1 Crónicas 1:23 - Dios Iwene

²³ Ofir jojodöbi, Havila jojodöbi, Jabad jojodöbi.

1 Crónicas 1:23 Referans Kwoze

Isaías 13:12

—–Ja̧ möle jwiinö lȩtebobetjö̧, bö̧jȩ jojodötjö o̧bukwedöda tjö̧jibakwedö, wanedö yötawa: bakwai̧ oro ja'yubeda ji̧tjö, inesö otiwi̧ Ofir niji oro ja'yubeda ji̧tjö baikwönönö o̧bukwedöda batjibanö lȩtebakwosa bö̧jȩ jojodönö.

Diosnö ösödo̧ Job mikwo̧ usula emawina jawa 22:24

—Jwaikwöda Okobe Jwiinö Juluwo̧ Diosnöda kwösödo, –Orotjöbi, platatjöbi bajalekwönönö mikwawo̧ jo̧bada, –jö̧ba̧lö. Jau Job, babe kwösödi̧ oro kwujuna̧li̧ma, nijiso̧pjanö ikwö loköbo, ja̧danö inesö otiwi̧ Ofirtjö emawa oroma, ojwe ö'öbö inawiya jȩna ikwö loköbo, –Diosnöda chösödobö jo̧be, –jö̧ba̧lö.

1 Crónicas 29:4

Inesö otiwi̧ Ofir nijitjö emawa oroma, cien mil kilo jenanö chiyobe, ja̧danö otiwi̧ plata jawa, doscientos treinta mil kilo jenanö chiyobe, ja̧tjö Dios eju tjöekwemi pöchö otidakobetjö̧,

1 Reyes 10:11

Ja̧danö, ba̧kwelöjatebö ju'wedö luwedönö a'dȩlökönö iyi̧danö, Saba niji la'aka luwujunöbi otiwanö iyinobe Salomonma, ja̧danö jemi tupakwö, okobe jwiinö ju'wi jaye Salomonnö ajebi̧ jawabi a̧'dȩlökönö iyinobe. Ikenama, ö̧jelö lajebinobe jö̧möayedökwö, jadanö jitebobe jȩwa̧jinobe. Ju'wibi, nöinö ju'wi teabi israel nijibe ichibinobe, Salomon la'aka luwo̧ öjenama. Tiro comunidad la'aka luwo̧ Hiram itea isowibiyanö, Ofir nijitjö nöinö oro tjichejebinobe, ja̧danö ju'wibi nöinö sandalo towi okwi'iju tjichejebinobe, ja̧danö nöinö mikwawi̧ inawiyabi tjichejebinobe. Ja̧danö, ja̧ tjichejebina towi okwi'ijutjö, Isabenö Jo̧ eju okwi'iju baibanö otidinobe, jadanö iteda eju okwi'iju baibanö otidinobe. Ja̧danö, ju'wibi lo̧awa jawa arpabi, lirabi, nöinö ja̧ sandalo towi ötebiyatjö otidinobe, lo̧awa luwedö lo̧tjakobetjö̧. Isabenö nöinö towi okwi'iju tjichejebinobe Salomon ö̧jenama, jemi ikenama baikwö bajalenö, la'akatjöda ja möle nöinö tjichejebinadanö, sandalo towi okwi'iju ichejeböködö israel nijibema.

1 Reyes 9:28

Ja̧danö, Salomon weawö̧, jwaibalawanö 'ya̧nö ödö kwetjachinobe, inesö otiwi̧ oro jȩmi Ofir nijibe, ja̧danö jobetjö nöinö oro tjeminobe. Jobe Ofirtjö catorce mil kilo oro tjeminobe, ja̧danö emajadö, tjebachajö tjuluwo̧ Salomon ö̧jobekwö tjichejebinobe.

1 Samuel 15:7

Ikenama Saulma amalecita jojodönö ujuluwinobe, Havila nijitjö, egipto nijitjö jawo̧ ichobekwö niji Shur mikwobe ichibenanö kabatö.

Génesis 25:18

Ismaeltjö tupadanö jojodöma Havila niji, Shur niji 'da̧denö ju̧kwijadötö. Jobema Egiptotjö ja̧wo̧ laebemi ji̧jetö, Asiriabe 'ya̧kwawama ja'ö. Ja̧danö, Ismaeltjö tupadanö jojodöma idödada ölakwabikwawö ju̧kwijadötö.

Génesis 10:29

Ofir jojodö, Havila jojodö, Jabad jojodö. Jobadö okobe deinöma Joctántjö tupadanö jojodö.

Génesis 2:11

Ajayinö 'da̧achödöma Pisón mikwijetö. Jödöma Havilá nijinö li̧jetö wi̧so̧inö. Havilá nijinöma oro bi̧jetö.

1 Crónicas 1:22

Abimael jojodöbi, Seba jojodöbi,

1 Crónicas 1:24

Semtjö, Abraham baibanö tjimibiya wȩyukwa'yema baikwö laebobe: Sem mikwo̧bi, Arfaxad mikwo̧bi, Sala mikwo̧bi,