1 Crónicas 12:1 - Dios Iwene

¹ Cis itji̧ Saul ina la'aka luwo̧ ö̧jayi, Davidnö isakwö ö̧jinobe, Davidnö kwabö loobö. Ja̧danö, jobekwö isakwö ö̧jiökwe, wene jwiinö kweachobö jwiinobe Davidma, ja̧danö ju̧kwawö ö̧jinobe, filisteo jojodö tjitebo comunidad Siclagnö. Ja̧danö, jobe ju̧kwawö ö̧jonö, israel jojodötjö ju'wedöma David ö̧jobekwö tjichibinobe, ömöayedö ölakwabikwawa jojodö batjibanö.

1 Crónicas 12:1 Referans Kwoze

1 Crónicas 11:19

—Chuluwo̧ Dios öba a'otjö, isabenö ötjöma bobu ojwiyo la'akatjöda chowobö jwibo̧sa, chowitjö̧ma bidö chömöayedö tjökwösobu chowobedanö ichejekwobetjö̧. Jau, jobadöma isabenö inesö labobe tebachö, debö tji̧'yo jö̧tja̧lajabeta, —jö̧ba̧lö owinokobe Davidma. Jobekwö laebobe jobadö wamedukwa yebabökönö tjujulu tji̧sȩbina wenema.

1 Crónicas 11:10

Isabenö Jo̧ma yöbawö ujuninobe, —Davidda Israel jojodötjö inesö la'aka luwo̧ baibakwo̧ma, —jö̧ba̧lö. Ja̧danö, David ömöayedö juluwadöbi, ju'wedö israel niji ba̧kwemeachibanö ju̧kwadöbi otiwanö Davidnö pjatjatinobe, Isabenö Jo̧ yöbawö ujuninadanö badekwachinö, Davidma israel jojodötjö inesö la'aka luwo̧ baibakobetjö̧. Ja̧danö, jobadö David ömöayedö juluwadötjö la'aka luwedö tjimibiya wȩyukwa'yema, baikwö laebobe: Ju'wedötjö bajalekwönönö inesö juluwo̧, inesö juluwadö wamedukwabedö ötjabawö̧tjö la'aka luwo̧ma, hacmonita jojo Jasobeam mikwo̧. Jo̧ba Jasobeamma isabenö ölakwabikwawa jawa juluwo̧ ö̧jinobe, bakwötanö David öpöjojodökwö ölakwabikwawenama, itea otokwötenö trecientos ölakwabikwawadönö kwabawö loinobe.

1 Crónicas 9:39

Ja̧danö Nerma Cis mikwo̧ abe'doinobe. Ja̧danö Cisma la'aka luwo̧ Saul mikwo̧ abe'doinobe. Ja̧danö Saulma Jonatan mikwo̧bi, Malquisua miwko̧bi, Abinadab mikwo̧bi, Es-baal mikwo̧bi tjabe'doinobe.

1 Crónicas 8:33

Ja̧danö Nerma Cis mikwo̧ abe'doinobe. Ja̧danö Cisma la'aka luwo̧ Saul mikwo̧ abe'doinobe. Ja̧danö Saulma Jonatan mikwo̧bi, Malquisua mikwo̧bi, Abinadab mikwo̧bi, Es-baal mikwo̧bi tjabe'doinobe.

2 Samuel 4:10

Damötjö bakwo̧ ichö yöawinobe Saul ö'wö baibaja̧ wenema, otiwa jawa wene yötawakwö jö̧ba̧lö. Jo̧kwaijayonö, –David ösödachibanö ja̧i̧ wene yöbawo̧sa, –jö̧ba̧lö omukwatö yöawijayonö, jo̧banö do̧batö kwabö lotijatö, Siclag comunidadtjö. Yöawaja̧ wene mikwa baibanö jo̧banö kwabö lotijatö.

2 Samuel 1:1

Baikwö laebobe israel jojodö la'aka tjuluwo̧ Saul ö'wö baibaja̧ ikena baledina wenema: Davidma amalecita jojodönö juluwajo̧, itebo Siclagbe ȩwa̧jinobe, ja̧danö jobe ö̧jena dötölataja mölȩ baledinobe.

1 Crónicas 11:47

Eliel mikwo̧bi. Obed mikwo̧bi. Soba comunidad jojo Jaasiel mikwo̧bi. Jobekwö laebobe David ömöayedötjö inesö juluwadö tjimibiya wȩyukwa'yema.