1 Corintios 7:32 - Dios Iwene

³² ja̧danö böjȩ jawa kwo̧'wo̧ tjo̧kekwaduwoko chömöledö. Ja̧danö, tji̧lȩkwa̧munö juna̧ladönöbi, debadönöbi baikwö yötawa: Bakwo̧ ilekwonö debo̧ma, jwaikwöda Duluwo̧ wei̧ jawada otidobö jo̧be, Duluwo̧ ösödi̧ jawada jwaikwöda ja̧bö ö̧jo jö̧ba̧lö.

1 Corintios 7:32 Referans Kwoze

1 Timoteo 5:5

Jesúsnö ösöduju jilekwenö wobekwinuju jömöledö debujuma, jömöledönö jo̧'wo̧ jöwana̧loböma jwibuju. Ja̧danö, Diosnöda jo̧'wo̧ wana̧luju, jo̧bada ite'ada̧lobö, ja̧danö kabatökönö Diosnö abebuju, kabatökönö Dios pjaatobö abebuju jobujuma, yö̧tebi, mölebi. Jobujujayedönö Dios ömöledö tjite'ada̧lobö jo̧be.

Filipenses 4:6

Ja̧danö, okobe jwiinö baledi̧ma, kwo̧'wo̧ tjo̧kekwaduwa chömöledö, dakwö ja̧dakwajö jö̧ba̧löma. Kwo̧'wo̧ tjo̧bekwökönö, Diosnöda akebaduwo chömöledö, jo̧ba pjaatobö akebaduwonö, otiwanö pjabato̧ja jö̧ba̧lö.

Mateo 13:22

Ja̧danö, sȩa'wonö meaja̧ ödebiya badekwachi̧ma, Dios la'aka luwo̧ ö̧jakwa̧ wene a̧ja̧kwö tjösödijayonö, böjȩ jawa nöinö omukwatadönö, ja̧danö balada tjemobö isakwadönö badekwachobe. Jobadöma ja̧ jawa nöinö tjomukwatobetjö̧, otiwanöma tjöda̧peachokobe, ja̧danö tjo̧'wo̧ luwo̧ wa̧ji̧ jawama otiwanöma wa̧jokobe.

Marcos 4:19

böjȩ jawama ba̧wa̧lö̧jinö edadö, yelösöda. Ju'wi jaye okobe jwiinö edö tjujuna̧lo jö̧ba̧lö ba̧wa̧lö̧jawö̧. Ja̧ jaye okobe jwiinö ba̧wa̧lö̧jinö edö ödebiya sȩa'wonö meinadanö, lewachajinadanö ichejekwadö. Jejenö lewachajawö̧ma Dios iwenema do̧tjatokobetjö̧ kabatibadö— labebö lobö yöbawijetö.

Juan 10:13

Ja̧danö, o̧bȩja̧dönö ite'ada̧lobö midö weökwema jo̧ba a̧jwi̧mutjokobetjö̧ o̧'wo̧ tjo̧bö̧kö̧ jobadönöma. Jo̧kwaobetjö̧ tebo awili ichenama le'dedibö döbibajo̧, te'ada̧lökönö—yöawinobe—.

1 Corintios 7:33

Jo̧kwaijayonö ilekwonö juna̧lo̧ma, böjȩ jawabi omukwatobö jo̧be, ilekwo jösödi̧ jawabi ja̧o jö̧ba̧lö.