1 Corintios 15:41 - Dios Iwene

⁴¹ Jau chömöledö, jawo̧ma, iteda otikwi̧ juna̧lo̧, ja̧danö yö̧te jawo̧ma, iteda otikwi̧ juna̧lo̧, ja̧danö si̧li̧'i̧döbi, idöda tjotikwi̧ juna̧ladö. Ja̧danö, si̧li̧'i̧dötjö, wainökwena tjotikwi̧ juna̧ladö.

1 Corintios 15:41 Referans Kwoze

Deuteronomio 4:19

Ja̧danö mölejȩbe edö, mölejȩnö la̧jadönö jawo̧nöbi, yö̧te jawo̧nöbi, si̧li̧'idönöbi kwösödaduwoböma omukwatökönaduwi. Ju'wedöma ö'öbönö kwomukwataduwobö öbibö yötja̧lena, –Mölejȩnö la̧jadönö dösödobö otiwa, –jö̧ba̧lö, jo̧kwaijayonö sulabenö öbibö yötja̧li̧ma ösödökönaduwi, ja̧danö jobadönö bȩbachibö ösödökönaduwi. Jau chömöledö, duluwo̧ Isabenö Jo̧ Diosma bö̧jȩ ba̧kwemeachibanö ju̧kwadönö pjabatö, jobadö mölejȩnö la̧jadönö jobe tjö̧lobö öninobe, jo̧kwaijayonö ja'yubebi jobadönö kwösödaduwobö jwiobe, Diosnöda kwösödaduwobö jo̧be.

Isaías 24:23

Ja̧ möle yö̧te jawo̧ idejati̧ma, salöökakobe, ja̧danö möle jawo̧ idejati̧ma, dejatökönö ötabakwobedanö jakobe. Jau, ja̧ möle Isabenö Jo̧ Okobe Jwiinö Juluwo̧ Diosma Jerusalennö ö̧jakwo̧, Sion mösa'otjö webö ö̧jakwo̧, jadanö iteda ömöledötjö la'aka luwedö tjöba a'o dewinö dejatinö ö̧jakwo̧, jawo̧ idejati̧ma, idejatokobedanö ichejekwinö.

Diosnö ösödo̧ Job mikwo̧ usula emawina jawa 31:26

—Ju'wibi, möle jawo̧ idejatobe edö, jadanö yö̧te jawo̧ otiwi̧ edö,

Génesis 1:14

Ikenama: —Möle ja̧wo̧bi yö̧te ja̧wo̧bi si̧li̧'i̧döbi babibaduwi, mölebi yö̧tebi wainö ja̧kobetjö̧. Ja̧danö, ökwödö mölejȩ lö̧jadöma, mölebiya baledi̧, ja̧danö o̧ba, imiyame baledi̧ kwi̧sebaduwakobetjö̧ babibaduwi.

1 Corintios 15:40

Ja̧danö, mölejȩnö la̧jadö tjiteba'oma, böjȩnö ju̧kwadö tjiteba'odanö ichejekwokobe. Ja̧danö, mölejȩnö ju̧kwadöma tjotikwi̧ juna̧ladö, ja̧danö böjȩnö ju̧kwadöma wainö tjotikwi̧ juna̧ladö chömöledö.

1 Corintios 15:42

Woawatjö tjeachakwawabi ja̧danö chömöledö. Diteba'o tjo̧tjenama, woawasa'o tjödobe, jo̧kwaijayonö Dios tjeachajinö ja̧enama, woawa jwia'o tjeachajakobe chömöledö.

Lucas 19:19

Yöawökwe, uluwo̧ma atadinobe: Otiwanö kwotidajabe, jo̧kwajabetjö̧ ökwönö chujunocha, bakwamu jawa comunidad jojodö tjuluwo̧ bakibanö, jö̧ba̧lö.