1 Crónicas 13:12 - Dios Iwene

¹² Ja̧danö ja̧ möle Diosnö yeaibinobe Davidma, —Yetabi, chitebo Jerusalenbe che'ewökako̧sa Dios iteapjoma, —jö̧ba̧lö.

1 Crónicas 13:12 Referans Kwoze

1 Reyes 8:27

—Chuluwo̧ Dios, ökwö kweju chotidajabe, jo̧kwaijayonö bö̧jȩnöda jö̧kö̧ja chuluwo̧. Jau chuluwo, inesö nöbo̧ja, mölejȩ inesö möjȩnöbi kwobiökenanö, jokwajabetjö̧ chöwaisa, beju bö̧jesejunö kwobioböma jwibo̧ja, jö̧balö.

1 Samuel 6:20

Ikenama Betsemesnö ju̧kwadöma yebabinö yötja̧linobe, —Isabenö bakwo̧bi deobe, Isabenö Jo̧ , bite suli̧ jwibo̧ Dios öba a'o jo̧ma. Dai wedakwa̧da jo̧ba iteapjo isapjoma, ökwödö ditebonö jo̧bö jwiobe jö̧ba̧lö.

Mateo 25:24

Jemi ikenama mil iyinökwebi ichö, iteda uluwo̧nö yöawinobe: Chuluwo̧, ökwönö chöwaisijatö, isabenö labinö webo̧ja jö̧ba̧lö. Jau chuluwo̧, ökwönö chöwaisijatö, batjo kwotidinököyutjö, wa̧ji̧ emo̧ja jö̧ba̧lö, ja̧danö trigosade kwikwinököyutjö, trigo wa̧ji̧ emo̧ja jö̧ba̧lö chöwaisijatö.

Isaías 6:5

Jobekwö edö, jwiinö yetaibijatö, ja̧danö yöta̧lijatö, —Ayö, ötjöwe, isabenö debö chi̧'yakwo̧sa, ötjö sulabo̧ma chöbajalenö inesö la'aka luwo̧ Okobe Jwiinö Juluwo̧ Isabenö Jo̧ Diosnö chedajobetjö̧. Jau, sulabenö yöba̧lo̧chobetjö̧, cha̧jȩ yȩökwesa, ja̧danö chömöledö israel jojodö tja̧jȩ yȩbadö tjö̧'da̧de jo̧sa, ötjöwe, isabenö debö chi̧'yakwo̧sa, —jö̧ba̧lö yebabinö yöta̧lijatö.

1 Crónicas 13:11

Ja̧danö, jejenö jobetjö Uzanö Dios lȩebinobetjö̧, Perez Uza jö̧ba̧lö tjimidinobe, Uzanö lȩebinemi jö̧ba̧lö. Ja̧danö ina babebi jejenö ötjabobe. Ja̧danö, jejenö Isabenö Jo̧ Dios Uzanö kwabö loiökwe, ödameakwinobe Davidma.

1 Crónicas 13:13

Jo̧kwajabetjö̧, iteda itebo Jerusalen, David itebo comunidad ötjabobe e'ewinokobe Davidma. Itebobe e'ewökönö, jelobe jobetjö yöneawobe junö tji̧'yinobe, Gat comunidad jojo Obed Edom mikwo̧ ejube. Ja̧danö Obed Edom ejunö ujuninobe Isabenö Jo̧ iteapjoma.

1 Crónicas 21:30

jo̧kwaijayonö jobe i̧'yinokobe Davidma, jobetjö Diosnö aebakobetjö̧. Jau, Isabenö Jo̧ ömöayo̧ kwabawö lobo̧ kwölöte'onö do̧ba̧lo̧nö edenama, jwiinö yeaibinobe Davidma, ja̧danö ödöiökwe, Gabaonbe 'yö̧könö, jobe Arauna itea nijitjöda kwabö juwö iyinobe Diosnö.