1 Corintios 14:24 - Dios Iwene

²⁴ Jo̧kwaijayonö ju'wedö tjiwene wajwibadöbi, Jesúsnö öpöjödadöbi tetjachenama okobe deinö Dios yöawi̧ yökawaduwitjö̧ma, yökawaduwi̧ a̧ja̧kwö, tjusuli̧ tjöwaisachibena, Aaa, isabenö dusuli̧ juna̧ladösa jö̧ba̧lö chömöledö. Jau chömöledö, okobe jwiinö yökawaduwi̧ tja̧ja̧kwi̧ma tjusuli̧ wene yöawena ichejekwa,

1 Corintios 14:24 Referans Kwoze

1 Corintios 2:15

Ja̧danö, okobe deinö Dios O̧'wo̧ Luwo̧nö juna̧ladöma, okobe jwiinö edö tjöwaisobö juna̧ladö, Aaa, biya̧ma mikwa ji̧, mikwawökö ji̧ jö̧ba̧lö. Ja̧danö, jejenö edö tjöwaisijayonö, Dios O̧'wo̧ Luwo̧nö juna̧löködöma jobadö juna̧ladönö edö tjöwaisoböma jwibadö, Aaa, bitema mikwawo̧, mikwawö̧kö̧ jö̧ba̧lö.

Hechos 2:37

Ikenama jojodöma Pedro yöawi̧ a̧ja̧kwö yelösöda tjo̧'wo̧ tjo̧bekwibijadötö. Tjo̧'wo̧ tjo̧bekwö Pedronö ju'wedö Jesús webawedönö abebö a̧ja̧kwijadötö: —Dömöledö, jejenö ji̧tjöma ¿dakwö ja̧dakwa̧da?— abebö a̧ja̧kwijadötö.

Juan 4:29

—Ichaduwi kwedaduwo jojonö, ötjö okobe jwiinö chö̧jina waiso̧nöma. Jo̧badaena, Dios jojodö tjö̧jibinö pjaatobö weinökwema— yöjawinobe.

Juan 16:8

Ina yöawinobe: —Jo̧ba ichakwo̧ma Dios O̧'wo̧ Luwo̧. Jo̧bama böjȩnö ju̧kwadönö ichö jobadö tjo̧'wo̧ luwo̧nö öwaitjöda tjöwaisachibanö i̧sebakobe, Jojodöma sulabe juna̧ladö, jö̧ba̧lö. Ja̧danö, tjöwaisachibanö i̧sebakobe, Jojodöma Dios wei̧danö, jobadö suli̧ jwiinö tjuju̧kwobö wei̧danöma ju̧kwöködö, jö̧ba̧lö. Ja̧danö, jo̧ba ichakwo̧ma jojodö tjo̧'wo̧ luwo̧nö tjöwaisachibanö i̧sebakobe Dios lȩebakwa̧, Dios lȩebi̧tjö isabenö baledakobe sulabe juna̧ladönöma, jö̧ba̧lö.

1 Corintios 14:1

Jau chömöledö, jwaikwöda kwisakwaduwo, ju'wedönö ösödabikwawö kwö̧jaduwo jö̧ba̧lö. Baikwö yötawa, Dios iteda i̧tji̧mu ja̧bö tjö̧jo jö̧ba̧lö Dios iyi̧ma chömöledö. Okobe jwiinö Dios iteda i̧tji̧mu ja̧bö tjö̧jo jö̧ba̧lö iyi̧ma kwösödaduwo chömöledö, jo̧kwaijayonö ja̧ jawatjö bajalekwönönö kwösödaduwo jö̧ka̧laduwi̧ma, Dios yöawi̧ yöawakwawa chömöledö.

1 Corintios 14:16

Jau chömöledö, kwo̧'wo̧ luwo̧nöda Diosnö otiwanö kwiyajabe jö̧ba̧lö Diosnö akebitjö̧ma, yöka̧li̧ wene wajwibo̧ma a̧ja̧kwökena. Ja̧danö, Diosnö otiwanö kwiyajabe jö̧ba̧lö Diosnö akebijayonö, jo̧bama a̧ja̧kwökena, ja̧danö jau, ötjöbi jobekwö chösöda jö̧a̧loböma jwiena chömöledö.