Yunus 1:9 - Tuntu i mPue ri Basa Taa

⁹ Wali i Yunus mangansono, ia manganto’o, “Aku si’i tau Ibrani. Pasi aku mampue mampakabae i Pue Yawe. I Pue Yawe semo to nampapowali yangi, pasi to nampapowali seja tasi pasi tana to mara.” Etu semo pasono i Yunus.

Sura Magali Nuntu Ngkatuwu

⁹ Mesono i Yona natoʼo, “Yaku seʼi to Ibarani. Yaku manyomba ri Pue Ala anu ri suruga anu mampapewali tasi pai karatana.”

Yunus 1:9 Referans Kwoze

Pomulanya 14:13

Pei re’e samba’a tau ri oyonya tau to nasoko i Makole Kedorlaomer pasi yununya etu to miyai yau. Wali ia mansaka yau mangampago i Abram, to nato’oka ntau to Ibrani apa ia tau Ibrani semo. Tempo etu i Abram tiroowa maroo nja’u kaju poli to i Mamre puenya. I Mamre etu ia to Amori to sintua’i pei i Eskol sira dua i Aner. Wali sira opo i Abram roomo mangika parajanji damasisawang ane damamusu. Wali ojo karata ntau to roomo miyai yau etu, ia mangansaritaka i Abram pei manganto’oka ia i Lot ia roomo nakeni yau ntau.

Pangkita 16:11

Pasi sira manganto’o maja’a seja i Pue Allah ndate saruga apa saba sira matida kojo naepe pasi mabisul. Pei sira taa seja mangandolika tangonya yako ri lengko nsira to maja’a.

Pangkita 15:4

Samparia tau dameka resi Komi i Pue, pasi samparia tau mangabarong keyawa nsangaMu. Apa ojo Komi semo to tare dosaMu. Wali samparia to lino dama’i damampue mampakabae Komi apa roomo rapaponsanika resi kami samparia palaong ngKomi paka singkonong kojo ewa anu to Komi room manganto’o.”

Pangkita 11:13

Wali ri tempo to etu mawali lengko tana to maroso kojo. Wali santila sampuyu banua ri kota etu to mapuka yau, pasi pitu nsowu tau to rapopate yau. Pei tau to taa rapopate yau, sira meka kojo rayanya resi i Pue Allah pasi sira manganto’o, “Bae kojo kuasa i mPue Allah anu to re’e ri saruga!”

Pilipi 3:5

Apa tempo kare’engku, ojo kagananya pitu mbengi aku rasui singkonong pei ada nto Yahudi. Pasi aku samba’a to Israel to wiyaa i Benyamin. Pasi aku seja tau Ibrani apa tau tu’angku paka tau Ibrani semo. Tare tau tu’angku to si’a tau Ibrani. Pasi ane mangkonong porenta i Musa, aku madota kojo mangaluluka apa aku masua seja ri aliran Parisi.

Palaong mPomakau i mPue Yesu 27:23

Naka pei kunsani palaong to damawali etu apa ri raya mburi rata samba’a pomakau i mPue Allah yako ri saruga. I Pue Allah etu, Ia semo Puengku pasi Ia semo to kupampue mampakabae. Wali Ia mampokau pomakauNya etu ma’i makore ri awengku.

Palaong mPomakau i mPue Yesu 14:15

“Gete komi! Maka pei komi mangika palaong si’i? Kami si’i ojo to lino seja sewaju pei komi. Naka pei kami ma’i resi komi ma’i mangangkenika komi kareba matao, see komi maya mangandolika tangomu yako ri pue to tare batuanginya si’i pei maya mampue mampakabae i Pue Allah anu to tuwu. Etu semo i Pue Allah anu nampapowali yangi, lino, tasi, pasi samparia bananginya.

Pomulanya 39:14

see naka ia mampokio to papolaonginya to yusa. Ojo karata nsira resi ia, ia mangawutis sira panewa mampakasala i Yusup, to’onya, “Lo’aja pake to si’i! I Yusup semo puenya! Tau Ibrani to keni nsa’e etu, ia ojo mangarunes kita. Ia ma’i ri songingku rani mampakasaaka aku see aku maturu siwaka pei ia, pei aku bo’ongku. Aku ojo kaboo-boo suka ngkaroso nu loongku!

Posuwunya 1:15

Wali tempo etu re’e dua mba’a to we’a to palaonginya mampapoana tau we'a to yunu nsira to Ibrani. Sanga ntau we'a etu i Sipra sira dua i Pua. Wali re’e seore i Makole mampokio tau dua etu panewa ojo karata nsira resi ia, ia mamporentangika sira dua,

Posuwunya 2:13

Yako etu, ojo ka'eonya wo’u rao, ia yau wo'u njo’u tampa to nakare’e nto Ibrani etu. Ojo karatanya nja’u ria, ia ipu rayanya mangkita apa re’e dua mba'a tau paka to Ibrani tongo mpatingkanya. Wali i Musa mampotanaka resi tau to uyunya mangantidas yununya etu, ia manganto’o, "Maka pei komi paka to Ibrani pei matingka?"

Pomulanya 1:10

Panewa roo see i Pue Allah mangansangaka tampa to mara etu “Tana” pasi Ia mangansangaka ue to siromu etu “Tasi”. Wali samparia etu i Pue Allah mangkita paka matao.