1 Corintios 14:5 - Dios Iwene

⁵ Jau chömöledö, okobe deinö ju'wedö tjiwenenö yöka̧laduwobö chösöda, jo̧kwaijayonö ja̧tjö o̧penönö chösödi̧ma biya̧, jojodö tjiwenenö Dios yöawi̧ yökawaduwobö chömöledö. Jau chömöledö, ju'wedö tjiwenenö yöbawo̧ma, laebi̧ jawa labebö loawa jwiinö yöawitjö̧ma, yöawi̧ma jojodönö mikwawokobe, tja̧ja̧kwokobetjö̧. Jo̧kwajabetjö̧ ju'wedö tjiwenenö yöbawo̧nötjö bajalekwönönö mikwawobe jojodö tjiwenenö Dios yöawi̧ yöbawo̧ma, okobe deinö Jesúsnö ösödadönö pjaatobetjö̧.

1 Corintios 14:5 Referans Kwoze

1 Corintios 12:10

Dios O̧'wo̧ Luwo̧ma bakwo̧nö ujulu iyena, jojodö edajitjökö jawa i̧sebo jö̧ba̧lö. Ja̧danö, jelo̧nö iyena Dios yöawi̧ yöawo jö̧ba̧lö. Ja̧danö, jelo̧nö iyena ju'wedö yötjawi̧ a̧ja̧kwö Dios yöawi̧da yötjawojobö, jelo̧ yöawi̧da yötjawojobö öwaiso jö̧ba̧lö. Ja̧danö, jelo̧nö iyena, ju'wedö tjiwene wajwii̧ iwenenö waisachökönö yöawo jö̧ba̧lö. Ja̧danö, jelo̧nö iyena, wajwii̧ tjiwene yötja̧li̧ a̧ja̧kwö, jweinö labebö lobö yöawo jö̧ba̧lö.

1 Corintios 13:1

Ötjöma okobe deinö jojodö tjiwenebi, ángelesdö tjiwenebi okobe jwiinö tjiwenetenia otiwanö yöta̧lena. Jo̧kwaijayonö jejenö tjiwenetenia yöta̧lijayonö, ju'wedönö ösödakwabikwawökönö ja̧nö chö̧jitjö̧ma, chö̧ji̧ma mikwawökena chömöledö. Ja̧danö wanedö yötawa, yötawi̧ okwa jawa jwiobetjö̧, sule campanadanö, 'dii̧ jawatjö kwatji̧ ökwöi̧danö chichejekwena chömöledö.

Marcos 16:17

Ja̧danö, ötjönö tjo̧'wo̧ wana̧ladöma, Diosma iteda ujulu tji̧sebobö pjaatakobe. Ja̧ ujulu tji̧sebi̧ma biya̧: Ötjö chiminö jojodö tjo̧'wo̧ luwo̧nö sulabedönö a'dewö lotjakwedö, ja̧danö, ju'wedö tjiwene wajwitjijayonö yötja̧lakwedö,

1 Corintios 14:1

Jau chömöledö, jwaikwöda kwisakwaduwo, ju'wedönö ösödabikwawö kwö̧jaduwo jö̧ba̧lö. Baikwö yötawa, Dios iteda i̧tji̧mu ja̧bö tjö̧jo jö̧ba̧lö Dios iyi̧ma chömöledö. Okobe jwiinö Dios iteda i̧tji̧mu ja̧bö tjö̧jo jö̧ba̧lö iyi̧ma kwösödaduwo chömöledö, jo̧kwaijayonö ja̧ jawatjö bajalekwönönö kwösödaduwo jö̧ka̧laduwi̧ma, Dios yöawi̧ yöawakwawa chömöledö.

1 Corintios 13:4

Jojodönö ösödabikwawö ja̧kwawama baikwö yötawa chömöledö: Jojodönö ösödabikwawö ja̧kwawama, o̧'wo̧ 'dibachibö lȩlö̧jinö ja̧bö ji̧. Ja̧danö, ö'wiabinöma edökönö ji̧, ja̧danö otiwo̧sa jö̧ba̧löma omukwatökönö ji̧.

Romanos 14:19

Jo̧kwajabetjö̧ baikwö yötawaduwakwö chömöledö, kabatökönö wene jwii̧ jawa disakwaduwo, ja̧danö ju'wibi disakwaduwo chömöledö, dö̧ja̧wo̧dönö tjujuluwachibanö pjadato jö̧ba̧lö disakwaduwo.

1 Corintios 14:17

Jau chömöledö, ökwöma otiwanö Diosnö akebena, otiwanö kwiyajabe jö̧ba̧lö akebena, jo̧kwaijayonö jelo̧ a̧ja̧kwokonö akebobetjö̧, jo̧banö kwöda̧pedokobe ichejekwa chömöledö.

Génesis 30:34

Jejenö jö̧a̧lökwe: —Jao kwatjö̧ma, otiwa, yöka̧li̧danö weto— jö̧ba̧lijetö Labánma.