1 Juan 2:1 - Dios Iwene

¹ Chö̧ja̧wo̧dö chösödawö̧, böjanö yötawi̧ma, Sulabenö ja̧böma kwö̧jaduwoko, jö̧ba̧lö, yöbawö chiwȩyuda. Jo̧kwaijayonö sulabenö ja̧köbaduwena biya̧ yötawi̧ kwomukwataduwo. Jesucristoma Dios öba a'o jo̧. Jo̧bama jwiinö otiwo̧. Ja̧danö, jo̧bama ökwödönö pjabatö te'ada̧lo̧. Ja̧danö chö̧ja̧wo̧dö, sulabenö ja̧denama Jesucristoma Diosnö aebobe ja̧ sulabenö ja̧daja̧ma söbebö loobö. Ja̧danö, Jesucristoma Diosnö aebiökwe sulabenö ja̧köbaduwi̧ma söbebö loobe.

1 Juan 2:1 Referans Kwoze

1 Timoteo 2:5

Jau, Diosma bakwo̧da, jelo̧ma deobe, ¿jö̧tö? Ja̧danö Diostjö jojodötjö ö'weje pjabato̧ma bakwo̧da, jojo babibina Cristo Jesúsda.

Romanos 8:34

Ja̧danö, ¿bakwo̧bi ö̧jobeji̧, ökwödönö, Bidöma Dios lȩebakwawö̧, jö̧ba̧lö yöawakwo̧ma? ¿Cristo Jesúsda jejenö yöawenaji̧? Yöbawö̧kö̧ chömöledö, Cristoda midawö woinobe, ökwödö dö̧jibobö. Ja̧danö, midawö wobajo̧, woawatjö tjeachajinobe. Ja̧danö, tjebachajo̧, babema Abe'do Dios öwaisobekwöchobe jo̧ jo̧bama. Ja̧danö, öwaisobekwöchobe ja̧nö, Bidönö ötjönö ösödadönö lȩkeba, jö̧ba̧lö webo̧ chömöledö.

Juan 14:6

—Ötjödasa Dios ö̧jobekwö 'ya̧kwawa manama— yöawinobe Jesúsma—. Ja̧danö, ötjödasa jweinö yöbawo̧ma jweinö jo̧chobetjö̧. Ja̧danö, ötjödasa ba̧kwȩlö̧jatebö ja̧kwawa iyo̧ma. Ja̧danö, ötjöma Dios ö̧jobekwö 'ya̧kwawa manachobetjö̧, ötjönöda 'yo̧ma Dabe'do Dios ö̧jobekwö ichibakwo̧.

2 Corintios 5:21

Jau chömöledö, otiwa jawa wenema baikwö laebobe: Cristoma la'akatjöda sulabenö ja̧inököjayonö, Diosma weinobe, ökwödö sulabenö ja̧di̧ma Cristonö baibobö, jo̧bada midawö woobö. Jejenö weinobe chömöledö, ökwödöma Cristokwö dötewanö ja̧nö, Cristonötjö Dios sulabe jwii̧ ökwödöbi dujuna̧lakobetjö̧.

1 Juan 4:4

Chi̧tji̧mu, isabenö ökwödöma Dios i̧tji̧mubedöja. Ja̧danö, ökwödökwö dötewinö jo̧ma Diosda. Ja̧danö, Diosma jwiinö juluwo̧. Böjȩnö ju̧kwadötjö Diosnö öpöjödadö tjuluwo̧ Awetjatjö o̧penönö juluwo̧ Diosma. Chi̧tji̧mu, Diosma ökwödönö pjaatobetjö̧ omöna yöbawadö yötjawi̧ma kwöpöjödinaduwobe, Jweinö yöbawöködö, jö̧ba̧lö. Jejenö kwöpöjödaduwobetjö̧ jobadönö kwujuluwinaduwobe.

