1 Corintios 7:1 - Dios Iwene

¹ Chömöledö, ökwödö Corintio jojodöma ötjönö kwialusöja kwiwȩyudinaduwobe, ötjönö abebö a̧ja̧kwö, ja̧danö babema abebö a̧ja̧kwö kwiwȩyudina jawa chatadocha. Bakwo̧ ilekwonö emökönö ö̧jitjö̧ma, sulökö, otiwena,

1 Corintios 7:1 Referans Kwoze

1 Corintios 7:8

Chömöledö, babema ömadö tji̧lȩkwa̧munö wobekwinadönöbi, ya̧dö tji̧lȩkwa̧munö wobekwinadönöbi lȩbebö yötawa. Jobadö ötjödanö tji̧lȩkwa̧munö emökönö tjö̧jitjö̧ma, otiwena.

Génesis 20:6

Ikenama Diosma jö̧ba̧lijetö Abimelecnöma, i̧'wi̧dinö: —Jau, chöwaisa. Kwomajadenö otiwanö omukwatö weköbinobe jobujunö tjichejebobö. Jejenö chöwaisobetjö̧ ökwönö pjatatijatö, ötjö chöpöjödi̧ma sulabenö ja̧köbapji jö̧ba̧lö. Ja̧danö, pjatatijatö jobujunö maköbokobö, jobujuma jelo̧ ilekwo wajwiköbi̧ chöwaisobetjö̧.

Proverbios 6:29

Chitji̧, jobekwö labi̧ jawa baledakobe ökwönöma jelo̧ ilekwo̧kwö bakwobe kwö̧jitjöma. Isabenö ökwönö lȩtjebakwo̧ja.

1 Corintios 7:2

jo̧kwaijayonö tji̧lȩkwa̧muböködökwö sulabenö ja̧tjapji jö̧ba̧lö, ömadöma bakwo̧nökwena tjilekwokwena tjemo, ja̧danö ya̧döma bakwujukwena tjilekwekwena tjemo.