1 Corintios 12:14 - Dios Iwene

¹⁴ Chömöledö, bakwo̧ iteba'oma, bakwöta jawadaokobe, ¿jö̧tö? Nöinö jo̧be bakwo̧ iteba'o jawama, ¿jö̧tö?

1 Corintios 12:14 Referans Kwoze

Efesios 4:25

Jo̧kwaobetjö̧, Dios isabenö omukwati̧danö omukwatö kwö̧jaduwobetjö̧, sulabenö omukwatö, omöna yöba̧löma kwö̧jaduwa chömöledö. Ökwödöma bakwo̧nökwena omönama yöka̧laduwoko kwö̧jaduwemi ju̧kwadönöma. Jobadönö, Jesúsnö ösödadönö, jweinö yöka̧laduwo, ökwödöma bakwainö Jesús iteba'obedö dö̧jobetjö̧.

1 Corintios 12:19

Jau chömöledö, tjiteba'oma okobe jwiinö bakwöta jawada ji̧tjö̧ma, tjiteba'oma jwiena ichejekwa, bakwöta jawadaobetjö̧, ¿jö̧tö?

1 Corintios 12:12

Chömöledö, baikwö wanedö yötawa: Jojodö tjiteba'oma, bakwa'oda tjujuna̧ljayonö, nöinö tjujuna̧lobe tjiteba'o jawa, tjömamijubi, tjömasapiyabi, ju'wibi nöinö tjujuna̧lobe, ¿jö̧tö? Ja̧danö, okobe jwiinö tjiteba'o jawama, nöinö tjujuna̧lijayonö, bakwa'oda tjujuna̧lobe, ¿jö̧tö? Ökwödö Cristo iteba'obedöbi ja̧danö chömöledö.

1 Corintios 12:15

Ja̧danö, baikwö wanedö yötawa: Bakwo̧ ömasapama, Aaa, ömamuchokobetjö̧, bite iteba'o jawachokobe jö̧ba̧lö jö̧a̧litjö̧ma, isabenö ¿iteba'o jawaökenaji̧ ömasapama? Ömamuokobetjö̧, ¿iteba'o jawaökenaji̧? Ömamuököjayonö, yayonö iteba'o jawa, ¿jö̧tö?

1 Corintios 12:20

Jo̧kwaijayonö, tjiteba'oma bakwöta jawadaokobe chömöledö, nöinö jo̧be tjiteba'o jawa chömöledö. Ja̧danö nöinö tjiteba'o jawa ji̧jayonö, bakwa'oda baibanö jo̧be.