Yunus 3:5 - Tuntu i mPue ri Basa Taa

⁵ Wali ojo pangandonge nto Niniwe gombo i mPue Allah to naparata i Yunus etu, sira mangaya kojo gombo etu. Wali sira mangansaleka yunu nsira samba’a pei samba’a manganto’o, “Anu kita mangorop ruyu.” Pasi samparia sira, nempo to kodi angganya pasi to bae angganya, nempo ngana mayunu pasi tau to bose tu’a, sira mamposunsuka pake to raika yako kain karu. Sira mangika samparia palaong to etu mangika tondong kasoso ndaya nsira.

Sura Magali Nuntu Ngkatuwu

⁵ Naaya waʼa ntau ri Niniwe nuntu i mPue setu. Nabotusi ntau seʼe pura-pura da mopuasa, pai pura-pura tau kodi bangke, da mamporengko karu mampatongawa tau seʼe mamponcosoi waʼa ncalaanya.

Yunus 3:5 Referans Kwoze

Lukas 11:32

Pasi tempo darapangabotus to lino etu, dare’e seja tau Niniwe to napakarebaka i Yunus tuntu i mPue Allah tempo owi. Sira damampotango seja i Pue Allah sindara-ndara pei komi to tuwu ri tempo si’i. Wali tau Niniwe etu damanganto’o seja komi sala apa tempo owi, tempo sira mangandonge anu to napakarebaka i Yunus resi sira, tempo etu sira majea. Pei tempo si’i naratamo tau to bae wo’u anggaNya pei i Yunus, Aku semo, pei komi taa mampodongeka gombongKu. Wali masipato tau Niniwe etu manto’o sala komi tempo to darata.”

Matius 12:41

Wali ane ratamo temponya i Pue Allah damangabotus to lino, tempo etu komi to tuwu ri tempo si’i, komi damampotango Ia. Pasi tau Niniwe to napakarebaka i Yunus tuntu i mPue Allah tempo owi etu, sira damampotango seja i Pue Allah sindara-ndara pei komi. Wali tau Niniwe etu damanganto’o komi sala apa tempo owi, tempo sira mangandonge anu to napakarebaka i Yunus resi sira, tempo etu sira majea. Pei tempo si’i naratamo tau to bae wo’u anggaNya pei i Yunus, Aku semo, pei komi taa mampodongeka gombongKu.

Ibrani 11:1

Wali ane kita re’e pangayanta, batuanginya kita matantu kojo kita damangarata anu to nasarumaka ngkita. Pasi ane re’e pangayanta, batuanginya kita tansani re’e kojo anu to taa rakita.

Ibrani 11:7

Wali i Nuh seja mangaya i Pue Allah pasi yako pangayanya etu see naka ia mampodongeka patiendo i mPue Allah mangkonong palaong to damawali. Nempo ia taware mangkita palaong to ewa wetu, pei ia tiroo mangaya. Ia mampalaika i Pue Allah saba manga’angga Ia, wali ia mangika bangka bae see ia darapalaes sindara-ndara pei samparia tau to maroo ri banuanya. Wali yako pangayanya etu see naka manasa kojo to lino to yusa masipato nahuku i mPue Allah apa sira taa mangaya. Pasi apa saba pangayanya etu, see naka i Nuh mawali seja tau to nato’oka i mPue Allah tare dosanya.

Palaong mPomakau i mPue Yesu 27:25

Wali a’i-a’i, pakaroso rayamu apa aku kuaya i Pue Allah Ia damangika kojo to Ia room manganto’o etu.

Palaong mPomakau i mPue Yesu 8:10

Wali tau nja’u ria to bosemo pasi to mayunuwa, sira paka mampodongeka kojo anu to nato’o i nSimon etu. Sira manganto’o, “Tau si’i semo to rato’oka Kuasa i mPue Allah to Bae.”

Pangkita 11:3

Wali Aku re’e dua mba’a matamanasangKu. Pei ri tempo etu Aku damangawaika matamanasangKu etu kuasa damampakarebaka tau gombo to yako resi Aku. Sira damampakarebaka gombo etu sansowu dua atu pei ono mpuyu mbengi kasaenya. Tau dua etu pakenya kain karu.” Wali etu semo gombo to nato’oka i mPue aku.