1 Corintios 8:11 - Dios Iwene

¹¹ Ja̧danö, jejenö ökwöma, Aaa, waiso̧sa jö̧ba̧lö kwukwobetjö̧, kwöwaisi̧ma kwöjawo̧ Jesúsnö ösödo̧nö suli̧ waedena ichejekwa chömöledö, Dios öpöjödi̧, jö̧ba̧lö, ukwobö ja̧köbobetjö̧. Jau chömöledö, jo̧banö ösödö Cristoma midawö woinajayonö, ökwöma, Aaa, waiso̧sa jö̧ba̧lö omukwatö kwukwobetjö̧, jo̧banö suli̧ kwöwaedena.

1 Corintios 8:11 Referans Kwoze

Romanos 14:15

Jau chömöledö, kwöjawo̧duwi omukwatena, Ju'wi kwakwawa sula, Dios weökö jawa, jö̧ba̧lö. Ja̧danö, jejenö omukwatijayonö ökwödö kwukwaduwitjö̧ma, jo̧banö suli̧ kwöwaedaduwena, sulabenö omukwatobö ja̧köbaduwobetjö̧. Ja̧danö, jejenö ja̧bö kwöjawo̧duwinö ösödökönö kwukwaduwena chömöledö. Jejenö suli̧ waedökönaduwi kwö̧ja̧wo̧dönöma chömöledö. Cristoma jobadönö ösödö midawö woinobe, ¿jö̧tö? Jo̧kwajabetjö̧ kwö̧ja̧wo̧dönöma suli̧ waedökönaduwi chömöledö.

1 Corintios 8:13

Jejenöobetjö̧, baikwö yötawaduwakwö chömöledö: Jejenö chu̧kwa kwakwawama chöjawo̧nö töbö meobö ja̧ena jö̧ba̧lö chomukwatitjö̧ma, ja'yubebi itebiya chukwökena wotenanö baibanö, chöjawo̧nö meobö ja̧tapji jö̧ba̧lö.

1 Corintios 10:33

Jau chömöledö, ötjö ja̧bö chö̧ji̧danö ja̧bö kwö̧jaduwo. Ötjöma okobe jwiinö ja̧bö chö̧ji̧ma, okobe deinö jojodö tjösödo jö̧ba̧lö, ja̧bö chö̧jobe chömöledö. Ja̧danö, ötjöda otiwanö chö̧jakwa̧ chomukwatökö chömöledö, ju'wedö otiwanö tjö̧jakwa̧ chomukwatobe, jobadöbi tjö̧jibo jö̧ba̧lö.

Juan 6:27

A̧ja̧kwaduwitjö, wanedö yötawi̧ma: Ökwödöma 'dö̧ibaji̧ kwakwawada kwukwaduwobö omukwatö kwö̧jaduwobe. Jo̧kwaijayonö yötawaduwakwö. 'Dö̧ibajökö jawa kwakwawa kwujuna̧laduwobö omukwatö kwö̧jaduwo. Ja̧ 'dö̧ibajökö kwakwawama ba̧kwȩlö̧jatebö ja̧kwawa iyi̧ kwakwawa. Ja̧ kwakwawa iyo̧ma ötjöda, jojo baibanö jeminökweda. Jau, ötjödasa ba̧kwȩlö̧jatebö ja̧kwawa iyo̧ma, Chabe'do Dios jejenö chiyobö ösödö ötjönö weinobetjö̧— yöawinobe Jesúsma jobadönöma.

1 Corintios 8:4

Ja̧danö, baikwö yötawa ju'wedö tjösödawö̧ o̧'wo̧ jawa iyawa kwakwawa jawama, ja̧ kwakwawa dukwojobö dukwokojobö jö̧ba̧lö. Ökwödöma döwaisobe, o̧'wo̧ jawama, Diosbö̧kö̧ jö̧ba̧lö. Ja̧danö, Diosma bakwo̧da, jelo̧ma deobe jö̧ba̧lö döwaisobe chömöledö.