1 Crónicas 13:10 - Dios Iwene

¹⁰ Jejenö Dios iteapjo maoko jö̧a̧lijayonö maiökwe, Isabenö Jo̧ Diosma ödameakwinobe Uzanö, ja̧danö jenada Uzanö lȩbebö kwabö loinobe Diosma. Jejenö lȩebökwe, jenada Dios öba a'otjö ö'wö baibinobe Uzama, Dios iteapjo maajobetjö̧.

1 Crónicas 13:10 Referans Kwoze

1 Crónicas 15:15

Jemi ikenama, Isabenö Jo̧ ajayinö Moisesnö weinadanö, Levisaso jojodöma towi ö̧'iyanö kwetjatinobe Dios iteapjoma, tjöböbe'onö.

1 Crónicas 15:13

Jau chömöledö, ajayinö Dios iteapjo baikwö dichejebobö jö̧da̧linenama, ökwödö Levisaso jojodöma kwekatinaduwokobe, ja̧danö jobekwö sulabenö kwedatiökwe, duluwo̧ Isabenö Jo̧ Diosma ödameakwinobe ökwödönö, ja̧danö ökwödönö lȩebinobe. Jau, Dios weina, otiwanö iteapjo kweatakwawa jawa weina otiwanö da̧ja̧kwinokobetjö̧, ökwödönö ödameakwinobe, —jö̧ba̧lö weinobe Davidma Levisaso jojodötjö luwedönö.

1 Samuel 6:19

Ja̧danö, ja̧ möle ju'wibi baledinobe, Betsemes jojodötjö ju'wedö Isabenö Jo̧ iteapjo edawökemi, weinökemi tjedinobe, ja̧danö jejenö tjediökwe, Diosma jobadönö setentabedönö kwabö loinobe. Jejenö lȩebiawö̧, jemi jojodö tjubudekwinobe, Isabenö Jo̧ma isabenö labinö ökwödönö lȩebajabe jö̧ba̧lö.

Josué 6:6

Weökwe, Josuema tjö̧'da̧de pjabatadönö weinobe, —Isapjo Isabenö Jo̧ wei̧ wȩyukwa öbiya döbölataja a̧ja̧pjoma e'ewaduwi, ja̧danö ja̧pjo abönö, ökwödötjö jelemutjö du̧ju̧taja trompeta pjubadö kwetjachobö webaduwi, —jö̧ba̧lö weinobe tjö̧'da̧de pjabatadönö.

1 Crónicas 13:11

Ja̧danö, jejenö jobetjö Uzanö Dios lȩebinobetjö̧, Perez Uza jö̧ba̧lö tjimidinobe, Uzanö lȩebinemi jö̧ba̧lö. Ja̧danö ina babebi jejenö ötjabobe. Ja̧danö, jejenö Isabenö Jo̧ Dios Uzanö kwabö loiökwe, ödameakwinobe Davidma.