1 Juan 3:22 - Dios Iwene

²² Ja̧danö chö̧ja̧wo̧dö, Dios wei̧ a̧ja̧kwö, jo̧ba ösödi̧danö ja̧bö dö̧jobetjö̧, jo̧banö adebena ökwödönö iyobe.

1 Juan 3:22 Referans Kwoze

Juan 15:7

Ina yöawinobe: —Ötjökwö dötewinö ja̧duwi. Jejenö ötjökwö dötewinö ja̧nö, ötjö yötawi̧ kwo̧'wo̧ luwo̧duwinö omukwatö kwö̧jaduwitjö̧ma Chabe'donö akebaduwi̧ma okobe jwiinö a̧ja̧kwö pjabato̧.

Juan 9:31

Ökwödöma döwaisa, sulabenö omukwatö jo̧ aebi̧ma a̧ja̧kwokobe Diosma. Jo̧kwaijayonö, bakwo̧, Diosnö ösödo̧, Dios wei̧ a̧ja̧kwö jo̧ aebi̧ma a̧ja̧kwobe Diosma.

Mateo 21:22

Jau chömöledö, isabenö atebi̧danö iyakwo̧ Diosma jö̧ba̧lö jo̧ba ujulu ösödö akebaduwitjö̧ma, okobe jwiinö akebaduwi̧ma iyakwo̧— jö̧ba̧lö atadinobe.

1 Juan 5:14

Jo̧kwaobetjö̧ chö̧ja̧wo̧dö, ökwödö Jesúsnö ösödadöma ba̧kwȩlö̧jatebö jo̧bakwö dö̧jakobetjö̧ Diosnö yebabökönö abebadösa. Jau, Diosnö yebabökönö abebadösa, Dios ösödi̧danö adebena ökwödönö a̧ja̧kwo̧, jö̧ba̧lö. Chö̧ja̧wo̧dö, isabenö jejenö döwaisa, Diosma jo̧banö adebi̧ a̧ja̧kwo̧, jö̧ba̧lö. Jau chö̧ja̧wo̧dö, döwaisa, Dios ösödi̧danö adebena ökwödönö pjabato̧, adebi̧ma baledobö.

Marcos 11:24

Jo̧kwaobetjö̧ yöta̧laduwakwö, Diosnö yöba̧lö akebaduwena kwomukwataduwo, Jau Diosma isabenö ötjö atebi̧ma a̧ja̧kwö ja̧bo̧, jö̧ba̧lö. Jejenö kwomukwataduwitjö̧ma akebaduwi̧ma ja̧akwo̧ Diosma.

Juan 14:13

Ja̧danö, ökwödö okobe jwiinö ötjönö akebaduwi̧ chiyakwo̧sa, ötjö chiminö akebaduwi̧ma. Jejenö chiyakwo̧sa, jojodöma, ötjö chiyi̧ edö Chabe'do Diosnö tjösödobö.

Proverbios 15:29

Ja̧danö, ju'wibi yötawa: Isabenö Jo̧ma ösödö a̧ja̧kwo̧ Dios wei̧ a̧ja̧kwadö atjeba̧li̧ma. Jo̧kwaijayonö a̧ja̧kwokobe sulabenö omukwatadö jo̧banö atjeba̧li̧ma.

