1 Crónicas 11:3 - Dios Iwene

³ Jo̧kwajabetjö̧, jejenö yöba̧lö, Hebrontjö okobe deinö israel jojodötjö luwedöma, Davidnö o̧te totjebinobe, isabenö biteda okobe deinö israel jojodö la'aka duluwo̧ jö̧ba̧lö. Ja̧danö Isabenö Jo̧ Dios öba a'otjö la'aka luwo̧ Davidbi jojodöbi isabenö otiwanö ja̧bö tjö̧jakwa̧ wene yöbawö tjujuninobe. Jobekwö Isabenö Jo̧ yöawi̧ yöbawo̧ Samuel ajayinö yöawinadanö badekwachinö baledinobe.

1 Crónicas 11:3 Referans Kwoze

1 Samuel 16:1

Jemi ikenama, ja'yubenö lekwajabetjö̧, Isabenö Jo̧ma Samuelnö yöa̧linobe: —Samuel, ida̧ökö Saulnö öpöjödö yöta̧lajabe, Saulma chömöledö israel jojodö tjuluwo̧ ö̧joböma chöpöjöda jö̧ba̧lö, ¿jö̧tö? Jo̧kwajabetjö̧, dokwa lekwe ina Saulnö o̧'wo tjo̧achö kwubudekwakwa̧da? Tjowi, budekwö kabati. O̧te tobebi i̧sa̧yunö, ja̧danö jayu e'ewö Belen jojo Isai ö̧jobekwö 'ya̧wi, jo̧ba itji̧mutjö bakwo̧nö omudawö chujunajobetjö̧, israel jojodö la'aka tjuluwo̧ baibobö, —jö̧ba̧lö.

2 Samuel 5:3

Jo̧kwajabetjö̧, jejenö yöba̧lö, Hebrontjö okobe deinö israel jojodötjö luwedöma, Davidnö o̧te totjebinobe, isabenö biteda okobe deinö israel jojodö la'aka duluwo̧ jö̧ba̧lö. Ja̧danö Isabenö Jo̧ Dios öba a'otjö la'aka luwo̧ Davidbi jojodöbi isabenö otiwanö ja̧bö tjö̧jakwa̧ wene yöbawö tjujuninobe.

2 Samuel 2:4

Ja̧danö, jejenö ichiawö̧, Juda jojodötjö ömadöma David ö̧jobekwö tjichinobe, ja̧danö ichibö, David uunö o̧te totjebinobe, —Bitema ökwödö Juda jojodö inesö la'aka duluwo̧, —jö̧ba̧lö. Ja̧danö, Davidma yötjawi̧ a̧ja̧kwinobe, Jabes de Galaad jojodö otiwanö Saulnö o̧tjina wenema.

1 Samuel 16:3

Ja̧danö, jejenö yöbawajo̧, Isainö kwa̧debo, kwabö juwö iyawa ba'ali junö ichobö, ja̧danö jo̧ba itji̧mutjö omudawö chujunajökwenö chi̧sebocha, o̧tesobu tokebakwo̧nöma, —jö̧ba̧lö weinobe Diosma Samuelnöma.

2 Reyes 23:30

Ja̧danö, tjuluwo̧ jobekwö ö'wö baibiawö̧, Josias ömöayedöma tjuluwo̧ iteba'o tjaninobe koluka okwa, ja̧danö iteba'o tje'ewinobe Jerusalenbe. Ja̧danö, jobe ichibajadö, Josiasnö tjo̧tjinobe, iteda iteako wobiakonö. Jemi ikenama, tjuluwo̧ Josias ö'wö baibiawö̧, Juda jojodöma Josias itji̧ Joacaz mikwo̧nö omudawö tjujuninobe, ja̧danö uunö o̧te totjebinobe, inesö la'aka luwo̧ baibanö.

2 Reyes 11:17

Ja̧danö, jemi ikenama Joyadama Isabenö Jo̧kwöbi, la'aka luwo̧ Joaskwöbi, jojodökwöbi bakobe yöbawö tjujunobö pjaatinobe, Isabenö Jo̧ ömöledö isabenö tjö̧jakwedö, jö̧ba̧lö. Ja̧danö, la'aka luwo̧ Joaskwöbi, Juda jojodökwöbi bakobe yöbawö tjujunobö pjaatinobe.