1 Juan 3:18

Chö̧ja̧wo̧dö chösödawö̧, sule yöba̧lödama yöda̧laduwoko, Dios ile niebi̧danö dö̧ja̧wo̧dönö ile nibebö dö̧jaduwo, jö̧ba̧löma. Yöba̧lödama yöda̧laduwoko, i̧seböbi di̧sebaduwo, dö̧ja̧wo̧dönö pjabatö do̧'wo̧ luwo̧nö isabenö lȩlö̧jino edö.

1 Juan 3:7

Chi̧tji̧mu, yötawaduwakwö. Isabenö bakwo̧ Dios wei̧ a̧ja̧kwö jo̧ma, sulabenö ja̧bökönö jo̧. Jo̧bama Cristo sulabenö ja̧bökönö ö̧jinadanö sulabenö ja̧bökönö jo̧. Jo̧kwaijayonö ju'wedö jelobekwö omukwatö yötjawobe. Jobadöma ökwödönö sulabenö ja̧köbaduwobö ötjibotö jö̧ba̧lö yötjawobe. Chö̧ja̧wo̧dö, jobadö yötjawi̧ma kwa̧ja̧kwaduwoko. Jobadö jelobekwö omukwatö yötjawi̧ a̧ja̧kwökönö otiwanö ja̧bö kwi̧'yaduwo chö̧ja̧wo̧dö.

Juan 8:11

—Bakwo̧bi deobe, Chuluwo̧— jö̧ja̧liökwe: —Ökwönö lȩebakwawa ötjöbi yötawokobe. Kwejube daji. Yemidanö suli̧ ja̧köboko— weinobe Jesúsma jobujunöma.

Hebreos 9:24

Chömöledö, Cristoma böjȩtjö jojodö tjotidinejutjö jwiinö inesösȩko̧nö teachinokobe. Jo̧bama teachinokobe wanekwachejunö, Dios mölejȩbe inesö ejunö wanekwachejunöma. Cristoma, Dios mölejȩbe inesö ejunöda teachinobe, ökwödönö pjaatobö. Ja̧danö, Dios mölejȩbe inesö eju tebachinama, Dios öba a'o ja̧nö Diosnö aebobe ökwödönöma.

1 Juan 3:5

Ja̧danö kwöwaisaduwa, Cristoma böjȩkwö ichinobe jojodö tjusula tjumusidi̧, Dios jojodönö lȩebobö tjumusidi̧ma imidawobö, jö̧ba̧lö. Jejenö Cristoma imidawinobe jojodö tjusuli̧ma, Dios söbebö loobö. Jau chö̧ja̧wo̧dö, Cristoma suli̧ jwibo̧obetjö̧ jo̧bada jojodö tjumusidi̧ midawinama.

Efesios 2:18

Chömöledö, Jesúsma midawö woinobetjö̧, ökwödö judío jojodönöbi ökwödö judío jojodöböködönöbi, Dios O̧'wo̧ Luwo̧ma, bakwo̧da tebachibö öjamatinawö̧sa. Ja̧danö, bakwo̧da tebachibö öjamatinawö̧dobetjö̧ ökwödöma okobe deinö Dabe'do Diosnö abebadösa.

Juan 6:27

A̧ja̧kwaduwitjö, wanedö yötawi̧ma: Ökwödöma 'dö̧ibaji̧ kwakwawada kwukwaduwobö omukwatö kwö̧jaduwobe. Jo̧kwaijayonö yötawaduwakwö. 'Dö̧ibajökö jawa kwakwawa kwujuna̧laduwobö omukwatö kwö̧jaduwo. Ja̧ 'dö̧ibajökö kwakwawama ba̧kwȩlö̧jatebö ja̧kwawa iyi̧ kwakwawa. Ja̧ kwakwawa iyo̧ma ötjöda, jojo baibanö jeminökweda. Jau, ötjödasa ba̧kwȩlö̧jatebö ja̧kwawa iyo̧ma, Chabe'do Dios jejenö chiyobö ösödö ötjönö weinobetjö̧— yöawinobe Jesúsma jobadönöma.

