wo̧dökwö dö̧jobö, ösödabikwawö. Ja̧ Dios wei̧ma ida̧ökö kwa̧ja̧kwinaduwobe. Belö Jesúsnö do̧batö kwemaduwinemitjö baikwö, ja̧ Dios wei̧, Ökwödöda ösödabikwawö kwö̧jaduwo, jö̧ba̧lö, kwa̧ja̧kwinaduwobe.