1 Corintios 12:21 - Dios Iwene

²¹ Ja̧danö, okobe jwiinö bakwa'oda baibanö jo̧betjö̧, wanedö yötawa: Öbajalema yöa̧lobö jwia, ömamuma pjaatökötjö, mikwawi̧ jwia jö̧ba̧lö. Ja̧danö, uuma yöa̧lobö jwia, ömasapama pjaatökötjö, mikwawi̧ jwia jö̧ba̧lö.

1 Corintios 12:21 Referans Kwoze

Diosnö ösödo̧ Job mikwo̧ usula emawina jawa 29:11

Ja̧danö yötawi̧ tja̧ja̧kwenama, otiwanö a̧ja̧kwö tjösödinobe, –Jobma otiwanö jweinö yöbawo̧, –jö̧ba̧lö, ja̧danö okobe deinö ötjönö edadöma, otiwanö yötja̧linobe ötjönö.

1 Samuel 25:32

Yöja̧lökwe, Davidma Abigailnö atadinobe: —Isabenö Jo̧ israel jojodö Duluwo̧ Diosnö ösödö yöta̧lobe, isabenö otiwanö ökwönö weajabe ötjönö yöka̧lobö.

1 Corintios 12:20

Jo̧kwaijayonö, tjiteba'oma bakwöta jawadaokobe chömöledö, nöinö jo̧be tjiteba'o jawa chömöledö. Ja̧danö nöinö tjiteba'o jawa ji̧jayonö, bakwa'oda baibanö jo̧be.

1 Corintios 12:22

Jau chömöledö, diteba'o jawatjö mikwawökö ji̧ jö̧ba̧lö döpöjödi̧ jawama, dösödi̧ jawatjö o̧penönö mikwawobe ichejekwa. Ja̧danö, julu jwii̧ jö̧ba̧lö döpöjödi̧ jawama, ja̧ jawa jwiitjö̧ma dö̧jobö jwiena, inesö mikwawobetjö̧.

1 Corintios 12:17

Chömöledö, bakwo̧ iteba'oma okobe jwiinö bakwai̧da öbajaleda ji̧tjö̧ma, ¿dakwö a̧ja̧kwobö? A̧ja̧kwökena, ¿jö̧tö? Ja̧danö, iteba'oma okobe jwiinö bakwai̧da ölakiyuda ji̧tjö̧ma, ¿dakwö 'dö̧atobö?