1 Samuel 28:17

Isabenö ökwönö baledi̧ma, damötjö̧ Isabenö Jo̧ yötawobö weinadanö badekwachobe. Babe baledi̧ma, ökwönö yötawinadanö badekwachobe, Isabenö Jo̧ma la'aka luwo̧ kwö̧ji̧ma ökwötjö 'döbebö, jelo̧ israel jojonö iyajabe, Davidnö.

1 Samuel 23:18

Ja̧danö, jejenö yöa̧laja̧ ikena, yemidanö Isabenö Jo̧ öba a'otjö ösödabikwawö tjö̧jakwa̧ wene yöbawö tjujuninobe, dösölöji̧nö ösödabikwawö dö̧jökötjö̧ma, Dios lȩebobö jȩna, jö̧ba̧lö. Jemi ikenama, David Horesnö ö̧jonö, Jonatanma ejube ȩwa̧jinobe.

1 Samuel 15:28

Kȩachajiökwe, Samuelma Saulnö yöawinobe, —Babe bi̧do̧ kȩebö loköbaja̧danö, Isabenö Jo̧ma israel jojodö la'aka tjuluwo̧ kwö̧ji̧ma ökwötjö kȩebö loajabe, kwömöledö israel jojodötjö jelo̧nöda iyobö, ökwötjö bajalekwönönö otiwo̧nö.

1 Samuel 11:15

Yöa̧lawö̧, okobe deinö israel jojodöma Gilgalbe 'ya̧nö, Isabenö Jo̧ öba a'otjö Saulnö yötjawinobe, —Isabenö Dios omudawö ujuninökwe Saulma okobe deinö israel jojodötjö inesö la'aka luwo̧ ö̧jobe, —jö̧ba̧lö. Ja̧danö jobe Gilgaltjö Diosnö iyawa, Dioskwö ösökwö ja̧kwawa iyawama Diosnö iyö tjukwinobe. Ja̧danö, jobe Gilgaltjö, Saulbi, okobe deinö Israel jojodöbi tjo̧'wo ösödachibanö tjö̧jinobe.

Jueces 11:11

Jo̧kwajabetjö̧ Jeftema Galaad niji luwedökwö ȩwa̧jinobe, ja̧danö jojodöma Jeftenö la'aka tjuluwo̧ baibanö tjujuninobe, ja̧danö ju'wibi ölakwabikwawa jojodötjö la'aka luwo̧ baibanö tjujuninobe Jeftenö. Ja̧danö, jobe Mizpa comunidadtjö, Isabenö Jo̧ öba a'otjö ja̧bö ö̧jakwa̧ jawa yöbawö ujuninobe Jeftema.

2 Samuel 5:5

Ajayinö Hebron comunidadtjö Judasaso jojodönöda yöbawö ö̧jinobe, jelemutjö dötölataja obia ja'ö baledibanö. Jemi ikenama, Jerusalentjö okobe deinö israel jojodönö yöbawö ö̧jinobe Davidma, o̧bia treinta y tres baledibanö.

1 Crónicas 11:10

Isabenö Jo̧ma yöbawö ujuninobe, —Davidda Israel jojodötjö inesö la'aka luwo̧ baibakwo̧ma, —jö̧ba̧lö. Ja̧danö, David ömöayedö juluwadöbi, ju'wedö israel niji ba̧kwemeachibanö ju̧kwadöbi otiwanö Davidnö pjatjatinobe, Isabenö Jo̧ yöbawö ujuninadanö badekwachinö, Davidma israel jojodötjö inesö la'aka luwo̧ baibakobetjö̧. Ja̧danö, jobadö David ömöayedö juluwadötjö la'aka luwedö tjimibiya wȩyukwa'yema, baikwö laebobe: Ju'wedötjö bajalekwönönö inesö juluwo̧, inesö juluwadö wamedukwabedö ötjabawö̧tjö la'aka luwo̧ma, hacmonita jojo Jasobeam mikwo̧. Jo̧ba Jasobeamma isabenö ölakwabikwawa jawa juluwo̧ ö̧jinobe, bakwötanö David öpöjojodökwö ölakwabikwawenama, itea otokwötenö trecientos ölakwabikwawadönö kwabawö loinobe.