1 Corintios 4:16 - Dios Iwene

¹⁶ Ja̧danö, kwabe'dodanö chichejekwobetjö̧ wetaduwakwö, ötjö ja̧bö chö̧ji̧danö ökwödöbi ja̧bö kwö̧jaduwo jö̧ba̧lö.

1 Corintios 4:16 Referans Kwoze

2 Tesalonicenses 3:9

Chömöledö, ökwödönö yöbawö dö̧jobetjö̧, isabenö kwite'ada̧laduwobö wedo jö̧da̧linobe, jo̧kwaijayonö di̧sebi̧danö ökwödöbi ja̧bö kwö̧jaduwo jö̧ba̧lö, otidö dö̧jijatö.

Filipenses 3:17

Chömöledö, ökwödöma okobe deinö ötjö ja̧bö chö̧ji̧danö ja̧bö kwö̧jaduwo. Ja̧danö, ötjö ja̧bö chö̧ji̧danö ja̧badönöbi kwedaduwo, ökwödöbi jobadö ja̧tji̧danö ja̧bö kwö̧jaduwo jö̧ba̧lö.

1 Corintios 11:1

Jau chömöledö, ötjöma Cristo ja̧bö i̧sebinadanö ja̧bö chö̧jobe, ja̧danö ökwödö Corintio jojodöma ötjö ja̧bö chi̧sebi̧danö ja̧bö kwö̧jaduwo chömöledö.

1 Tesalonicenses 1:6

Ja̧danö, ökwödö ja̧bö di̧sebi̧danö ja̧bö, ökwödödanö ichejekwadö bakibinaduwobe chömöledö, ja̧danö Duluwo̧danö ichejekwadö bakibinaduwobe. Jau chömöledö, usula kwemawaduwijayonö, Dios O̧'wo̧ Luwo̧ pjaatawö̧, kwo̧'wo̧ luwo̧duwi ösöwachibanö kwösödinaduwobe otiwa jawa wenema.

Hebreos 13:7

Chömöledö, kwomukwataduwo ökwödönö ajayinö Jesús yöawina wene yöbawinadönö, kwöwaisachibaduwinö pjabatinadönöma. Jobadö Diosnö tjo̧'wo̧ wana̧lö tji̧'yina kwomukwataduwo. Jobadöma okobe jwiinö tjö̧ji̧ma, wotjenanö baibanö, Diosnö tjo̧'wo̧ wana̧lö tji̧'yinobe. Chömöledö, jobadö tjö̧jinadanö ökwödöbi kwö̧jaduwo, Diosnö kwo̧'wo̧duwi wana̧lö. Ja̧danö, jobadö yöbawinadöma jweinö yötjawinobe Jesucristonöma.

Filipenses 4:9

Ökwödöma chöba̧ja̧dina jawa kwöwaisachibinaduwobe chömöledö, yötawina jawabi kwa̧ja̧kwinaduwobe, ja̧danö chi̧sebina jawabi kwedinaduwobe, ¿jö̧tö? Jejenö yötawinadanö, ja̧danö chi̧sebinadanö ja̧bö kwö̧jaduwo chömöledö. Ja̧danö, tjo̧'wo̧ ösöwachibanö pjabato̧ Diosma ökwödökwö ö̧jakobe chömöledö.

1 Pedro 5:3

Ja̧danö labinö weba̧löma kwite'ada̧laduwoko, otiwanö ja̧bö kwi̧sebaduwodönö, jobadöma ja̧bö kwö̧jaduwi̧ edö bakwainö ja̧bö tjö̧jakobetjö̧.