Santiago 1:5

Jo̧kwaijayonö chö̧ja̧wo̧dö, ökwödötjö bakwo̧, wene baledena ¿dakwö chö̧jobö jo̧bejö? jö̧ba̧lö wajwiköbitjö̧ma Diosnö akebobö jo̧be, Dios ösödi̧danö jwaikwö kwi̧'yi̧ kwöwaisobö. Isabenö chö̧ja̧wo̧dö, Diosma okobe deinö jo̧banö abebadönö, Pjatato, jö̧ba̧lö, ösödö pjabato̧. Ja̧danö, Diosma jo̧banö abebo̧nö la'akatjöda jö̧ba̧lö̧kö̧, Sulabo̧ja. Pjatatökö, jö̧ba̧lö. Jo̧kwaobetjö̧ chö̧ja̧wo̧dö, wene baledena jwaikwöda kwi̧'yaduwobö wajwiköbaduwitjö̧ma Diosnö akebaduwobö jo̧be, ökwödönö pjaatobö. Jo̧kwaijayonö akebaduwena Diosnö kwo̧'wo̧duwi wana̧lö akebaduwobö jo̧be, Diosma isabenö pjabato̧, jö̧ba̧lö. Jejenö Diosnö kwo̧'wo̧duwi wana̧lö akebaduwiökwe Diosma ökwödönö pjabato̧. Chö̧ja̧wo̧dö, Diosma pjabatö̧kö̧ jo̧banö o̧'wo̧ wana̧lökönö abebo̧nö, Diosma pjaatenawe, pjaatökena, jö̧ba̧lö, dötölatajanö omukwato̧nöma. Wanedö yötawaduwakwö, Diosnö o̧'wo̧ wana̧lökönö jo̧nö wanedöma: Jo̧bama ojwe balawa loi̧danö jo̧, jwa̧lȩ'epjo dobibajö ojwe nöinö balawa loi̧danö. Jo̧bama jelobekwö, jelobekwö 'yo̧, jwaikwöda 'yö̧könö.

Juan 8:29

Ja̧danö, ötjönö webinama ötjökwö jo̧. Ba̧kwȩlö̧jatebö jo̧ba ösödi̧ ösödö chö̧jobetjö̧, junibö le'dedibö̧kö̧ ötjönö, jo̧dawa'yema— yöawinobe Jesúsma.

Colosenses 1:10

Duluwo̧ ömöledö tjö̧jo jö̧tja̧li̧danö kwö̧jaduwo jö̧ba̧lö. Jau chömöledö, Duluwo̧ ösödi̧danö ja̧bö kwö̧jaduwobö dösöda, ja̧danö okobe jwiinö otiwanö ja̧awa jwaikwöda ja̧bö kwö̧jaduwobö dösöda, ja̧danö tupakwö Diosnö kwöwaisaduwobö dösöda.

Santiago 5:16

Isabenö yötawaduwakwö. Jojodö atjebiökwe pjabato̧ Duluwo̧ma, ö'wöchadönö tjö̧bibajinö pjabatöbi, sulabenö ja̧tji̧ yöbawö lobadö tjusuli̧ söbebö loböbi. Jo̧kwaobetjö̧ chö̧ja̧wo̧dö suli̧ ja̧köbaduwi̧ma yökawakwawaduwo ökwödödada. Ja̧danö, ökwödödada Diosnö akebakwawaduwo kwö̧bibaduwinö pjaatobö. Isabenö, bakwo̧ Dios ösödi̧danö ja̧bö jo̧ma Diosnö aebena, Pjabati, jö̧ba̧lö, Diosma iteda ujulunö pjaatobe.

Juan 6:29

—Dios ösödi̧danö kwö̧jaduwi̧ma biya̧da: Jo̧ba weinökwenö ösödaduwi, Diosma otiwanö weinobe, jö̧ba̧lö. Ja̧da Dios ösödi̧danö kwö̧jaduwi̧ma— atadinobe Jesúsma jojodönöma.

Filipenses 4:18

Jau chömöledö, otiwanö balada kwiyinaduwobetjö̧, otiwanö chujuna̧lobe. Wanedö yötawa: Su̧'bȩ babibö welachibanö chujuna̧lobe ichejekwa. Epafroditoma ökwödö kwiyaduwaja̧ balada ichejebinobetjö̧, okobe jwiinö chujuna̧lobe babema. Ja̧danö, kwiyinaduwama, Diosnö iyawadanö ichejekwinobe chömöledö. Wanedö yötawa: Söinö 'dö̧ekwi̧ iyawadanö ichejekwinobe, ja̧danö ja̧ 'dö̧batö ösödinobe Diosma chömöledö.

