1 Corintios 13:12 - Dios Iwene

¹² Ja̧danö, babema wajuwanöma dedokobe Diosnöma chömöledö, tjöbadekwawöte sulabötetjö dediakwawobedanö ichejekwa, jo̧kwaijayonö mölejȩbetjö, döbabiyakwena öwawinö dedakobe. Ja̧danö, babe Diosnö chöwaisi̧ma, ja'öda chöwaisobe, jo̧kwaijayonö mölejȩbetjö, jo̧ba ötjönö öwaisi̧danö balekwa mikwa jo̧banö chöwaisakobe chömöledö.

1 Corintios 13:12 Referans Kwoze

1 Juan 3:2

Chö̧ja̧wo̧dö chösödawö̧, yötawaduwakwö. Isabenö, ökwödöma Dios i̧tji̧musa. Jo̧kwaijayonö Diosma ökwödönö ina öwawinö i̧sebokobe mölejȩbe ichibö balewachibö dö̧jakwa̧ma. Ina waiya. Wajwidobe ¿dakwö dichejekwakwa̧jö, jö̧ba̧lö? Ja̧danö, domajadenö ¿dakwö omukwatö dö̧jakwa̧jö? jö̧ba̧lö, ina waiya. Jo̧kwaijayonö ja'yubeda döwaisa, biya̧: Cristo yemidanö ichena ökwödöma jo̧badanö babibö dö̧jakwedösa. Ja̧ mölema Cristoma ökwödönö wajuwanö öwawachobetjö̧ jo̧badanö ichejekwadö dö̧jakwedösa.

2 Corintios 3:18

Jo̧kwaijayonö okobe deinö ökwödö Jesúsnö ösödadöma tjöekwado̧ jwibadösa chömöledö, öwaetjöda Dios dejatinö ujulu edadösa. Jau chömöledö, Duluwo̧ salöinö ujulu edadösa, ja̧danö tjöbadekwawöte öwawinö i̧sebi̧danö ja̧ ujulu i̧sebadösa ju'wedönö, jobadöbi tjedakobetjö̧. Ja̧danö ju'wibi chömöledö, Duluwo̧ salöinö ujulu dedenama, Duluwo̧ Dios O̧'wo̧ Luwo̧ma, Duluwo̧danö ichejekwadö badibanö otido̧, jo̧ba salöinö dejatinö juluwo̧danö bakwainö dichejekwakobetjö̧. Jejenö jo̧be chömöledö, jo̧kwajabetjö̧ yödawi̧ wene 'yayi̧ wenema inesö mikwawi̧ jö̧ba̧lö, ja'yubebi salöi̧ dotojoböma omukwatöködösa. Jau chömöledö, jojodö ja̧ salöi̧ öwawinö tjedakobetjö̧, inesö mikwawi̧ wene 'yayi̧ wenema yöbawadösa.

Filipenses 3:12

Chömöledö, Aaa, ida̧ökö otiwanö Cristonö waiso̧sa, jö̧ba̧löma chomukwatokobe, ja̧danö ida̧ökö bakwainö otiwo̧ babibinasa, jö̧ba̧löma chomukwatokobe. Jo̧kwaijayonö, ina chichibököjayonö, jo̧ba ökömanö luta̧lobedanö ichejekwa, jo̧banö chöwaiso jö̧ba̧lö. Jejenö jo̧banö chöwaiso jö̧ba̧lö, Cristo Jesúsma ötjönö do̧atinobe chömöledö, ja̧danö jo̧banö chöwaiso jö̧ba̧lö, jwaikwöda isakwö chö̧jobe.

Apocalipsis 22:4

Jobadöma Diosnö edadö. Jo̧ba imi wȩyukwadö, tjöbanö.

Santiago 1:23

Chö̧ja̧wo̧dö wanedö yötawaduwakwö: Bakwo̧ tjöba dekwawötenö ediakwawö, Jooo chöba yȩamajabe, jö̧ba̧lö, edo̧.

