Yunus 1:5 - Tuntu i mPue ri Basa Taa

⁵ Wali tau to mapalaong ri bangka etu, sira meka kojo rayanya see naka sira maroso loonya makai-kai resi pue-pue nsira samba’a pei samba’a. Sira mangoko ngaya-ngaya to mabeu to re’e ri bangka etu pei mangantaji yau lo’u raya ntasi see manga’a wo’u bangka nsira etu naka ne’e datondu yau. Pei i Yunus ia taa mangansani bara re’e kesaa to mawali ri wawonya etu, apa ia la’uwa yore denat la’u raya bangka.

Yunus 1:5 Referans Kwoze

Palaong mPomakau i mPue Yesu 27:38

Wali tempo samparia kami roomo mangkoni nakabosu, sira mangoko wo’u wea nu labu gando to re’e ri bangka pei mantaji yau lo’u raya ntasi see manga’a wo’u bangka etu.

Matius 26:45

Yako etu Ia mawolili muni resi sira togo. Ia manganto’oka sira, “Wimba, komi bara tiroo maturu pei yore-yore? Padongeka! Si’i-si’i ratamo temponya Aku, Wiyaa nto Lino, daraposora yaumo resi tau to madosa.

Matius 26:43

Wali roo etu i Yesu mawolili wo’u muni resi yunu mami to togo mba’a etu pei Ia mangarata sira togo tongo ngkayorenya wo’umo apa yore kojo mata nsira.

Matius 25:5

Yako etu masae sira mangampeas pei tawa rata to langkai etu. Wali see naka sira sampuyu paka yoremo mata nsira wali sira yore yau.

Yunus 1:16

Wali tempo tau to mapalaong ri bangka mangkita kuasa i mPue Yawe etu, sira mawali meka kojo pasi manga’angga kojo Ia. Wali see naka sira mangkeni pampue resi Ia pasi mangika nia samba’a pei samba’a.

Yunus 1:14

Wali tau to mapalaong ri bangka etu, sira maroso loonya makai-kai resi i Pue Yawe, Pue to napakabae i Yunus, sira manganto’o, “O Pue Yawe, kami mamporapika resi Komi naka ne’e Komi mangahuku mate kami ane kami mangantaji yau tau si’i lo’u raya ntasi pei roo see ia damate yau. Ne’e mampakasala kami ane rapanya tau si’i tare salanya pei kami mampopate yau ia. Apa samparia palaong to si’i naka pei mawali saba yako pamporani ngKomi semo, i Pue Yawe.” Etu semo pokai-kai nsira.

Yunus 1:6

Wali tau to mangkeni bangka etu, ia yau lo’u raya nu bangka pei mangarata i Yunus ia la’u tongo ngkayorenya. Wali ia mangalike i Yunus, ia manganto’o, “Gete, ngkai to bayore si’i! Maka pei ojo yore yore ri tempo kita damalodong yau? Pambangu pei pokai-kai resi puemu see ia bara damamporayang pei mampalaes kita naka ne’e kita mate yau.” Etu semo to nato’oka ntau to mangkeni bangka resi i Yunus.