1 Corintios 13:10 - Dios Iwene

¹⁰ Jo̧kwaijayonö mölejȩbetjö okobe jwiinö bakwainö otiwanö baibenama, ja'ödama döwaisökena, ja̧danö ja'ödama yödawökena. Jau chömöledö, ja̧ mölema okobe jwiinö döwaisakwedösa, ja̧danö okobe jwiinö yödawakwedösa.

1 Corintios 13:10 Referans Kwoze

1 Corintios 13:12

Ja̧danö, babema wajuwanöma dedokobe Diosnöma chömöledö, tjöbadekwawöte sulabötetjö dediakwawobedanö ichejekwa, jo̧kwaijayonö mölejȩbetjö, döbabiyakwena öwawinö dedakobe. Ja̧danö, babe Diosnö chöwaisi̧ma, ja'öda chöwaisobe, jo̧kwaijayonö mölejȩbetjö, jo̧ba ötjönö öwaisi̧danö balekwa mikwa jo̧banö chöwaisakobe chömöledö.

Isaías 24:23

Ja̧ möle yö̧te jawo̧ idejati̧ma, salöökakobe, ja̧danö möle jawo̧ idejati̧ma, dejatökönö ötabakwobedanö jakobe. Jau, ja̧ möle Isabenö Jo̧ Okobe Jwiinö Juluwo̧ Diosma Jerusalennö ö̧jakwo̧, Sion mösa'otjö webö ö̧jakwo̧, jadanö iteda ömöledötjö la'aka luwedö tjöba a'o dewinö dejatinö ö̧jakwo̧, jawo̧ idejati̧ma, idejatokobedanö ichejekwinö.

1 Corintios 13:9

Jau chömöledö, waisakwawa döwaisi̧ma, okobe jwiinöma döwaisokobe babema, ja̧danö Dios yö̧awi̧ yödawi̧ma, okobe jwiinöma yödawokobe babema.

1 Corintios 13:11

Baikwö wanedö yötawa chömöledö: Ötjöma ina tjemu chö̧jayi, tjemu yöa̧li̧danö yöta̧lijatö, ja̧danö tjemu omukwati̧danö chomukwatijatö, ja̧danö tjemu öwaisachibi̧danö chöwaisachibijatö, jo̧kwaijayonö pöe batibenama, tjemu jawa katatibijatö chömöledö.

Filipenses 3:12

Chömöledö, Aaa, ida̧ökö otiwanö Cristonö waiso̧sa, jö̧ba̧löma chomukwatokobe, ja̧danö ida̧ökö bakwainö otiwo̧ babibinasa, jö̧ba̧löma chomukwatokobe. Jo̧kwaijayonö, ina chichibököjayonö, jo̧ba ökömanö luta̧lobedanö ichejekwa, jo̧banö chöwaiso jö̧ba̧lö. Jejenö jo̧banö chöwaiso jö̧ba̧lö, Cristo Jesúsma ötjönö do̧atinobe chömöledö, ja̧danö jo̧banö chöwaiso jö̧ba̧lö, jwaikwöda isakwö chö̧jobe.