1 Crónicas 4:9 - Dios Iwene

⁹ Ja̧danö Juda itji̧mu tupadanö jojodötjö bakwo̧ma Jabes mikwo̧, ja̧danö okobe deinö ju'wedö yöne ömöledötjö bajalekwönönö otiwanö tjomukwatökwe ö̧jinobe Jabesma. Jabes ojo'do jo̧banö jemenama, nöinö inia tjöjinobe, jo̧kwajabetjö̧ jemajökwenö Jabes jö̧ba̧lö jimidinobe, inia tjöawa, jö̧ba̧lö.

1 Crónicas 4:9 Referans Kwoze

Hechos 17:11

Ja̧danö, Bereanö ju̧kwadö judío jojodöma, Pablo yöawi̧ a̧ja̧kwö ösödö a̧ja̧kwijadötö. Jobadöma Tesalónicanö ju̧kwadö judío jojodötjö o̧penönö ösödö a̧ja̧kwijadötö. Jobadöma tjo̧'wo̧ ösöwanö, Da̧ja̧kwobö jö̧da̧la, jö̧ba̧lö, a̧ja̧kwijadötö Dios iwenema. Ju'wi möle jwiinö tja̧ja̧kwaja̧ ikenama, Dios iwene, damötjö tjiwȩyudina waisachö eda̧lijadötö, Pabloma Dios iwene yöawi̧da jweinö yöbawo̧, jö̧ba̧lö.

1 Samuel 4:21

Ja̧danö, jitji̧nö jimidinobe Icabod jö̧ba̧lö, —Dios dejatinö ujuluma israel nijitjö tjo̧wi laebajabe, —jö̧ba̧lö. Dios iteapjo filisteo jojodö do̧tjataja̧ omukwatö, ja̧danö jöjaba ö'wö baibaja̧ omukwatö, ja̧danö jilekwe ö'wö baibaja̧ omukwatö, jejenö Icabod jö̧ba̧lö jitji̧nö jimidinobe.

Génesis 34:19

Ikenama Shequem Dinanö jwiinö ösödobetjö̧ Jacob i̧tji̧mu̧ ömadö atjebi̧ a̧ja̧kwobö jö̧ba̧lijetö te'ada̧lökönö. Ja̧danö abe'do Hamorma ba̧kwȩlö̧jatebö ja̧biabijetö itji̧ Shequem aebi̧ma. Ju'wedö ömöledö atjebi̧ ja̧emitjö̧ o̧penönö ja̧bijetö Hamorma itji̧ Shequem aebi̧ma, ba̧kwȩlö̧jatebö.

1 Crónicas 7:23

Jemi ikenama, Efrainma yemidanö ilekwokwö ö̧jinobe, ja̧danö metu'wo bajibinobe. Metu'wo babibaju, jitji̧nö jeminobe, ja̧danö jemajökwenö Beria jö̧ba̧lö imidinobe Efrainma, ömöledösasoma nöinö wene tjöbaledinobetjö̧.

Génesis 35:18

Jo̧kwaijayonö Raquelma ö'wö bajiboböma lekwokobetjö ökömakwö jo̧'wonö emö jitji̧nö midijotö Benjoni, jö̧ba̧lö. Benjoni jö̧ba̧löma, ötjö chitji̧ cho̧'wo emawö chemajökwe, jö̧ba̧lö wanekwachobe. Jo̧kwaijayonö Jacobma jo̧banö midijetö, Benjamin, jö̧ba̧lö, waisamunö ja̧nö chitji̧, jö̧ba̧lö wanekwachö.

Génesis 3:16

Ikenama isujunö jö̧ba̧lijetö: —Kwi̧tji̧munö kwemenama jwiinö niinö usula kwemawakwujuja. Ja̧danö kwilekwenö webujudanö kwö̧jo jö̧ka̧lijayinö iteda ökwö kwuluwo̧ baibanö ö̧jakwo̧— jö̧ba̧lijetö Isabenö Jo̧ Diosma.

Isaías 43:4

Jau chömöledö israel jojodö, ökwödönö otiwanö omukwatö, jwiinö ile nitebawö̧ja, —Chömöledö Israel jojodöma nöinö mikwawadö, —jö̧ba̧lö. Jo̧kwajabetjö̧ ökwödöda kwö̧jibaduwakobetjö̧, balekwedönö iyö lobo̧sa, jelesokwena jojodö balekwedö batjibanö iyö lobo̧sa ökwödöda kwö̧jibaduwakobetjö̧.

1 Crónicas 4:8

Cos mikwo̧nöbi. Cosma Anub mikwo̧bi, Zobeba mikwo̧bi tjabe'doinobe, ja̧danö ju'wibi Harum itji̧ Aharhel mikwo̧ itji̧mu tupadanö jojodötjö ajayinö ji̧nama, jo̧ba Cosda.

1 Crónicas 4:10

Jo̧bada Israel jojodö tjösödökwe Diosnö abebinama: —Chuluwo̧ Dios, otiwanö pjakatobö atebakwö, ja̧danö chitebo jalobe baibanö pjakatobö atebakwö. Okobe jwiinö otidö chö̧ji̧ma, bakobe ötjökwö kwö̧jobö atebakwö, ja̧danö okobe jwiinö wene chöbaledi̧tjöbi, inia tjöbö chö̧jitjöbi chö̧jibanö pjakatobö atebakwö chuluwo̧, —jö̧ba̧lö. Ja̧danö, jobekwö aebökwe, aebaja̧danö Jabesnö pjaatinobe Diosma.

Proverbios 23:25

Jo̧kwaobetjö̧ chitji̧, otiwanö omukwatö kwö̧jo, ötjö kwabe'do, ja̧danö kwojo'do do̧'wo̧ ösöwanö dö̧jakobetjö̧. Jao, ökwönö eminujuma jwiinö jo̧'wo̧ ösöwanö jö̧jakwuju otiwanö omukwatö kwö̧jobetjö̧.