1 Crónicas 3:1 - Dios Iwene

¹ La'aka luwo̧ David itji̧mu, Hebron comunidadnö ö̧jayi ilekwamu tjeminawö̧ma bidö: Abönö pöe Amnon mikwo̧ma, David ilekwo jezrelita jojosuju Ajinoan mikwuju jeminökwe. Ikena jojo Daniel mikwo̧ma, Carmel jojosuju Abigail mikwuju jeminökwe.

1 Crónicas 3:1 Referans Kwoze

Josué 15:56

Jezrel comunidadbi, Jocdeán comunidadbi, Zanoa comunidadbi,

2 Samuel 13:29

Ja̧danö, weawö̧, weaja̧danö ja̧tjinobe, Amnonnö kwabö lotjinobe. Ja̧danö, jejenö kwabö lotjiawö̧, okobe deinö ju'wedö La'aka luwo̧ David itji̧muma, tjajwikwena kabayu wanö, dötjibajinobe.

2 Samuel 13:1

Bakwuju David itjiju Tamar mikwuju jö̧jinobe, David itji̧ Absalon öjawuju, jwiinö otiwujuma. Ja̧danö ina i̧so̧kwö jö̧kuju jö̧jinobe Tamarma. Ja̧danö, David itji̧ Amnon mikwo̧ma, öjawuju Tamar mikwujunö ösödinobe, otiwuju, isujunö 'da̧towe jö̧ba̧lö. Kabatökönö jobujukwö ö̧jobö omukwatinobe, dakwö chöjawujukwö chö̧jakwajö jö̧ba̧lö, ja̧tjö 'dö̧achi̧ baibenanö kabatö.

1 Samuel 27:3

Ja̧danö, jemi tupakwö Davidma filisteo jojodötjö la'aka luwo̧ Aquis mikwo̧kwö ö̧jinobe Gat comunidadtjö, Davidbi, ilekwamu jezreel jojosuju Ahinoambi, Nabal wobö ujunibinoko Carmel jojosuju Abigailbi. Ja̧danö David ömöayedöbi, tjömöledökwena jobe Gatnö tjö̧jinobe.

1 Crónicas 2:55

Ju'wibi Jabes comunidadnö wȩyukwawa otidadö sasokwena jojodö tjö̧jinobe, bidö: Tirateos jojodöbi, simeatoeos jojodöbi, sucateos jojodöbi. Jobadöma Recab jojodötjö ajayinö ji̧na Jamat itji̧mu tupadanö jojodö, ja̧danö quenitas jö̧ba̧lö ötjabawö̧.

1 Crónicas 3:2

Ikena jojo Absalon mikwo̧ma, David ilekwo Gesur niji la'aka luwo̧ Talmai itjiju Maaca mikwuju jeminökwe. Ikena jojo Adonias mikwo̧, David ilekwo Haguit mikwuju jeminökwe.

1 Crónicas 28:5

Ja̧danö, Isabenö Jo̧ma ötjönö iyinobe, chi̧tji̧mu ba̧jȩkwadönö 'yatebobö chömöledö, ja̧danö okobe deinö chi̧tji̧mutjö, bakwo̧nöda, Salomonnöda omudawö ujuninobe Isabenö Jo̧ma, chö̧jajemi Salomonda Isabenö Jo̧ ömöledö Israel jojodötjö inesö la'aka luwo̧ ö̧jakobetjö̧.

2 Samuel 3:1

Ja̧danö, lekwe möle Saulmine ömöledökwö, David ömöledökwö ölakwabikwawa ji̧nobe. Ja̧danö, tjölakwabikwawonö, tupakwönönö ujuluwachibinobe Davidma, jo̧kwaijayonö Saulmine ömöledöma tupakwönönö tjime'dawachibinobe.

2 Samuel 5:13

Hebrontjö labebö, Jerusalen comunidadnö ö̧jobö i̧'yinobe Davidma, ja̧danö Jerusalennö ja̧nö Davidma ju'wedö ilekwamunöbi eminobe, ja̧danö ajayitjö bajalekwönönö ba̧jȩkwadö i̧tji̧mu ömadönöbi ya̧dönöbi 'yaebinobe Jerusalentjö.