1 Pedro 3:18

Jau chömöledö, Diosma isabenö ökwödö usula kwemawaduwobö weena, baikwö yötawa: Duluwo̧ Cristo usula emawobö weinobe, ¿jö̧tö? Ja̧danö Duluwo̧ Cristo usula emawobö ji̧natjö̧ma, ¿ökwödö usula demawobö jwienaji̧? Jȩna chömöledö. Jau chömöledö, sulabe dujuna̧li̧ imidawo jö̧ba̧lö, Cristoma bakwötanöda midawö woinobe, okobe deinö tjusula midawö. Sulabe jwibo̧da midawö woinobe chömöledö, ökwödö dusula juna̧ladö Dioskwö dichibobö ja̧bö. Jau chömöledö, iteba'oma kwabö lotjinobe, jo̧kwaijayonö Diosma o̧'wo̧ luwo̧nö 'yaibajinö ja̧inobe.

Efesios 4:26

Ja̧danö, chömöledö, kwo̧'wo̧ sulachibaduwenama sulabenö ja̧köbaduwoko. Lekwema kwo̧'wo̧ kwusulawaduwa. Yi̧ibakwa̧ abönö kwo̧'wo̧ sökibaduwo kwo̧'wo̧ suladuwi̧ma.

Gálatas 4:19

¡Ökwödö pebadö chi̧tji̧mudanöbedöwe! Wanedö yötawa chömöledö: Jitji̧nö jemakwuju jitji̧nö jemakwa̧ abönö usula jemawi̧danö, ötjöma ökwödönö omukwatö chi̧tji̧muwe jö̧ba̧lö yemidanö usula chemawobe chömöledö, Cristo omukwati̧danö omukwatadö bakibaduwenanö kabatö.

Juan 10:15

Jejenö ötjökwö, Chabe'dokwö jo̧be. Ötjö Chabe'doma ötjönö öwaisobe, ja̧danö, ötjöma Chabe'donö chöwaisobe. Ja̧danö, ötjöma cha̧jwi̧mu o̧bȩja̧dö tjö̧jibinö ö'wöchö midawö lotakwo̧sa.

Juan 5:36

Ina yöawinobe: —Ja̧danö, Juan Ojwenö Bu̧dato̧ma ötjönö jweinö yöawijayonö ju'wi jawa Juan yöawi̧nötjö o̧penönö yöawobe ötjönöma, jojodö tjöwaisachibanö i̧sebö. Ötjö Chabe'do ujulunö chi̧sebi̧ jawada yöawobe ötjönöma, Bitema Dios weinökwe, jö̧ba̧lö. Ja̧ chi̧sebi̧ma Chabe'do weinobe, iteda ujulunöda chi̧sebobö.

Lucas 10:22

Ikenama Jesúsma yöawinobe: —Chömöledö, Chabe'doma okobe jwiinö ötjönö iyajabe, la'aka luwo̧ batibanö. Ötjönö Dios itji̧nö isabenö waiso̧ma bakwo̧da chömöledö, Chabe'do Diosda, ja̧danö Chabe'do Diosnö isabenö waiso̧ma sule ötjö Dios Itji̧da, ja̧danö ötjöda chösödi̧danö chi̧sebawö̧da— jö̧ba̧lö yöawinobe Jesúsma.

1 Pedro 2:22

Jo̧bama usula emawijayonö la'akatjöda sulabenö ja̧inokobe, ja̧danö la'akatjöda omöna yöa̧linokobe.

1 Corintios 15:34

Sulabenö ja̧köbaduwi̧ kabatibö, tjekachajaduwo chömöledö, yemidanö jweinö kwomukwataduwo jö̧ba̧lö. Isabenö yötawaduwakwö chömöledö, ökwödötjö ju'wedöma Diosnö wajwibadöja chömöledö, ja̧danö jo̧banö wajwiköbaduwobetjö̧, kwötabakwaduwobö jo̧be.

