1 Crónicas 11:7 - Dios Iwene

⁷ Ja̧danö 'diinö tjöekwobe Jerusalen comunidad juluwajo̧, Davidma jobe pjolachö ö̧jinobe itebo baibanö. Jo̧kwajabetjö̧, ja̧ comunidad tjimidinobe, David itebo comunidad jö̧ba̧lö.

1 Crónicas 11:7 Referans Kwoze

1 Crónicas 11:5

Jerusalen comunidadma 'diinö tjöekwobe ji̧nobe, jo̧kwajabetjö̧ jejenö ichiawö̧, jebuseo jojodöma Davidnö obö yötja̧linobe, —La'akatjöda ökwödönö juluwajo̧, ditebo comunidad tekachökakwo̧ja, —jö̧ba̧lö yötja̧linobe Davidnö, otiwanö 'diinö tjöekwobe ja̧dösa jö̧ba̧lö. Jo̧kwaijayonö, jejenö tjomukwatijayonö, Davidma 'diinö tjöbebö tjotidinemi comunidad ujuluwinobe, iteda itebo comunidad baibanö. Ja̧ comunidadma ju'wi imi 'diinö tjöekwobe Sion ötjabobe, ju'wi imi David itebo comunidad jö̧ba̧lö ötjabobe.

2 Samuel 5:7

Jo̧kwaijayonö, jejenö tjomukwatijayonö, Davidma 'diinö tjöbebö tjotidinemi comunidad ujuluwinobe, iteda itebo comunidad baibanö. Ja̧ comunidadma ju'wi imi 'diinö tjöekwobe Sion ötjabobe, ju'wi imi David itebo comunidad jö̧ba̧lö ötjabobe.

1 Crónicas 11:6

Baikwö laebobe David Jerusalen comunidad ujuluwina jawama: Davidma iteda ömöayedö ölakwabikwawa jojodönö yöawinobe: —Ökwödötjö ajayinö jebuseos jojodönö mebibö juluwo̧ma, ötjö chömöayedö ölakwabikwawa jojodötjö la'aka luwo̧ ö̧jakwo̧, —jö̧ba̧lö yöawinobe. Ja̧danö, jobekwö yöa̧liökwe, David öpöo Sarvia jitji̧ Joab mikwo̧ma abönö meibinobe jebuseo jojodönö, ja̧danö jobekwö David ömöayedö ölakwabikwawa jojodötjö la'aka luwo̧ baibinobe Joabma.

1 Crónicas 11:8

Ja̧danö Davidma nöinö comunidad tjotidobö weinobe, jalobe baibanö. Milo ötjabobetjö jamatö, comunidad tjöekwemi baibanö nöinö tjotidinobe. Ja̧danö David ja̧ otidonö, Joabma ju'wi Jerusalen comunidad jawa 'yayinö baibanö otidinobe ömöayedökwö.