1 Crónicas 16:2 - Dios Iwene

² Jemi ikenama, iyawa jawa kabatajadö, Davidma jojodö tjöba a'o ja̧nö, Isabenö Jo̧nö aebinobe, Israel jojodönö pjaatobö.

1 Crónicas 16:2 Referans Kwoze

Génesis 47:10

Ikenama, faraónnö, Diosnö ateba ökwönö ösödinö pjaatobö, jö̧ba̧lö, Jacobma labebijetö faraón ö̧jelöma.

Hebreos 7:7

Chömöledö, ökwödöma okobe deinö döwaisa, jo̧kwadabo̧ma iteda uluwo̧nö yöawinokobe, Diosma ökwönö otiwanö pjaatakwo̧, jö̧ba̧lö. O̧penönö jo̧da, jejenö yöa̧lobe jo̧banötjö baikwönönö jo̧nö. Bakwo̧bi deobe, jejenömaökö, jö̧ba̧lo̧ma. Jo̧kwaobetjö̧ döwaisa, Melquisedecma Abrahamnötjö o̧penönö inesö jo̧obetjö̧ jejenö yöawinobe, Diosma ökwönö otiwanö pjaatakwo̧, jö̧ba̧lö. Ja̧ yöawinama i̧sebobe ökwödönöma, Melquisedecma Abrahamnötjö o̧penönö jo̧, jö̧ba̧lö.

Josué 22:6

Jejenö webö, Josuema Diosnö aebinobe jobadönö, ja̧danö Jordan bakwachödö tjitebobe tjȩwa̧jobö weinobe, ja̧danö weawö̧, tjejukwena tjȩwa̧jinobe.

Génesis 47:7

Ikenama Joséma abe'do Jacobnö tebatijetö faraón ö̧bȩkonö, faraón öba a'otjö ujunobö. Jacob, tebachajo̧ faraónnö yöba̧lijetö, Diosnö ateba ökwönö ösödinö pjaatobö, jö̧ba̧lö.

Génesis 20:7

Ja̧danö, babema jilekwekwö tjebatijö. Jilekwema ötjö yötawi̧ yöbawo̧. Jo̧bama ökwönö aebakobe ötjönöma. Ja̧danö ötjönö aebobetjö̧ 'yaka̧lakwo̧ja. Jo̧kwaijayonö, jobujunö tjekatökötjö̧ma ökwöbi, kwömöledöbi, kwejunö ju̧kwadöbi debö kwi̧'yaduwakobe— jö̧ba̧lijetö Diosma Abimelecnöma.

Génesis 14:19

Ikenama Abramnö badekwö Melquizadekma, Abramnö o̧'wo ösöwanö yöba̧lijetö: —Abram, La'aka Inesö Diosnö, mölejebi, böjȩbi otidinanöma ateba ökwönö dösölöjönö edö pjaatobö.

1 Crónicas 16:1

Ja̧danö, Jerusalen comunidadbe ichibajadö, Dios iteapjo tetjatinobe, ja̧danö David otidina sabana'wotjo otikweju okwa tjujuninobe. Jemi ikenama Dios öba a'otjö, jwiinö ubinö iyawa kwabö juwö tjiyinobe Diosnö, ja̧danö ju'wi Dioskwö ösökwö ja̧kwawa iyawabi kwabö juwö iyö tjukwinobe.

1 Crónicas 16:3

Ja̧danö ju'wibi, okobe deinö jobe ju̧kwadö Israel jojodönö ömadönöbi, ya̧dönöbi bakwo̧nökwena kwakwawa iyabinobe, pansapja̧ bakwapja̧bi, itebiyabi, ubatjö dalö isa'o baibanö tjotidinabi iyinobe, tjukwobö.