1 Crónicas 13:7 - Dios Iwene

⁷ Japjoma Abinadab mikwo̧ ejunö ji̧nobe, ja̧danö ja̧pjo emajadö, koluka yayakanö tjaninobe, pa̧ka̧yadö tötjobö. Ikenama Uza mikwo̧bi, Ajio mikwo̧bi jwetjeba̧lonö, jobetjö latjebinobe.

1 Crónicas 13:7 Referans Kwoze

1 Crónicas 15:13

Jau chömöledö, ajayinö Dios iteapjo baikwö dichejebobö jö̧da̧linenama, ökwödö Levisaso jojodöma kwekatinaduwokobe, ja̧danö jobekwö sulabenö kwedatiökwe, duluwo̧ Isabenö Jo̧ Diosma ödameakwinobe ökwödönö, ja̧danö ökwödönö lȩebinobe. Jau, Dios weina, otiwanö iteapjo kweatakwawa jawa weina otiwanö da̧ja̧kwinokobetjö̧, ökwödönö ödameakwinobe, —jö̧ba̧lö weinobe Davidma Levisaso jojodötjö luwedönö.

1 Crónicas 15:2

Jemi ikenama, jobekwö otidajo̧, Davidma yöa̧linobe: —Levisaso jojodöda Dios iteapjo kwetjatobö jö̧ba̧ladö, ju'wedöma kwetjatoko, Levisaso jojodöda. Jau, Isabenö Jo̧ma jobadönöda 'da̧batö ujuninobe, ba̧kwelöjatebö iteda wei̧ jawa otidö tjö̧jobö, ja̧danö iteda iteapjo kwetjatobö. Jo̧kwajabetjö jobadöda Dios iteapjo kwebatö, baikwö tjichejebobö jo̧be, —jö̧ba̧lö.

2 Samuel 6:3

Japjoma Abinadab mikwo̧ ejunö ji̧nobe, ja̧danö jejuma mösa'o ja'yuwa'o wa̧pekwa'o ji̧nobe. Ja̧danö, ja̧pjo emajadö, koluka yayakanö tjaninobe, pa̧ka̧yadö tötjobö. Ikenama Abinadab i̧tji̧mu Uza mikwo̧bi, Ajio mikwo̧bi jwetjeba̧lonö, jobetjö latjebinobe. Ja̧danö kwetjachonö, Ajioma pa̧ka̧yadö tjabönö jwebeba̧lö i̧'yinobe.

1 Samuel 6:7

Baikwö yödawaduwakwö Dios iteapjo otiwanö tjekataduwakwa̧ma: Koluka yayaka kwotidaduwo, ja̧danö du̧ju̧taja pa̧ka̧yadö i̧yanö tji̧tji̧munö emajadönö kwemaduwo, la'akatjöda ju'wi jaye töawa wajwibadönö. Ja̧danö, ja̧ka yayaka tötjobö di̧bataduwidönö, jo̧kwaijayonö tji̧tji̧munö 'döbebö tjuluwo̧ ejube tjekataduwodönö.