1 Crónicas 20:3 - Dios Iwene

³ Ja̧danö, okobe deinö Raba comunidad jojodönö iteda ömöayedö batjibanö ujuninobe, ja̧danö 'diinö tjotidobö weinobe. Towi ötebiya löawakakwöbi, picokwöbi, o̧tomo'akwöbi, 'diinö tjotidobö weinobe. Jejenö weinobe Davidma, amonita jojodö tjitebo ba̧kwemeachibanö, tjitebo comunidadkwena ju̧kwadönö. Ja̧danö, amonita jojodönö juluwajo̧, Davidbi, okobe deinö ömöayedö ölakwabikwawa jojodöbi Jerusalenbe tjȩwa̧jinobe.

1 Crónicas 20:3 Referans Kwoze

1 Reyes 9:21

Ja̧danö, jobadö tji̧tji̧mu tupadanö jojodönöda iteda wei̧ 'dii̧nö otidadö batjibanö omudawö ujuninobe Salomonma, jadanö babe mölebi baibanö, ina jejenö israel jojodö tjömöayedö ju̧kwadö.

2 Samuel 12:31

Ja̧danö, okobe deinö Raba comunidad jojodönö iteda ömöayedö batjibanö ujuninobe, ja̧danö 'diinö tjotidobö weinobe. Towi ötebiya löawakwöbi, picokwöbi, o̧tomo'akwöbi, 'diinö tjotidobö weinobe, ja̧danö ju'wibi bloke juwawemi tjotidobö weinobe. Jejenö weinobe Davidma, amonita jojodö tjitebo ba̧kwemeachibanö, tjitebokwena ju̧kwadönö. Ja̧danö, amonita jojodönö juluwajo̧, Davidbi, okobe deinö ömöayedö ölakwabikwawa jojodöbi Jerusalenbe tjȩwa̧jinobe.

Josué 9:23

Jejenö omöna yöka̧linaduwobetjö̧, ökwödönö lȩebakwawa baikwö yötawaduwakwö, ökwödöma ba̧kwelöjatebö dömöayedöda kwö̧jaduwakwedöja, ja̧danö ba̧kwelöjatebö chuluwo̧ Dios eju jawa imi paböbi, ojwiyo waböbi kwotidaduwakwedöja, —jö̧ba̧lö yöa̧linobe Josuema, sulabenö omöna yöka̧linaduwobe, jö̧ba̧lö.

Éxodo 1:14

Israel jojodöma usula emawöda ju̧kwijadötö juluwanö tjotidobö le jwiinö wetjobetjö̧. Bloke junö, letiyakwö pjabatö, okobe jwiinö batjo otikwa, sobö, junö, 'wibö tjotidobö webijadötö.

Hebreos 11:37

Ja̧danö ju'wedönö, Diosnö tjo̧'wo̧ wana̧ladönöma inawiya tjikwawinobe. Ja̧danö, ju'wedö Diosnö tjo̧'wo̧ wana̧ladönöma bulabinö lotjinobe, ja'ösedönöbi. Ja̧danö, ju'wedö Diosnö tjo̧'wo̧ wana̧ladönöma kwölöte ödöötenö dodobö lotjinobe. Ja̧danö, ju'wedö Diosnö tjo̧'wo̧ wana̧ladöma yelösöda jwibinadö. Jobadöma usulasedöda kwetjachinobe obeja i̧sȩdo̧tjö, chiwo i̧sȩdo̧tjö otikwado̧da 'dubawö. Jejenö tjuju̧kwinobe usula emawö inia tjötjinö ja̧tjawö̧.