1 Juan 3:6 - Dios Iwene

⁶ Ja̧danö, suli̧ jwibo̧ Cristokwö dötewinö 'yo̧ma sulabenö ja̧bökönö 'yo̧. Jo̧kwaijayonö bakwo̧ Cristonö ösödijayonö sulabenö ja̧bö i̧'yitjö̧ma wajwiena Cristokwö dötewinö ja̧kwawama. Isabenö chö̧ja̧wo̧dö, jo̧ba sulabenö ja̧bö 'yo̧ma o̧'wo̧ luwo̧nö Cristokwö dötewinö i̧'yoböma wajwibo̧. Jo̧bama Cristokwö dötewinö 'yö̧kö̧.

1 Juan 3:6 Referans Kwoze

3 Juan 1:11

Gayo, chöjawo̧ chösödökwe, yötawakwö. Suli̧ jawa ja̧badö tjö̧ji̧danö kwö̧joko. Otiwi̧ jawa ja̧badö tjö̧ji̧danöda kwö̧jo. Otiwi̧ jawa ja̧bö ja̧döma tji̧sekwobe, Ökwödöma Dios i̧tji̧mu babibinadösa, jö̧ba̧lö. Jo̧kwaijayonö suli̧ jawa ja̧bö ja̧döma wainö tji̧sekwobe, Ökwödöma Diosnö wajwibadösa, jö̧ba̧lö. Gayo, otiwi̧ ja̧wa ja̧bö kwö̧jo, dö̧ja̧wo̧dönö pjabatö.

1 Juan 3:9

Chö̧ja̧wo̧dö, Dios Itji̧ babibo̧nöma Dios 'yayi̧ ja̧kwawa iyinökwe. Jo̧bama o̧'wo̧ luwo̧nö balekwo̧, 'yabayo̧da ö̧jökwe, omajade okwanö Dios omukwati̧danö omukwatinö. Ja̧danö, Dioskwö dötewinö 'ya̧nö jo̧ba 'yabayo̧ ö̧ji̧danö jo̧ma suli̧ jawa ja̧okobe.

1 Juan 2:4

Chö̧ja̧wo̧dö, bakwo̧, Ötjöma chöwaisökwe Diosnöma, jö̧ba̧lö, yöa̧lijayonö Dios wei̧ a̧ja̧kwökönö ö̧jitjö̧ma jweinöma yöba̧lö̧kö̧. Omönada yöba̧lo̧. Diosnö wajwibo̧. Jo̧bama o̧'wo̧ luwo̧nö Dios iwene, isabenö ji̧ wenema öpöjödo̧.

1 Juan 4:8

Chö̧ja̧wo̧dö, Diosma jojodönö ile nibeböda jo̧. Jo̧kwaobetjö̧ Diosnö waisadö, jo̧bakwö dötewinö 'ya̧döma, Diosma jojodönö ile nibeböda jo̧, jö̧ba̧lö, tjö̧ja̧wo̧dökwö ösödabikwawö ju̧kwadö. Jo̧kwaijayonö bakwo̧, ö̧ja̧wo̧dönö ösödökönö jo̧ma Diosnö wajwibo̧. ¿Dakwö öwaisena Diosnö ö̧ja̧wo̧dönö ösödökönö ö̧jitjö̧ma? Diosnö öwaisitjö̧ma, Diosma jojodönö ile nibeböda jo̧, jö̧ba̧lö, ö̧ja̧wo̧dönö ösödö ö̧jena.

1 Juan 3:2

Chö̧ja̧wo̧dö chösödawö̧, yötawaduwakwö. Isabenö, ökwödöma Dios i̧tji̧musa. Jo̧kwaijayonö Diosma ökwödönö ina öwawinö i̧sebokobe mölejȩbe ichibö balewachibö dö̧jakwa̧ma. Ina waiya. Wajwidobe ¿dakwö dichejekwakwa̧jö, jö̧ba̧lö? Ja̧danö, domajadenö ¿dakwö omukwatö dö̧jakwa̧jö? jö̧ba̧lö, ina waiya. Jo̧kwaijayonö ja'yubeda döwaisa, biya̧: Cristo yemidanö ichena ökwödöma jo̧badanö babibö dö̧jakwedösa. Ja̧ mölema Cristoma ökwödönö wajuwanö öwawachobetjö̧ jo̧badanö ichejekwadö dö̧jakwedösa.

1 Juan 5:18

Chö̧ja̧wo̧dö döwaisa. Dios i̧tji̧mu babibinadöma suli̧ jawa ja̧bö 'yö̧ködö. Ja̧danö, Dios Itji̧ Jesúsma jobadö Dios i̧tji̧mu babibinadönö Awetjatjö tjöbeba̧lö te'ada̧lo̧, Awetjama jobadönö jelobekwö tjomukwatobö öibökönö.

1 Juan 2:28

Jo̧kwaobetjö chi̧tji̧mu chösödawö̧, ökwödönö yemidanö yötawa. Jwaikwöda tupakwö kwi̧'yaduwo Cristokwö dötewinö. Jejenö kwi̧'yaduwo, Cristo yemidanö ichenama yöka̧laduwakobetjö̧, Chuluwo̧ ökwökwö dötewinö 'ya̧dösa, jö̧ba̧lö. Jejenö Cristokwö dötewinö kwi̧'yaduwobetjö̧ ju'winö jo̧banö kwedaduwena taba jwiinö kwedaduwakwedöja, yemidanö böjȩkwö ichenama.

2 Corintios 3:18

Jo̧kwaijayonö okobe deinö ökwödö Jesúsnö ösödadöma tjöekwado̧ jwibadösa chömöledö, öwaetjöda Dios dejatinö ujulu edadösa. Jau chömöledö, Duluwo̧ salöinö ujulu edadösa, ja̧danö tjöbadekwawöte öwawinö i̧sebi̧danö ja̧ ujulu i̧sebadösa ju'wedönö, jobadöbi tjedakobetjö̧. Ja̧danö ju'wibi chömöledö, Duluwo̧ salöinö ujulu dedenama, Duluwo̧ Dios O̧'wo̧ Luwo̧ma, Duluwo̧danö ichejekwadö badibanö otido̧, jo̧ba salöinö dejatinö juluwo̧danö bakwainö dichejekwakobetjö̧. Jejenö jo̧be chömöledö, jo̧kwajabetjö̧ yödawi̧ wene 'yayi̧ wenema inesö mikwawi̧ jö̧ba̧lö, ja'yubebi salöi̧ dotojoböma omukwatöködösa. Jau chömöledö, jojodö ja̧ salöi̧ öwawinö tjedakobetjö̧, inesö mikwawi̧ wene 'yayi̧ wenema yöbawadösa.

1 Juan 2:3

Chö̧ja̧wo̧dö ¿dakwö ja̧nö di̧sekwobeda döwaisobö, Isabenö ökwödöma Diosnö waisadösa, jo̧bakwö dötewinö 'ya̧jadösa, jö̧ba̧lö? Biya̧ chö̧ja̧wo̧dö: Dios wei̧ a̧ja̧kwö dö̧jobö jo̧be. Jejenö, jo̧ba wei̧ a̧ja̧kwö dö̧jena döwaisa, Isabenö ökwödöma Diosnö waisadösa, jö̧ba̧lö.