Juan 5:14

Jemi ikenama, Jesúsma, Dios eju okwa tebachajo̧, öbadekwajinobe otidö loajökwenöma. Ja̧danö, jö̧a̧linobe jo̧banö: —A̧ja̧kwitjö. Babema otiwanö bakibajabe. Ja̧danö, sulabenö ja̧bö kwö̧ji̧ma kabatibi, ju'wi suli̧ jawa, o̧penönö suli̧ jawama ökwönö baibapji jö̧ba̧lö— jö̧a̧linobe Jesúsma.

Santiago 1:27

Ja̧danö, Dios, ökwödö Dabe'do Diosma ¿dakwö yöawobeda, Biya̧ ötjönö inesö kwösödaduwi̧ kwi̧sekwaduwi̧ma, jö̧ba̧lö? Biya̧ chö̧ja̧wo̧dö, Diosnö jwiinö inesö dösödi̧ma: Usulasedönö, tjabe'do tjojo'do debadönöbi, tjilekwe wotjinawö̧nöbi pjadatobö jo̧be, usula tjemawena. Ju'wi jawabi chö̧ja̧wo̧dö, biya̧: Böjȩnö ju̧kwadö sulabenö ja̧tji̧tjö 'da̧bachibö dö̧jobö jo̧be, ja̧ suli̧kwö pjabacha̧lökönö. Jejenö kwö̧jaduwo chö̧ja̧wo̧dö, Dios kwö̧jaduwobö ösödi̧danö, jo̧ba iwene ösödinö a̧ja̧kwö.

1 Juan 5:21

Chösödawö̧, chi̧tji̧mu ötabiwö̧, yötawaduwakwö, Bakwo̧da, jö̧ba̧lö. Diosnö ösödöda kwuju̧kwaduwo. O̧'wo̧ jawa, tjo̧'wo̧ tjöwana̧li̧ tjotidinama kwösödaduwoko. Diosnöda ösödö kwuju̧kwaduwo chö̧ja̧wo̧dö. Tjo̧wi̧, biya̧da yöbawö chiwȩyuda.

Santiago 3:9

Chö̧ja̧wo̧dö, ju'wikwenama dinenenö Duluwo̧ Dios, mölejȩbe jo̧ Dabe'donö dösödobe ¿jö̧tö? Jo̧kwaijayonö ju'wikwenama bakwanenö dinenenöda dömöledönö labinö, jwiinö sulabenö, jwöbeba̧lö yöda̧lobe. Chö̧ja̧wo̧dö, jobadöma Dios itedadajayedö otidinawö̧. Isabenö jejenö sulabenö yöda̧lobö jwiobe chö̧ja̧wo̧dö, jojodöma Dios itedadajayedönö otidinawö̧tjobetjö̧.

Romanos 6:15

Jau chömöledö, Diosma mikwa jwiinö otiwa jawa iyö, suli̧tjö dö̧jibanö ja̧inobe, ¿jö̧tö? Ja̧danö, okobe jwiinö Moisés iwȩyudina ja̧bö kwö̧jaduwo, jö̧ba̧lö weinokobe, ¿jö̧tö? Jo̧kwajabetjö̧, ¿dakwö ja̧dakwa̧da chömöledö? Okobe jwiinö Moisés iwȩyudina ja̧bö kwö̧jaduwo, jö̧ba̧lö weinokobetjö̧, ¿jwaikwöda sulabenö ja̧bö dö̧jenaji̧ chömöledö? Jejenömaökö chömöledö.

