1 Crónicas 3:16 - Dios Iwene

¹⁶ Ja̧danö Joacim itji̧muma Jeconias mikwo̧bi, Sedequias mikwo̧bi.

1 Crónicas 3:16 Referans Kwoze

Mateo 1:11

Josíasma Jeconías mikwo̧bi, Jeconías ö̧ja̧wo̧döbi tjabe'doinobe. Jobadö tjö̧jinenama, Babilonia jojodöma Israel jojodönö kwakwabö tjujuluwinobe, ja̧danö tjujuluwajawö̧nö Israel nijitjö latjebinobe, ja̧danö Babilonia nijibe öbibö tjȩwa̧jinobe.

2 Reyes 24:6

Ja̧danö, Joacimma ö'wö baibinobe, ja̧danö Joacim webö̧ ö̧jinemi, itji̧ Joaquinma Juda la'aka luwo̧ baibinobe.

2 Reyes 24:17

Jobadönö öbibö ȩwa̧jinobe Babilonia la'aka luwo̧ Nabucodonosorma, ja̧danö Joaquin webö ö̧jinemi, Joaquin abe'do ö̧jawo̧ Matanias mikwo̧nö ujuninobe, Juda la'aka luwo̧ baibanö. Ju'wibi, Matanias imi balewö lobö, ju'wi imi imidinobe Nabucodonosorma, Sedequias jö̧ba̧lö.

2 Reyes 24:8

Juda la'aka luwo̧ baibenama, dieciocho o̧biya ujuna̧linobe Joaquinma, ja̧danö sule jawo̧dö wamedukwa baledibanö, Jerusalen comunidadnö ja̧nö webö ö̧jinobe. Joaquin ojo'doma, Jerusalen jojo Elnatan itjiju Nehusta mikwuju.

1 Crónicas 3:15

Ja̧danö Josias itji̧muma bidö: Abönö pöe Johanan mikwo̧, ikena jojo Joacim mikwo̧, ikena jojo Sedequias mikwo̧, ikena jojo Salun mikwo̧.

2 Reyes 25:27

Babilonia nijibe öibökwe, treinta y siete o̧biya baledibanö ka̧lena ö̧binobe Juda la'aka luwo̧ Joaquinma. Ja̧danö, jobe ka̧lena ö̧bonö, ida̧ökö treinta y seis o̧biya baledibanö ida̧ökö ö̧benama, Evil-merodac mikwo̧ma Babilonia la'aka luwo̧ baibinobe. Evil-merodacma lelö̧jinö edinobe Juda la'aka luwo̧ Joaquinnö, ja̧danö webö ö̧ji̧ ajayi o̧banö, ka̧lena ba̧kwawejutjö laebinobe Joaquinnö. Ja̧ baledina mölema, jelemutjö̧ du̧ju̧taja jawo̧ ötjabökwenö, veintisiete jawa möle, Evil-merodacma ka̧lenatjö laebinobe Joaquinnö.

1 Crónicas 3:17

Babilonia jojodö do̧batö, tjitebobe ötjibinökwe Jeconias itji̧muma bidö: Salatiel mikwo̧bi,