1 Corintios 15:47 - Dios Iwene

⁴⁷ Ajayi jojoma, böjȩ luwo̧inobe, ja̧danö letiatjö otidinökweinobe. Jo̧kwaijayonö ikena luwo̧ma, mölejȩtjö ichina chömöledö.

1 Corintios 15:47 Referans Kwoze

Juan 3:31

Ina yöawinobe Juanma: —Mölejȩbetjö icho̧ma böjȩ jojodönötjö o̧penönö mikwawo̧. Böjȩ jojodöma, böjȩ jojodö. Böjȩ jawada yöba̧ladö. Mölejȩbe jo̧ma, böjȩ jojodönötjö o̧penönö mikwawo̧.

Génesis 2:7

Ikenama Isabenö Jo̧ Diosma nijitjö jojodanö otidijetö. Otidajökwe isu̧nö ja̧kwawa imiyupjo pjubijetö jojo baibanö.

Génesis 3:19

Juluwachibö otidö kwȩjȩlö̧ja̧sobu kwöbatjö labebö loköbenada ku̧kwama kukwakwo̧ja, yemidanö nijibe tjekachajena baibanö, nijitjö otikwo̧köbobetjö̧. Isabenö ökwöma nijitjö otikwo̧ja. Ja̧danö, yemidanö nijikwö tjekachajakwo̧ja— jö̧ba̧lijetö Diosma.

2 Corintios 5:1

Jau chömöledö, döwaisa, babe diteba'oma lekwe jö̧kö'o, baikwö wanedö yötawa: Babe diteba'oma, sule löwötedanö ichejekwa, jo̧kwaijayonö ja̧'o woenama, balekwa'o ba̧kwȩlö̧jatebö ja̧kwa'o dujuna̧lakwedösa ökwödö Jesúsnö ösödadöma. Ja̧danö ja'oma, Diosda otidö iyakwa'o, chömöledö, ja̧danö jojodö tjotidöte löwötedanö ichejekwökakobe, Diosda inesö otiweju otidinejudanö ichejekwakwa'o chömöledö.

1 Corintios 15:45

Jau chömöledö, baikwö laebobe Dios iwene: Ajayinö jojo Adánnö otidinobe, 'yabalo̧ baibanö, jö̧ba̧lö laebobe. Jo̧kwaijayonö, ikena luwo̧ Cristoma, ja̧kwawa iyo̧ O̧'wo̧ Luwo̧ baibinobe.

Lucas 2:11

babe yö̧te Davidmine itebo comunidadtjö jojodö tjö̧jibinö pjabato̧nö jemajabetjö̧, Dios weakwo̧ jö̧a̧linökwe Duluwo̧nö.

Isaías 9:6

Jau chuluwo̧, isabenö tjo'wo ösöwachibanö ju̧kwadö kwömöledöma, bakwuju jitji̧nö jemajobetjö̧, duluwo̧ baibakwo̧ jitji̧nö jemajobetjö̧. Ja̧danö jo̧ba jemajökwema, isabenö duluwo̧ baibanö webö ö̧jakwo̧, ja̧danö jo̧ba imi baikwö ötjabikwo̧: —Inesö waisanö tjomukwatobö pjabato̧, —jö̧ba̧lö ötjabikwo̧. Ja̧danö ju'wibi, —Juluwo̧ Dios, —jö̧ba̧lö ötjabikwo̧. Ja̧danö ju'wibi, —Dabe'do Ba̧kwelöjatebö Jo̧, —jö̧balö ötjabikwo̧. Ja̧danö ju'wibi, —Wene Jwiinö Dö̧jobö Webö Jo̧, —jö̧ba̧lö ötjabikwo̧, duluwo̧ baibanö jemajökwema.

1 Timoteo 3:16

Dösödi̧ wenema isabenö otiwa jawa wene Timoteo, jojodö ajayinö wajwitjina wene, Dios i̧sebina wenema. Ja̧danö bakwo̧bi, Aaa, sulabe wene, isa̧ökö wene, jö̧a̧loböma jwia. Ja̧ Cristo Jesús jawa wenema biya̧: Jo̧bama jojo baibanö öwawinobe. Jo̧banö i̧sebinobe Dios O̧'wo̧ Luwo̧ma, sulabe jwibo̧ jö̧ba̧lö. Jo̧banö tjedinobe ángelesdöma. Jo̧banö tja̧ja̧kwinobe böjȩ bakwameachibanö ju̧kwadö jojodöma. Jo̧banö tjösödinobe böjȩ bakwameachibanö ju̧kwadö jojodöma. Jo̧bama mölejȩbe kaekwajinobe.

Hechos 10:36

Kwöwaisaduwa, Diosma yöbawijetö iteda otiwa jawa wene ökwödönöda, Israel jojodönöda. Ja̧ wenema, okobe jwiinö Duluwo̧ Jesucristo ö̧jina wene. Jesucristo, ökwödö Dioskwö otiwanö dichibanö pjaatina wene, ja̧ wenema.

Juan 6:33

Ja̧ Dios iyi̧, mölejȩbe jawa kwakwawama, ba̧kwȩlö̧jatebö ja̧kwawa iyi̧ kwakwawa— yöawawö̧:

Mateo 1:23

Yötawaduwakwö, ina iso̧nö ja̧bökujuma, metu'wo jö̧jakobe, ja̧danö jitji̧nö jemakobe, ja̧danö jo̧banö Emanuel jö̧ba̧lö ötjabikobe, Diosma ökwödökwö jo̧, jö̧ba̧lö laebobe Dios iwene.

1 Corintios 15:46

Chömöledö, tjo̧'wo̧ luwo̧sa'oma abönö ji̧na'oinokobe, ¿jö̧tö? Ajayinö böjȩsa'o ji̧nobe, jemi ikenama tjo̧'wo̧ luwo̧sa'o jo̧be chömöledö.