Juan 13:33

Ina yöawinobe: —Chösödawö̧, ökwödökwö chö̧ji̧ma lekwökö. Chȩwa̧jocha. Chȩwa̧jabe okobema ötjönöma isakwö kwöbadekwajaduwökakobe. Belö yötawijatö la'aka luwedönö, Ötjö chi̧'yakwa̧ma kwi̧'yaduwoböma jwiobe, jö̧ba̧lö. Jejenö yötawa ökwödönöbi. Kwi̧'yaduwokobe chȩwa̧jobema.

1 Timoteo 3:14

Timoteo, chedemi juluwanö chi̧'yena, kwö̧jobe Éfesobema, jo̧kwaijayonö, juluwanö chi̧'yobö chomukwatijayonö, ina biya̧ jawa chiwȩyudobe.

Juan 21:5

Ja̧danö, Jesús, so̧bi̧ya̧pu̧ ö'öbö jo̧ma jobadönö jwöinobe: —Chi̧tji̧mu ¿ba̧i̧ jwoköbaduwaji̧?— abebö a̧ja̧kwiawö̧: —Jwodijökötö. Deatö— tjatadinobe.

Juan 14:16

Ja̧danö, ökwödö ötjönö ösödadönöma, Chabe'donö atebocha jelo̧ Pjabato̧nö weobö, ötjö chȩwa̧jabe okobe balekwo̧nö. Jo̧ba pjabato̧ma ökwödökwö ba̧kwȩlö̧jatebö ö̧jakwo̧.

Hechos 7:52

Da'dödöminema, Dios yöawi̧ yöbawinadönö sulabenö ja̧tjinobe. Bakwo̧bi deobe sulabenö ja̧tjinökökwema. Dioskwö wene jwibo̧ ichakwa̧ yöbawinadönöbi kwabö lobijadötö. Babema ökwödöma da'dödöminema Dios yöawi̧ yöbawinadönö sulabenö ja̧tji̧danö ökwödöbi ja̧köbaduwijatö. Ja̧danö, ökwödöma Dios yöawi̧ yötjawinökwenö sulabenö iyö loköbaduwijadötö tjö'wötobö webö.

Romanos 5:10

Weökakobe chömöledö. Baikwö yötawa: Dios öpöjojodö dö̧jayi, Dios i̧tji̧ma midawö woinobe, Dios ömöledö badibanö ja̧bö, ¿jö̧tö? Jau chömöledö, Jesúsma ökwödö sulabedönö, jo̧banö öpöjödadönö pjaatinobe. Ja̧danö, jejenö jo̧banö öpöjödadönö pjaatinobema, ¿iteda ömöledönö pjaatökenaji̧? Babema woina tupakwö, woawatjö yemidanö tjeachajinobema, ¿pjaatökenaji̧? Pjaatena chömöledö. Jemi tupakwöda pjabato̧ chömöledö iteda ömöledönöma, Dios lȩebakwa̧tjö ja'yubebi demapji jö̧ba̧lö.

1 Juan 5:17

Isabenö okobe jwiinö suli̧ma Dios wei̧ a̧ja̧kwökönö ji̧. Jo̧kwaijayonö bakwo̧, suli̧ ja̧ijayonö Diosnö kabatibö̧kö̧ma o̧'wo̧ luwonö wobinadanö wobö̧kö̧. Isabenö, jo̧banö Diosnö adebobö jo̧be chö̧ja̧wo̧dö. Jo̧kwaijayonö Diosnö öpöjödö kabatibö 'yo̧ma jwiinö sulabenö ja̧bö jo̧, o̧'wo̧ luwo̧nö wobinada. Chö̧ja̧wo̧dö, jo̧banöma Diosnö adeboko.

3 Juan 1:4

Isabenö chi̧tji̧mu, Dios isabenö ji̧ iwene a̧ja̧kwö tji̧'yobe, jö̧ba̧lö, yötjawi̧ cha̧ja̧kwena cho̧'wo̧ ösöwanö chö̧jobe. Jejenö cho̧'wo̧ ösöwanö chö̧jemitjö o̧penönö cho̧'wo̧ ösöwanö chö̧joböma jwiobe.