Mateo 5:8

Tjomajadenö sulabenö omukwatöködöma, isabenö tjo̧'wo̧ ösöwanö tjö̧jakwedö, jobadöma Diosnö tjedakobetjö̧.

1 Corintios 8:3

Jo̧kwaijayonö Diosnö ösödo̧ma, Dios öwaisökwe ö̧jobe jo̧bama.

Romanos 8:18

Jau chömöledö, ina böjȩnö ja̧nö, usula demawobe. Jo̧kwaijayonö, ötjö chedemi, ökwödö usula demawi̧ma mikwawokobe yelösöda chömöledö. Mölejȩbe dichibenama, jwiinö otiwakobe. Ja̧danö, jobe ja̧nö, Dios dewinö dejatinö ujulubi dujuna̧lakwedösa ökwödöma. Ja̧danö, jwiinö otiwa jawa dujuna̧lakwa̧bi, otiwanö dö̧jakwa̧bi chomukwatenama, babema usula demawokobedanö jo̧be ötjönöma chömöledö.

Génesis 32:30

Ikenama Jacobma, bemima Dioskwö bakobe ja̧nö jo̧banö chedijayonö debö chi̧'yökötö, jö̧ba̧lö jobema Peniel, jö̧ba̧lö midijetö.

Mateo 18:10

Jau chömöledö, omukwatönö kwö̧jaduwo, bidö tjemunö mikwawöködö jö̧ba̧lö kwöpöjödaduwapji jö̧ba̧lö. Jau chömöledö, isabenö yötawaduwakwö, bidö tjemunö te'ada̧ladö ángelesdöma tjö̧jobe, ja̧danö jobadöma ba̧kwȩlö̧jatebö mölejȩbe Chabe'do öba a'o tjuju̧kwobe— jö̧ba̧lö yöawinobe Jesúsma.

Juan 10:15

Jejenö ötjökwö, Chabe'dokwö jo̧be. Ötjö Chabe'doma ötjönö öwaisobe, ja̧danö, ötjöma Chabe'donö chöwaisobe. Ja̧danö, ötjöma cha̧jwi̧mu o̧bȩja̧dö tjö̧jibinö ö'wöchö midawö lotakwo̧sa.

Éxodo 33:11

Ja̧danö, Isabenö Jo̧ma Moisésnö jweinö jöba̧liabijetö,bakwo̧ iteda yö̧ne ömöledöso̧nö dösölö̧jinö yöa̧li̧danö. Yöba̧lö kabatibö Moisésma ȩwa̧jijetö Israel jojodö tjuju̧kwobekwö. Jo̧kwaijayonö Moisés ömöayo̧, Josué mikwo̧ma, ȩwa̧jökönö jejunöda ji̧abijetö.

Diosnö ösödo̧ Job mikwo̧ usula emawina jawa 19:26

Ja̧danö chöwaisa, nöinö chö'wöchi̧tjö chi̧sȩdo̧ suli̧ waekwijayonö, ina chiteba'onö chö̧jayi, isabenö Diosnö chedakwo̧sa, jö̧ba̧lö.

Diosnö ösödo̧ Job mikwo̧ usula emawina jawa 36:26

—Isabenö otiwanö juluwo̧ Diosma, ökwödö bö̧je jojodö dö̧waisi̧tjö bajalekwönönö juluwo̧. Isabenö lekwe o̧biya jo̧ Diosma, dö̧ba̧jadökenanö, jwiinö lekwe o̧biya jo̧ jo̧bama.

1 Corintios 13:11

Baikwö wanedö yötawa chömöledö: Ötjöma ina tjemu chö̧jayi, tjemu yöa̧li̧danö yöta̧lijatö, ja̧danö tjemu omukwati̧danö chomukwatijatö, ja̧danö tjemu öwaisachibi̧danö chöwaisachibijatö, jo̧kwaijayonö pöe batibenama, tjemu jawa katatibijatö chömöledö.