1 Juan 1:10 - Dios Iwene

¹⁰ Chö̧ja̧wo̧dö, Dios iwenetjö baikwö laebobe, Okobe deinö jojodöma sulabenö ja̧badö, jö̧ba̧lö. Ja̧danö döwaisa, Diosma omöna yöba̧lökö, jö̧ba̧lö. Diosma jö̧a̧linobe, Okobe deinö jojodöma sulabenö ja̧badö ¿jö̧tö? Jo̧kwaobetjö̧ ökwödötjö bakwo̧, Ötjöma sulabenö ja̧bö̧kö̧sa, jö̧ba̧lö, yöba̧lo̧ma, o̧'wo̧ luwo̧ okwanö Diosnö sulabenö omukwatobe, Diosma omöna yöba̧lo̧, jö̧ba̧lö. Ja̧danö, jo̧bama Dios iwenebi öpöjödö sulabenö omukwatobe.

1 Juan 1:10 Referans Kwoze

1 Juan 1:8

Chö̧ja̧wo̧dö, ökwödöma okobe deinö sulabenö ja̧bö ja̧dösa ¿jö̧tö? Bakwo̧, Ötjöma sulabenö ja̧bö̧kö̧sa, jö̧ba̧lö, yöa̧litjö̧ma ¿jweinö omukwatö yöba̧lo̧ji̧? Jelobekwö omukwato̧. Isabenö chö̧ja̧wo̧dö, jo̧bama iteda omukwati̧da öibökwe. Ja̧danö, jo̧bama o̧'wo̧ luwo̧ okwanö Dios iwene, isabenö ji̧ wenema öpöjödobe. Isabenö chö̧ja̧wo̧dö, jo̧ba, Sulabenö ja̧bö̧kö̧sa, jö̧ba̧lö, yöba̧lo̧ma iteda omukwati̧da omukwatobetjö̧ Dios isabenö ji̧ yöawi̧ma öpöjödo̧.

1 Juan 5:10

Ja̧danö chö̧ja̧wo̧dö, Jesúsnö ösödo̧, Jesúsma Dios Itji̧, jojodö tjö̧jibinö pjaatobö weinökwe, jö̧ba̧lo̧ma öwaisobe o̧'wo̧ luwo̧nö, Diosma jweinö yöawinobe Itji̧nöma, jö̧ba̧lö. Jo̧kwaijayonö Dios yöawi̧ öpöjödo̧ma, Diosma omöna yöbawo̧, jö̧ba̧lö, yöa̧lobe, Dios iteda Itji̧nö yöawina öpöjödobetjö̧.

1 Juan 2:4

Chö̧ja̧wo̧dö, bakwo̧, Ötjöma chöwaisökwe Diosnöma, jö̧ba̧lö, yöa̧lijayonö Dios wei̧ a̧ja̧kwökönö ö̧jitjö̧ma jweinöma yöba̧lö̧kö̧. Omönada yöba̧lo̧. Diosnö wajwibo̧. Jo̧bama o̧'wo̧ luwo̧nö Dios iwene, isabenö ji̧ wenema öpöjödo̧.

2 Juan 1:2

Jau chö̧ja̧wo̧dö, Dios isabenö ji̧ iwenema do̧'wo̧ luwo̧nö jo̧betjö̧ ökwödönö öbibö pjaatobe dö̧ja̧wo̧dönö ile nidebobö. Babebi ba̧kwȩlö̧jateböbi ja̧ Dios isabenö ji̧ iwenema do̧'wo̧ luwo̧nö jo̧be, ökwödönö pjabatö.

1 Juan 2:14

Ja̧danö böjanö yötawa ökwödö kwo̧'wo̧ luwo̧duwi okwanö da̧peachadönö, Isabenö ökwödöma Jesús, la'akatjöda ji̧nanö waisadöja, jö̧ba̧lö. Ja̧danö, böjanö yötawa ökwödö möayedö tjujuluwi̧danö kwo̧'wo̧ luwo̧duwi okwanö juluwadönö, Juluwadöja, jö̧ba̧lö. Ja̧danö yötawa, Dios yöawi̧ kwo̧'wo̧ luwo̧duwi okwanö ösödö 'ya̧döja, jö̧ba̧lö, böjanö wȩyudö. Ja̧danö, ökwödö juluwadönö yötawa, Sulabo̧ Awetjanö juluwinadöja, jö̧ba̧lö. Jau chi̧tji̧mu, ökwödönö yöbawö pjabatö chiwȩyuda böjama, tupakwö kwujuluwachibaduwobö.

Diosnö ösödo̧ Job mikwo̧ usula emawina jawa 24:25

Isabenö yötawaduwakwö chömöledö, yöta̧laja̧danö jo̧be. Yöta̧laja̧ a̧ja̧kwö, –Omöna yöba̧lo̧ Jobma, –jö̧ba̧lö kwomukwataduwitjö̧ma, omöna yöta̧laja̧ma diyajö jö̧ba̧lö kwi̧sȩbaduwo. Chedemi bakwo̧bi deobe, –Jobma omöna yöba̧lo̧, yöa̧li̧ma mikwawökö ji̧, –jö̧ba̧lö i̧sȩbakwo̧ma, isabenö jweinö yöta̧lobetjö̧, —jö̧ba̧lö yöa̧linobe Jobma.

Colosenses 3:16

Chömöledö, Cristo jawa wene kwomajadeduwinö omukwatö kwö̧jaduwo, jo̧kwajabetjö̧ waisanö yökawakwawaduwo, ja̧danö waisanö kwöba̧ja̧dakwawaduwo kwömöledöduwikwö. Ja̧danö otiwanö pjabato̧ja jö̧ba̧lö, Diosnö ösödö lo̧köbaduwo, Salmos jawa lo̧awabi, Jesús jawa lo̧awabi, Dios O̧'wo̧ Luwo̧tjö öba̧ja̧di̧ lo̧awabi.

1 Juan 4:4

Chi̧tji̧mu, isabenö ökwödöma Dios i̧tji̧mubedöja. Ja̧danö, ökwödökwö dötewinö jo̧ma Diosda. Ja̧danö, Diosma jwiinö juluwo̧. Böjȩnö ju̧kwadötjö Diosnö öpöjödadö tjuluwo̧ Awetjatjö o̧penönö juluwo̧ Diosma. Chi̧tji̧mu, Diosma ökwödönö pjaatobetjö̧ omöna yöbawadö yötjawi̧ma kwöpöjödinaduwobe, Jweinö yöbawöködö, jö̧ba̧lö. Jejenö kwöpöjödaduwobetjö̧ jobadönö kwujuluwinaduwobe.

Diosnö ösödo̧ Job mikwo̧ usula emawina jawa 15:14

—Job, –Dios öba a'otjö sulabenö ja̧bö̧kö̧sa, –jö̧ba̧lö yöka̧lajabe, jo̧kwaijayonö ja̧maökö, baikwö yötawa: Jojodötjö bakwo̧bi usula jwibo̧ ö̧jenaji̧? Ya̧dö tjemawö̧tjö bakwo̧bi bakwainö otiwanö ja̧bö jo̧ ö̧jenaji̧? Deobe, la'akatjöda Job.

Juan 3:33

Jo̧kwaijayonö jojodötjö ju'wedöma jo̧ba yöawi̧ a̧ja̧kwö tjösödobe, Jweinö yöbawo̧, chösödökwe, jö̧ba̧lö. Jobadöma, Dios isabenö jo̧, jö̧ba̧lö, yöbawadö.