Hechos 17:30

¿Kwöwaisaduwiji̧? Diosma lekwe omukwatijökötö jo̧banö wajwibadö sulabenö ja̧tjinama, Ina lȩtebökö, jö̧ba̧lö. Jo̧kwaijayonö babema jejenömaökö. Babema Diosma weobe jojodönö, Sulabenö tjomukwati̧ kabatibö tjöbalewacho, jö̧ba̧lö.

Juan 15:10

Ötjöma Chabe'do wei̧da a̧ja̧kwö chö̧jobetjö̧ jo̧bakwö dötewinö ja̧nö ile nieba'wo okwada jo̧sa, jelobekwö 'yö̧könö. Ja̧danö ökwödöbi. Ötjö weti̧ a̧ja̧kwö kwö̧jaduwitjö̧ma ötjökwö dötewinö ja̧nö niteba'wo okwada kwö̧jaduwena— yöawinobe Jesúsma—.

Mateo 17:5

Pedro ina jejenö yöa̧lonö, ojwiyo'wo dewinö dejata'wo jobadö tjöwamenö öwawachinobe, ja̧danö ja'wotjö̧ iwene ökwöinobe baikwö ökwöi̧ma: —Bitema ötjöda chösödökwe chitji̧, cho̧'wo̧ ösöwanö chedobe jo̧banö. Jo̧banö kwa̧ja̧kwaduwo— jö̧ba̧lö iwene ökwöinobe.

Isaías 1:15

Jo̧kwajabetjö̧, ötjönö abebö kwa̧ja̧kwaduwakobetjö̧, kwömamijuduwi kabebö dekataduwenama, jalachibö jelobekwö edo̧sa, ja̧danö nöinö abeba̧lö ötjönö akebaduwenama, a̧ja̧kwö̧kö̧sa, jojodönö sulabenö kwabö lobajadö, kwömamuduwi̧ tjökwösobu 'yoliwinö kwö̧jaduwobetjö̧.

Proverbios 28:9

Ja̧danö, ju'wibi yötawa: Bakwo̧ Dios wei̧ a̧ja̧kwökötjö̧ma Diosnö aeba̧li̧bi jwiinö öpöjödobe Diosma, omewi̧ jö̧ba̧lö.

Hechos 20:21

Judío jojodönöbi, judío jojodöböködönöbi, bakwaidödanö edö yöbawiachijatö. Sulabe tjomukwati̧ kabatibö tjöbalewacho, jö̧ba̧lö, yöbawiachijatö. Jesúsnö tjösödo jö̧ba̧lö, yöbawiachijatö— yöbawijetö Pabloma.

Diosnö ösödo̧ Job mikwo̧ usula emawina jawa 22:26

Jejenö ja̧köbitjö̧ma, kwo̧'wo ösöwanö Okobe Jwiinö Juluwo̧nö ösödö kwö̧jakwo̧ja, ja̧danö tabakwökönö Dios ö̧jobe mölȩjȩbe edö,

Santiago 4:3

Ja̧danö, Diosnö akebaduwenabi kwujuna̧laduwobö badekwachokobe chö̧ja̧wo̧dö, jweinö omukwatö akebaduwokobetjö̧. Isabenö, ökwödöma ökwödö böjȩ jawa kwösödaduwi̧da omukwatö akebaduwobe. Jo̧kwaobetjö̧ Diosnö akebaduwijayonö kwujuna̧laduwokobe, jelobekwö omukwatö akebaduwobetjö̧, böjȩ jawa kwösödaduwi̧da kwujuna̧laduwobö.

1 Juan 2:3

Chö̧ja̧wo̧dö ¿dakwö ja̧nö di̧sekwobeda döwaisobö, Isabenö ökwödöma Diosnö waisadösa, jo̧bakwö dötewinö 'ya̧jadösa, jö̧ba̧lö? Biya̧ chö̧ja̧wo̧dö: Dios wei̧ a̧ja̧kwö dö̧jobö jo̧be. Jejenö, jo̧ba wei̧ a̧ja̧kwö dö̧jena döwaisa, Isabenö ökwödöma Diosnö waisadösa, jö̧ba̧lö.